MATIUS 8:16 - JANJAI BLAU Lem Bahaso Jang Bebilai

¹⁶ Tiko waktau lok kelemen, tun-tun nembin ngen Yesus dau tun-tun de nasuk Iblis. Yesus musir roh-roh'o ngen kulo kema'en kute tun-tun de bolon ngen Firman-Ne.

MATIUS 8:16 ပူးပေါင်းရင်းမြစ်များ

MATIUS 12:22

Sudo'o neminba ngen Yesus suang tun de pasuk semat tun'o buto ngen bisau, lajau Yesus kemaen tun'o si nam miling ngen kemliak.

MATIUS 14:14

Waktau Yesus tu'un kunei biduk ngen kemliak tun dau'o, Si slen ngen tobo'o. Lajau Si kema'en tun-tun de bolon neak antaro tobo'o.

MATIUS 8:15

Yesus megong tangen selawei'o lajau si ka'en. Si kolongon ngen muloi semiap jano de Yesus perlu.

MATIUS 8:33

Penjago-penjago jaueak'o mlilai moi kota ngen cemrito kute de tejijai kulo tetang jano de tejijai ngen keduai tun de nasuk Iblis'o.

MATIUS 9:2

Neak di tun mbin ngen-Si suang tun pakuak de teguling neak tikea. Waktau Yesus kemliak lai imen tobo'o, Si madeak ngen tun de pakuak'o, “Tabahba anok-Ku! Duso-dusonu bi napun.”

MARKUS 2:3

Ade tun teko magea Si mbin tun pakuak, musung ngen tun pat.

MARKUS 5:8

Kerno ayokne Yesus madeak ngen si, “Hoi ko roh kidek, kulea kunei awok tun'o!”

MARKUS 9:25

Waktau Yesus kemliak tun dau tambeak dau teko gemlumbung, Si temgur roh kidek'o ngen lek, nadeak-Ne, “hoi ko roh de menea tun jijai bisau ngen seti'uk, Uku meluak ko, kelueaba kunei anok Yo ngen jibeak masukne igai”

LUKAS 13:12

Ketiko Yesus kemliak selawei o, Yesus menok si, madeak ngen si, “Hoi indok, olonnu bi ka'en.”

LUKAS 4:40

Waktau matai bilai tebenem, kute tun mbin ngen si tun-tun bolon, de bolon memecem olon. Si kulo meletok tangen-Ne das tetiep tobo'o ngen kema'en tobo'o.

LUKAS 4:41

Kunei dau tun keluea kulo semat-semat samo menggang, “Ko adeba Anok Allah.” Tapi Yesus semgok tobo'o ngen coa mizin tobo'o miling, sebab tobo'o namen Siba Rajo Penyelamat.

KISAH RASUL-RASUL 5:15

Tobo'o mbin tun-tun bolon moi luea, moi dalen lai, gemulingne neak das penan tidua ngen neak tikea, supayo amen Petrus liwet, tobo'o paling didikne nam keno bayangan Petrus.