MATIUS 7:15 - JANJAI BLAU Lem Bahaso Jang Bebilai

¹⁵ “Atei-ateiba ngen nebai-nebai palsu. Tobo'o teko ngen udi awei domba, tapi tobo'o sebeneane awei srigala de teko utuk semrang udi.

MATIUS 7:15 ပူးပေါင်းရင်းမြစ်များ

MATIUS 10:17

Bejago-jago sebab udi bakea tenakep lajau senreak ngen pengadilan agamo tun Yahudi. Tobo'o bakea semikso udi neak umeak-umeak semyang tobo'o.

MATIUS 16:11

Getai udi sapei coa ngertai amen Uku coa miling ngen udi tetang ruti? Atei-ateiba teradep agai tun Farisi ngen Saduki!”

MATIUS 16:6

Yesus madeak ngen tobo'o, “Atei-ateiba teradep agai tun-tun Farisi ngen Saduki.”

MATIUS 24:11

Dau nebai-nebai palsu bakea timboa ngen mike dau tun.

MATIUS 7:14

Tapi bang de sepit ngen dalen de saro mbin tun ngen idup ngen didik tun de temaune.”

LUKAS 12:15

Sesudo'o, ngen kute tun de ade neak di Yesus madeak, “Atei-ateiba ngen waspadaba, jibeak sapei udi tamak. Sebab idup manusio coa tegatung kunei hokne, kunyau hokne kembiak dau.”

LUKAS 6:26

Celako ba ko, amen kute tun mujai ko; kerno seca'o awei yo kulo ninik puyang tobo'o bi mujai nebai-nebai palsu.”

YOHANES 10:12

Tun upeak de iso gembala, ngen de iso temuan bebirai o suang, waktau kemliak srigala teko. Teminggea bebirai o lajau melilai, sehinggo srigala o temkem ngen cem'ei bebirai o.

KISAH RASUL-RASUL 13:40

Kerno'o, teatei ba, kunyau jibeak belakau das udi jano de sudo nadeak lem kiteb nebai-nebai:

KISAH RASUL-RASUL 13:6

Tobo'o kemliling kute puleu'o sapei moi Pafos. Neak di tobo'o temau ngen suang tun Yahudi genne Bar Yesus. Si suang tun tukang sihir ngen nebai palsu.

GALATIA 2:4

Memang ade tun-tun de makso hal o. Tobo'o adeba tun-tun de makso masuk moi lem golongan ite ngen nyamar sebagoi pasuak. Tobo'o masuk seca'o dediem utuk semlidik kebebasan de ade ngen ite kerno ite jijai do ngen Kristus Yesus, supayo ngen ca'o o tobo'o dapet menea ite jijai hambane.

EFESUS 4:14

Mako ite coa jijai anok-anok de terombang-ambing ngen coa tau arahne ngen memecem ajaran kunei tun-tun licik. Tobo'o menea tun seset ngen tipu muslihat tobo'o.

EFESUS 5:6

Jibeakba udi jijai seset ngen kecek-kecek de coa benea. Kerno hal-hal de awei o menea Allah murka das tun-tun durhako.

FILIFI 3:2

Teateiba te'adep tun-tun de menea hal-hal de kidek, tun-tun de patas senbut ‘kuyuk’. Tobo'o demsok supayo tun-tun senunat.

KOLOSE 2:8

Lokba udi teatei, jibeak sapei ade de mbujuk udi ngen falsafah-falsafah manusio de coa beguno, cuma menea udi jijai sesat. Falsafah-falsafah o iso kunei Kristus, tapi kunei pendapet manusio bae ngen kunei roh-roh penguaso dunio.

2 TIMOTIUS 3:13

dong tun jahat ngen tukang mike bakea tambeak jahat. Tobo'o mike tun luyen padahal tobo'o suang kulo keno pike.

2 TIMOTIUS 4:3

Sebab bakea sapei waktaune tun coa lok igai temimo ajaran de benea. Sebelekne, tobo'o bakea temotoa kelokne suang, ngen melungguk dau gu'au utuk najea hal-hal de baik teni'uk tobo'o.

2 PETRUS 3:17

Tapi udi, saudaro-saudaro de tecito, bi namen tetang hal o. Sebab o, teateiba, jibeak sapei udi tekembin moi lem kesesatan tun-tun jahat sehinggo udi us kunei penan pelatnu de kuet.

1 YOHANES 4:1

Saudaro-saudaro de tecito! Jibeakba pecayo ngen kute tun de makau temuan Roh Allah, tapi ntesba kileak tobo'o utuk namen jano roh de ade ngen tobo'o asalne kunei Allah atau iso. Sebab dau nebai palsu bi teko moi kute dunio.

YUDAS 1:4

Sebab seca'o coa sadar ade tun-tun de seca'o de diem bi masuk moi tengeak-tengeak ite. Tobo'o tun-tun bejat de semaleak bito tetang rahmat Allah ite, utuk dapet kesepatan utuk melampiaskan hawa nafsu tobo'o. Ngen tobo'o coa lok temimo Yesus Kristus, do-done Penguaso ngen Tuhan ite. Sejak bel'o ukuman utuk tobo'o sudo tentau lem Kiteb Sucai

WAHYU 16:13

Lajau uku kemliak telau roh jahat de awei kekek. Masing-masing kekek o keluea kunei bibia nagai, kunei bibia benatang, ngen kunei bibia nebai palsu.

WAHYU 17:6

Lajau uku kemliak bahwo selawei o mabuk ngen daleak umat Allah ngen daleak tun-tun de nunuak kerno setia ngen Yesus. Ketiko uku kemliak selawei o, uku jijai sele.

WAHYU 19:20

Mako benatang o takep besamo-samo ngen nebai palsu de sudo menea keajaiban-keajaiban neak adep benatang o. (Ngen keajaiban-keajaiban o ba benatang o mikea tun-tun de temuan tando benatang o, ngen tun-tun de nyembeak patung benatang o.) Lajau benatang o ngen nebai palsu o nuang idup-idup moi lem lautan opoi ngen bli'ang.

WAHYU 20:10

Sesudo'o de mike tobo'o, nuang moi lem lautan opoi ngen bli'ang. Neak di ba penanne benatang ngen nebai palsu o nuang lebiak dute. Tobo'o bakea senikso lueng kelmen utuk selamo-lamone.