MATIUS 6:5 - JANJAI BLAU Lem Bahaso Jang Bebilai

⁵ “Amen udi bedu'o, jibeakba bedu'o awei tun munafik, tobo'o galok bedu'o je neak lem umeak semyang ngen sipang-sipang dalen lai, kunyau tun namen, ingetba do'o upeak de bi temimo.

MATIUS 6:5 ပူးပေါင်းရင်းမြစ်များ

MATIUS 21:22

Jano bae de udi minoi lem du'o ngen penuak pacayo, Allah bakea melei udi.”

MATIUS 23:13

“Celakoba udi pemipin-pemipin agamo ngen tun-tun Farisi! Tun-tun munafik. Kerno udi malang tun-tun utuk jijai anggota umat Allah. Udi dewek coa lok jijai anggota umat Allah, ngen tun de lok, udi malang. [

MATIUS 23:5

Kute de tobo'o menea cuma utuk kenliak tun bae. Tobo'o sengajo makei tilai semyang de libea ngen nanjang jumbai-jumbai jubah tobo'o.

MATIUS 23:6

Tobo'o lok temot neak penan de kembiak baik neak pesta, ngen kersai-kersai utuk paro pemipin neak Umeak Semyang.

MATIUS 6:1

“Ingetba jibeak udi menea periteak agamo neak adep dau tun utuk keneliak tun. Udi coa bakea dapet upeak (amal) kunei Baknu neak surgo, amen udi menea awei'o.

MATIUS 6:16

“Amen udi puaso, jibeakba papeanu murung awei tun munafik. Tobo'o sengajo kemten papea murung kunyau tun kemliak amen tobo'o dong puaso. Do'oba upeak de tobo'o bi temimo.

MATIUS 6:2

Amen udi melei sedekeak ngen tun peset, jibeak melei namen tun dau tetang hal'o awei de tun munafik. Tobo'o menea neak umeak semyang ngen dalen lai utuk nujai tun. Ingetba tobo'o dapet upeakne.

MATIUS 9:38

Kerno'o minoiba ngen tun temuan kebun, supayo nembo tukang panen utuk manenne.”

MARKUS 11:25

Amen udi bedu'o, napunba kileak, sekirone ade su'ang tun lem ateinu te'adep su'ang tun, supayo kulo Bapa nu de neak surgo mapun saleak-saleaknu. [

MARKUS 12:38

Lem ajaran-Ne Yesus madeak, “Teatei ba te'adep gu'au-gu'au agamo de galok paneu makei jubah panjang ngen galok temimo hormat neak pasar.

LUKAS 11:43

Celakoba udi, hoi tun-tun Farisi, sebab udi galok temot neak penan de tehormat neak umeak semyang ngen galok temimo hormat neak peken.

LUKAS 18:1

Yesus madeak do perumpamo ngen tobo penotoa-penotoane utuk temgas, bahwo tobo'o harus bogoa bedu'o ngen coa jejemau.

LUKAS 18:13

Tapi penagiak pajak o je e'uak, ngen si coa binai nanggea moi lenget, tapi si mokok dirai ngen madeak, ‘Au Allah, kasiakba uku tun beduso yo.’ ”

LUKAS 20:47

Tobo'o mike jando-jando ngen mbut umeakne. Ngen utuk temutup kejahatan tobo'o o, tobo'o bedu'o pepanjang! Hukuman tobo'o paset benek!”

LUKAS 6:24

Tapi celakoba ko, hoi ko de kayo. Kerno ketiko ko kayo ko sudo meding.

YOHANES 16:24

Sapei uyo udi ati minoi sesuaktau lem gen-Ku. Minoiba, mako udi bakea temimo, supayo penuakba sukocitonu.”

EFESUS 6:18

Neaba kutene o samo bedu'o utuk minoi tulung ngen Allah, bedu'oba tiep waktau neak lem Roh Allah. Lokba udi bogoa siap ngen jibeak nyereak. Bedu'oba utuk kute umat Allah.

1 TESALONIKA 5:17

tepba bedu'o

YAKOBUS 4:6

Kunyau awei o, rahmat Allah de nelei ngen ite lebiak kuet kunei kelok roh ite o. Do'oba sebabne neak lem Kiteb Sucai tetulis kulo, “Allah temtang tun de ombong, tapi sebelekne Si mengasihi tun de rendeak atei.”