MATIUS 6:24 - JANJAI BLAU Lem Bahaso Jang Bebilai

²⁴ “Coa ade do tun dapet kerjo ngen duai tuan. Sebab si lebiak mengasiak de do kunei de luyen atau si lebiak setia ngen tuan de do kunei pado de luyen. Awei yo kulo ngen udi. Udi coa dapet kerjo utuk Allah ngen harto.

MATIUS 6:24 ပူးပေါင်းရင်းမြစ်များ

MATIUS 4:10

Lajau Yesus jemawab, “Lalauba ko, Iblis! Kerno neak lem Kiteb Ade tetulis awei yo: Sembeakba Tuhan Allah ngen layanba Si bae!”

LUKAS 16:11

Jijai, amen udi coa setia lem hal kayo dunio, api de bakea masai ngen udi harto de sesungguakne?

LUKAS 16:13

Coa suang tun de dapet kerjo ngen duai tuan. Sebab si bakea lebiak mengasiak de do kunei pado de luyen, atau si bakea lebiak setia ngen tuan de do kunei pado de luyen. Awei o ba kulo ngen udi. Ko coa dapet bekerjo utuk Allah ngen utuk harto bendo kulo.”

LUKAS 16:9

Lajau Yesus miling igai, nadeak-Ne, “Ti'ukba! Pakeiba kayo dunio yo utuk dapet kuat, supayo amen kayo dunio yo sudo coa bego igai, udi bakea tenimo neak penan tinggea de abadi.

GALATIA 1:10

Jijai awei ipe uyo: Jano uku mesoa kesukaan manusio atau kesukaan Allah? Atau uku cubo semnang atei manusio? Sekirone uku masiak lok cemubo semnang atei manusio, mako uku isoba hamba Kristus.

1 TIMOTIUS 6:17

Ngen tun-tun kayo neak dunio yo, lokba ko minoi supayo tobo'o jibeak ombong ngen jibeak ma'ep pado sesuaktau de coa tau awei kekayaan. Tobo'o harus ma'ep ngen Allah de melei kute sesuaktau ngen ite utuk ite nikmati.

2 TIMOTIUS 4:10

kerno Demas bi teminggea uku kerno cito ngen dunio yo. Si bi lalau moi Tesalonika. Kreskes bi lalau moi Galatia, ngen Titus moi Dalmatia.

YAKOBUS 4:4

Udi adeba tun de coa setia? Jano udi namen bahwo amen udi bekuat ngen dunio, mako udi jijai musuak Allah? Jijai api de lok kuat dunio yo, si jemijai diraine musuak Allah.