MATIUS 6:33 - JANJAI BLAU Lem Bahaso Jang Bebilai

³³ Tapi kesoaba kileak supayo Kerajaan Allah mriteak das idupnu ngen meneaba kelokne. Mako Allah bakea melei hal-hal de luyenne ngen ko.

MATIUS 6:33 ပူးပေါင်းရင်းမြစ်များ

MATIUS 19:28

Yesus madeak ngen tobo'o, “Pecayoba: Neak dunio de Belau, Anok Manusio bakea temot neak das kersaine de mulio utuk meriteak. Pado waktau'o udi de penotoa-penotoa-Ku bakea temot neak das keduai belas kersai penan Uku meriteak ngen makim keduai belas sukau bangso Israel!

MATIUS 19:29

Ngen tiep tun de sudo teminggea umeak, pasuak semanei atau selawei, bak, mak, anok-anok atau kebun kerno Uku, tun'o bakea temimo igai sotos kilai lipet. Ngen si bakea temimo kulo idup de baka.

MATIUS 3:2

Si madeak, “Bertobatbah kunei duso-dusonu kerno Allah bakea segro meriteak sebagai Rajo!”

MATIUS 4:17

Muloi waktau'o Yesus semapei pesen yo, “Be tobatba kunei duso-dusonu, kerno Allah bakea segro meriteak jijai Rajo!”

MATIUS 5:6

Allah melei rahmat tun de taat ngen Si; Allah bakea jemawab jano de tobo'o!

LUKAS 1:6

Keduaine idup benea ngen sepenuakne neak adep Allah ngen temurut kute periteak de tentep Tuhan.

LUKAS 12:31

Tapi nesoa ba Kerajaan-Ne, mako kutene o bakea tenambeak kulo ngen udi.”

YOHANES 5:4

Sebab sewaktau-waktau tu'un malaikat Tuhan moi kulam o ngen mengunyak bioa o; api bae de dute masuk moi lemne sesudo unyak bioa'o, jijai kaen, jano bae olonne.]

YOHANES 6:27

Bekerjoba, iso utuk kembuk de dapet benaso, tapi utuk kembuk de beta'en sapei ngen idup de kekal, de bakea nelei Anok Manusio ngen udi; sebab Siba de sudo nsah ngen Allah Bapa.”

KISAH RASUL-RASUL 20:25

Uku bi magea udi kutene ngen bi melei namen kulo tetang awei ipe Allah meriteak sebagoi Rajo. Uyo uku meding coa bakea temau igai ngen udi.

KISAH RASUL-RASUL 28:31

Ngen binai si melei namen ngen tobo'o tetang awei ipe Allah meriteak sebagoi Rajo ngen tetang Tuhan Yesus Kristus.

ROMA 1:17

Sebab neak lemne nyato kebenaran Allah, de bertolak kunei imen ngen mipin imen, awei ade tetulis, “Tun benea bakea idup ngen imen.”

ROMA 10:3

Sebab, kerno tobo'o coa kemnal kebenaran Allah ngen kerno tobo'o berusaho utuk temgok kebenaran tobo'o su'ang, mako tobo'o coa takhluk ngen kebenaran Allah.

ROMA 14:17

Sebab amen Allah meriteak su'ang tun, jano de si buliak mbuk atau menem, coa peting igai. De peting adeba bahwo tun o temotoa kelok Allah, meding atei tenang ngen temimo sukocito de nelei Roh Allah.

ROMA 8:31

Sebab o jano de bakea ite nadeak tetang kutene o? Amen Allah neak pihak ite, api de bakea melawen ite?

1 KORINTUS 1:30

Allah suangba de nea sehinggo udi jijai do ngen Kristus Yesus. Liwet Kristus, ite jenijai-Ne bijaksana. Liwet Si kulo Allah menea te baik igai ngen dirai-Ne, jemijai ite umat-Ne de khusus, ngen mbebas ite.

1 KORINTUS 3:22

Paulus, Apolos, Petrus, dunio yo, idup ngen matei, zaman yo jano zaman de bakea teko, kutene o adeba ko de temuan.

2 KORINTUS 5:21

Si de coa namen duso bi nea-Ne jijai duso kerno ite, supayo neak lem Si ite jijai benea.

FILIFI 3:9

ngen benea-benea jijai do ngen Si. Hubungan de baik ngen Allah coa igai uku usaho suang ngen ca'o taat ngen hukum agamo. Uyo uku temuan hubungan de baik ngen Allah, kerno uku pecayo ngen Kristus. Jijai, hubungan de baik o teko kunei Allah, das dasar pecayo ngen Kristus Yesus.

2 TESALONIKA 1:5

Do'o adeba bukti tetang adeane penghakiman Allah: Udi bi meding saro kerno Dunio Blau Allah, ngen kerno o udi bakea nanggap patas utuk masuk moi lem kerajaan Allah.

1 TIMOTIUS 4:8

Latihan jasmani didik bae gunone, tapi latihan rohani beguno lem kute hal, sebab mengandung janjai utuk idup pado maso uyo ngen maso de bakea teko.

2 PETRUS 1:1

Saudaro-saudaro de sungguak-sungguak pecayo awei keme! Yesus Kristus, adeba Allah ngen Rajo Penyelamat ite. Menea ite pecayo ngen-Si, Si menea de benea. Su'et yo kunei Simon Petrus suang hamba ngen rasul Yesus Kristus.

2 PETRUS 1:11

Ngen awei yo udi bakea nelei hok penuak utuk masuk Kerajaan de kekal kunei Tuhan ngen Rajo Penyelamat ite Yesus Kristus.