MATIUS 7:21 - JANJAI BLAU Lem Bahaso Jang Bebilai

²¹ “Coa kute tun de menggang ngen uku, ‘Tuhan, Tuhan’ jijai anggota umat Allah, tapi tun de kemerjo periteak Bapaku neak surgo, do'oba de jijai anggota umat Allah.

MATIUS 7:21 ပူးပေါင်းရင်းမြစ်များ

MATIUS 12:50

Tun de kemerjo kelok Bak-Ku neak surgo, siba pasuak semenei, pasuak selawei ngen mak-Ku.”

MATIUS 16:17

Nadeak Yesus: “Butung sekilai ko Simon anok Yonah! Sebab Iso manusio de melei namen hal'o ngen ko tapi Bak-Ku de neak surgo.

MATIUS 18:10

“Awas! Jibeak mino suang tun-tun titik yo. Sebab ingetba, malaikat-malaikat tobo'o selalu ade neak adep Bak-Ku neak surgo. [

MATIUS 18:19

Udi perlu namen kulo Uku madeak ngen ko igai: Amen neak antaro udi neak dunio yo, duai tun sepakat tetang jano bae ngen de mu'one, kinoi do'o bakea knabul ngen Bak-Ku neak lem surgo.

MATIUS 18:3

Lajau Yesus madeak, “Pecayoba! Amen udi bubeak ngen jijai awei anok titik, udi bakea jijai anggota umat Allah.

MATIUS 18:35

Yesus semlesei ceritone awai yo, “Bak-Ku de neak surgo bakea menea awei yo kulo ngen udi, amen udi coa mapun pasuaknu ngen ikhlas.”

MATIUS 19:24

Ngen dio igai de lok Uku madeak ngen ko, lebiak mudeak dikup uto masuk moi lem lubang dolom kunei pado tun kayo masuk dunio belau temuan Allah.”

MATIUS 25:10

Lajau semulen bodong lalau temukuane, waktau tobo'o lalau tekoba pengaten semanei. Lemo semulen semiap lajau serpok ngen pengaten semanei moi penan pesta, lajau bang tekatup!

MATIUS 25:21

‘Baes,’ nadeak tuan'o, ‘Ko adeba pelayan de baik ngen setia. Kerno ko dapet Uku pecayo ngen de didik, uku bakea pecayo dedau ngen ko. Masukba milem beriang-riang ngen uku!’

MATIUS 26:39

Mako Yesus lalau lebiak uak didik, lajau sujud ngen bedu'o, nadeak-Ne, “Au Bak-Ku, amen buliak ne'uakba kunei-Ku derita de mestai Uku temanggung. Jibeakba awei de Ku kemlok, tapi awei de Bak kemlok.”

MATIUS 26:42

Debat igai Yesus beduo, nadeak-Ne, “Au Bak-Ku derita yo mestai Uku temanggung, ngen coa dapet Uku me'uak, kunyauba kelok Bak jijai.”

MARKUS 3:35

Api bae de menea kelok Allah, Siba pasuak-Ku semanei, Siba pasuak-Ku selawei, Siba Indok-Ku.”

MARKUS 9:47

Amen matei nu menea ko beduso, cukieaba! Kerno lebiak baik ko masuk moi lem dunio blau Allah ngen do matai kunei pado ngen duai matai tapi, nuang moi lem nerako.

LUKAS 11:28

Tapi Yesus jemawab, “Lebiak bahagia igai tun de temi'uk kecek Allah ngen maneune!”

LUKAS 13:25

Amen tuan umeak bi klongon ngen bi kematup bang, udi bakea je neak luea ngen gemtuk bang samo madeak: ‘Tuan, nukokba keme bang!’ Ngen Si bakea jemawab ngen madeak ngen udi, ‘Uku coa namen kunei ipe udi teko.’

LUKAS 18:25

Sebab lebiak mu'eak dikup unto masuk liwet lubang dolom kunei pado suang kayo jijai anggota umat Allah.”

LUKAS 6:46

“Getai udi menok Uku, ‘Tuhan, Tuhan,’ tapi coa menea jano de Uku nadeak ngen ko?

YOHANES 14:7

Sekirone udi namen ngen Uku, paset udi kulo namen ngen Bak-Ku. Uyo udi namen ngen Si, udi bi kemliak Si.”

YOHANES 15:23

Api bae de jengik ngen Uku, si jengik kulo ngen Bapa-Ku

YOHANES 3:5

Jawab Yesus, “Sesungguakne Uku madeak ngen ko: amen suang tun coa laher kunei bioa ngen Roh, si coa dapet jijai anggota umat Allah.

YOHANES 5:17

Tapi Si madeak ngen tobo'o, “Bapa-Ku kerjo sapei uyo, mako Uku kerjo kulo.”

YOHANES 6:40

Sebab dioba kelok Bapa-Ku: Adeba supayo tiep tun de kemliak Anok ngen de pecayo ngen-Si dapet idup de kekal, ngen supayo Uku midup igai pado Bilai Kiamat.”

YOHANES 7:17

Api bae lok menea kelok-Ne, si bakea namen jano Ajaran-Ku yo berasal kunei Allah, jano Uku madeak kunei dirai-Ku suang.

KISAH RASUL-RASUL 14:22

Neak penan'o tobo'o kemuet atei murid-murid'o ngen melei nasihat tobo'o supayo tep pecayo ngen Yesus, madeak bahwo utuk masuk moi lem Allah meriteak sebagai Rajo ite harus meding dau kesaro.

ROMA 12:2

Jibeakba udi serai awei dunio yo, tapi bubeakba ngen pribadinu de blau, sehinggo udi dapet mbeda ipe de kelok Allah: jano de baik, de semnang atei Allah ngen de sempurno.

ROMA 2:13

Kerno iso tun de temi'uk hukum agamo Yahudi de benea neak adep Allah, tapi tun de kemerjo hukum agamo Yahudiba de bakea benea.

EFESUS 6:6

Jibeak cuma neak adep tobo'o bae utuk semnang atei manusio. Tapi lokba udi meneane sebagoi hamba Kristus de gidong temotoa kelok Allah ngen sepenuak atei.

KOLOSE 4:12

Salam kunei Epafras. Si kulo kunei antaro udi. Si hamba Kristus Yesus, de bogoa tekun bedu'o utuk udi. Si minoi nien ngen Allah supayo keyakinan udi jijai kuet ngen udi benea-benea dewasa, kunyau udi jijai sempurno taat ngen kelok Allah.

1 TESALONIKA 4:3

Dioba kelok Allah: supayo udi idup cuma utuk Si, sucai, me'uak kute plep kidek.

1 TESALONIKA 5:18

mucep syukurba lem kute hal, sebab do'oba de Allah kenlok kunei udi sebagai tun de idup jijai do ngen Kristus Yesus.

TITUS 1:16

Tobo'o madeak bahwo tobo'o kemnal Allah, padahal plep tobo'o temulok-Ne. Tobo'o nyelek, ngen tobo'o coa lok taat; tobo'o adeba tun-tun de coa nam menea de baik.

IBRANI 13:21

Semoga Allah sumber sejahtera o mlekep udi ngen kute de baik de udi perlu utuk menea kelok-Ne. Semoga liwet Yesus Kristus, Allah kemerjo neak lem ite, jano de kenlok-Ne. Lokba Kristus nujai selamo-lamone! Amin.

IBRANI 4:6

Jijai tobo'o de pertamo-tamo temi'uk bito tetang Bito Baik o, coa temimo istirahat o kerno tobo'o coa pecayo. Amen awei o bi jelas bahwo ade tun-tun luyen de buliak temimo istirahat o.

YAKOBUS 1:22

Lokba udi menea jano de nadeak Allah, jibeak cuma temi'uk bae, sehinggo ngen awei o udi mike dirai suang.

1 PETRUS 2:15

Kerno Allah lok supayo ngen perbuatan-perbuatannu de baik udi temutup bibia tun de miling bodong.

1 PETRUS 4:2

Sebab o, lokba udi idup selanjutne neak dunio yo temurut kelok Allah, ngen iso temurut kelok manusio.

WAHYU 22:14

Riangba tun de mpuk jubahne sapei bersi sehinggo tobo'o berhok mbuk bueak kunei pun kehidupan ngen masuk moi lem kota o liwet gerbangne.

WAHYU 3:5

Api de menang bakea nakei jubah putiak. Uku coa bakea mapus genne kunei Bukau Tun Idup. Ngen neak adep Bapa-Ku ngen malaikat-malaikat-Ne Uku bakea makau bahwo tobo'o adeba de Uku temuan.