MATIUS 6:2 - JANJAI BLAU Lem Bahaso Jang Bebilai

² Amen udi melei sedekeak ngen tun peset, jibeak melei namen tun dau tetang hal'o awei de tun munafik. Tobo'o menea neak umeak semyang ngen dalen lai utuk nujai tun. Ingetba tobo'o dapet upeakne.

MATIUS 6:2 ပူးပေါင်းရင်းမြစ်များ

MATIUS 15:7

Udi tun munafik! Beneaba Yesaya semapei pesen kunei Allah tentang udi, dioba,

MATIUS 16:3

Ngen waktau bilai pueng, ‘Udi madeak bilai kidek, yo bakea ujen kerno lenget mileak ngen kelem.’ Rupo lenget ko namen udi nam meramea cuaco ngen kemliak lenget, udi coa nam meramea tando-tando zaman!”]

MATIUS 22:18

Yesus namen kelok tobo'o de jahat'o, jijai Si madeak, “Hoi, tun-tun munafik! Getai udi lok jembak Uku?

MATIUS 23:5

Kute de tobo'o menea cuma utuk kenliak tun bae. Tobo'o sengajo makei tilai semyang de libea ngen nanjang jumbai-jumbai jubah tobo'o.

MATIUS 23:6

Tobo'o lok temot neak penan de kembiak baik neak pesta, ngen kersai-kersai utuk paro pemipin neak Umeak Semyang.

MATIUS 24:51

Mako pelayan-pelayan'o bakea mipai ngen tuanne, kunei tuanne, moi penan tun-tun munafik. Tobo'o bakea ngindoi ngen derito neak di.”

MATIUS 5:18

Ingetba! Selamo lenget ngen bumai gi ade, do hurup atau titik de kembiak titik neak lem ukum Musa mestai tejijai!

MATIUS 6:16

“Amen udi puaso, jibeakba papeanu murung awei tun munafik. Tobo'o sengajo kemten papea murung kunyau tun kemliak amen tobo'o dong puaso. Do'oba upeak de tobo'o bi temimo.

MATIUS 6:3

Tapi amen udi melei sedekeak, keleiba seca'o diem-diem, jibeak sapei tun namen.

MATIUS 6:5

“Amen udi bedu'o, jibeakba bedu'o awei tun munafik, tobo'o galok bedu'o je neak lem umeak semyang ngen sipang-sipang dalen lai, kunyau tun namen, ingetba do'o upeak de bi temimo.

MATIUS 7:5

Hoi tun munafik! Kemlueaba kileak kieu kunei matainu dewek, mako ko bakea kemliak ngen jelas, ngen dapet utuk kemluea debu kieu kunei matai pasuaknu.

MARKUS 12:39

De galok temot neak penan paling muko neak umeak semyang ngen neak penan terhormat lem pesta.

MARKUS 7:6

Jawab-Ne ngen tobo'o, “Tepat nien de nea Yesaya tetang udi, hoi tun-tun munafik! Awei ade tetulis: Bangso yo mujai Uku ngen bibiane, padohal ateine uak kunei-Ku.

LUKAS 11:41

Tapi, neleiba isaine utuk sedekeak ngen sesungguakne kutene bakea jijai bersih utuknu.

LUKAS 11:43

Celakoba udi, hoi tun-tun Farisi, sebab udi galok temot neak penan de tehormat neak umeak semyang ngen galok temimo hormat neak peken.

LUKAS 12:33

Jenuoba kute hoknu ngen neleiba sedekeak! Meneaba bagiaknu dupet de coa dapet jijai tuai, do hok neak surgo de coa bakea abis, de coa dapet risau mokne ngen coa usak nembuk get.

LUKAS 12:56

Hoi tun-tun munafik, rupo bumai ngen lenget udi namen menilaine, getai udi coa dapet menilai zaman yo?”

LUKAS 13:15

Tapi Tuhan jemawab si, nadeak-Ne, “Hoi tun-tun munafik, iso tiep tun neak antaronu mpas sapaine atau keledaine pado bilai Sabat kunei kandangne ngen mbinne moi penan menem?

LUKAS 20:46

“Waspadaba te'adep gu'au-gu'au agamo de galok paneu makei jubah panjang ngen galok temimo penan terhormat neak tengeak pasar. Tobo'o galok temot neak penan terhormat baik neak lem umeak semyang ngen pesta.

LUKAS 6:24

Tapi celakoba ko, hoi ko de kayo. Kerno ketiko ko kayo ko sudo meding.

LUKAS 6:42

Awei ipe udi dapet madeak ngen pasuaknu, ‘Maro, pasuak, uku kemluea kiyeu tatea o kunei matainu o,’ tapi lem matainu suang ade balok de coa udi keten? Hoi munafik! Kelueaba kilea balok de ade pado matainu suang. Baruba udi dapet kemliak ngen jelas ngen dapet kemluea tatea kiyeu kunei matai pasuaknu.”

YOHANES 13:29

Kerno Yudas megong kutak, ade de sako bahwo Yesus meluak si temukua bae utuk pesta o, melei jano bae ngen tun peset.

YOHANES 5:41

Uku coa perlu nujai kunei manusio.

YOHANES 5:44

Awei ipe koi dapet pecayo, amen udi de temimo hormat suang tun kunei de luyen, ngen coa mesoa hormat de teko kunei Allah de Esa?

YOHANES 7:18

Api bae gi madeak kunei diraine suang, Si mesoa hormat bagiak dirai-Ne suang. Tapi api bae de mesoa hormat bagiak si de mutusne, si benea ngen coa ade de coa benea ngen Si.

KISAH RASUL-RASUL 10:2

Si saleh, si beserto keluargone saben bakea Allah. Si dau temulung tun-tun Yahudi de peset, si bogoa bedu'o ngen Allah.

KISAH RASUL-RASUL 10:31

Si madeak: Kornelius, du'onu bi teni'uk Allah, sedekeaknu bi ninget neak adep-Ne.

KISAH RASUL-RASUL 10:4

Kornelius demnong malaikat o ngen saben lajau madeak, “Ade jano, Tuan?” Jawab malaikat o ngensi, “Kute du'onu, sedekeaknu bi kenek moi hadirat Allah, Allah minget ko.

KISAH RASUL-RASUL 11:29

Lajau penotoia-penotoa sepakat utuk kemopoa sumbangan sesuoi ngen kemampuan tobo'o sesuang ngen kemirimne ngen pasuak-pasuak do imen de tinggea neak Yudea.

KISAH RASUL-RASUL 24:17

Sesudo kekedau taun uku teko igai moi Yerusalem utuk melei batuan caci utuk bangsoku ngen utuk melei persembahan kurban ngen Allah.

KISAH RASUL-RASUL 9:36

Neak Yope ade suang selawei de genne Tabita – lem bahaso Yunani Dorkas. Selawei o dau sekilai menea baik ngen melei sedekeak.

ROMA 12:8

Amen karunio utuk melei nasehat, baikba ite melei nasehat. Api de magiak sesuaktau, lokba si meneane ngen atei ikhlas. Api de melei pipinan, lokba si meneane ngen rajin. Api de melei ngen baik atei, lokba si meneane ngen atei riang.

1 KORINTUS 13:3

Kunyau kute de uku temuan, uku semdekeak ngen tun peset, ngen uku semreak diraiku utuk nembem, tapi uku coa kemasiak tun-tun luyen, mako kutene o coa ade gunone samo sekilai.

GALATIA 2:10

Do-done kinoi tobo'o adeba supayo keme minget tun-tun peset, ngen memang do'oba de sungguak-sungguak lok uku nea.

EFESUS 4:28

Tun de galok maling, jibeakba si maling igai. Sebelekne si harus kerjo supayo dapet nafkahne ngen jujur, dapet mulung tun de peset.

1 TESALONIKA 2:6

Keme kulo coa berusaho utuk nujai tun – baik kunei udi atau kulo kunei tun luyen. Sebeneane sebagai rasul Kristus, keme buliak bae temutut sesuaktau kunei udi.

1 TIMOTIUS 6:18

Meleiba nasihat ngen tobo'o supayo menea de baik, jijai kayo lem plep de baik, mu'eak atei ngen galok melei.

FILEMON 1:7

Saudaro Filemon, kasiaknu te'adep kute umat Allah, bi menea uku jijai riang ngen kuet. Kute umat Tuhan jijai riang kerno Saudaro.

IBRANI 13:16

Ingetba utuk menea baik ngen saling temulung, sebab dioba kurban-kurban de semnang atei Allah.

1 PETRUS 4:11

Tun de semapei bito, harusba semapei bito kunei Allah; tun de mlelayan tun luyen, harusba mlayan ngen kekuatan de kunei Allah, supayo lem kute hal, Allah dapet diagungkan liwet Yesus Kristus. Siba de bekuaso ngen patut diagungkan utuk selamo-lamone. Amin.