MATIUS 7:25 - JANJAI BLAU Lem Bahaso Jang Bebilai

²⁵ Waktau tu'un ujen, ngen tekoba banjir serto ibut lai temiup umeak'o, umeak'o coa ubuak kerno mbangun neak das butau.

MATIUS 7:25 ပူးပေါင်းရင်းမြစ်များ

MATIUS 16:18

Sebab'o Uku madeak ngen ko, ko adeba Petrus, butau de kuet neak das lepek butau yo ba Uku bakea mbangun grija-Ku, de coa dapet maleiak dunio tun matei.

MATIUS 7:24

“Jijai, tiep tun de temi'uk nadeak-Ku yo ngen kemerjone, si serai ngen tun de pacok, de temgok umeakne neak das butau.

MATIUS 7:26

Tapi tiep tun de temi'uk nadeakku yo ngen coa kimerjone, si serai ngen tun bodong de temgok umeak neak das benei.

MATIUS 7:27

Waktau tu'un ujen, serto ibut lai temiup umeak'o, umeak'o ubuak ngen usakne kembiak luea biaso!”

KISAH RASUL-RASUL 14:22

Neak penan'o tobo'o kemuet atei murid-murid'o ngen melei nasihat tobo'o supayo tep pecayo ngen Yesus, madeak bahwo utuk masuk moi lem Allah meriteak sebagai Rajo ite harus meding dau kesaro.

EFESUS 3:17

Sehinggo kerno udi pecayo ngen Kristus, Kristus tinggea neak lem ateinu das dasar ngen kenuaso neak lem kasiak.

KOLOSE 2:7

Lokba udi idup neak lem Si ngen tegok neak das Si. Lokba udi tambeak pecayo ngen Kristus, temurut jano de sudo najea ngen ko. Ngen lokba ateinu penuak ngen ucapan mokasiak.

YAKOBUS 1:12

Riangba tun de sabar pado waktau si cenubo. Sebab sesudo si berasea taen lem cobaan o, si bakea temimo upeakne, adeba idup de sudo jenanjai Allah ngen tun-tun de cito ngen Allah.

1 PETRUS 1:5

Kutene o adeba utuknu, kerno udi pecayo ngen Allah. Mako udi jenago ngen kuaso Allah supayo udi temimo keselamatan de siap dinyatakan pado akhir zaman.

1 PETRUS 1:7

Tujuanne adeba utuk melei bukti jano udi sungguak-sungguak pecayo ngen Tuhan jano coa. Mas de dapet usak kulo, ntes ngen opoi. Nah, imen udi adeba lebiak bego kunei mas, jijai harus ntes kulo supayo jijai murni. Ngen awei o udi bakea nujai ngen hormat serto nelkat pado bilai Yesus Kristus teko igai.

1 YOHANES 2:19

Musuak-musuak Kristus o adeba tun-tun de sudo teminggea ite, kerno tobo'o sebeneane iso tun-tun ite. Amen tobo'o tun-tun ite, paset bae tobo'o tep besamo-samo ite. Tapi tobo'o teminggea ite, supayo jelasba bahwo coa su'ang tun kulo kunei tobo'o de benea-benea termasuk kelopok ite.