MATIUS 6:1 - JANJAI BLAU Lem Bahaso Jang Bebilai

¹ “Ingetba jibeak udi menea periteak agamo neak adep dau tun utuk keneliak tun. Udi coa bakea dapet upeak (amal) kunei Baknu neak surgo, amen udi menea awei'o.

MATIUS 6:1 ပူးပေါင်းရင်းမြစ်များ

MATIUS 16:27

Coa an igai Anok manusio bakea serpok ngen malaikat-malaikat-Ne teko ngen kuaso Bak-Ne. Waktau'o Si bakea males tiep-tiep tun temurut plepne.

MATIUS 16:6

Yesus madeak ngen tobo'o, “Atei-ateiba teradep agai tun-tun Farisi ngen Saduki.”

MATIUS 23:13

“Celakoba udi pemipin-pemipin agamo ngen tun-tun Farisi! Tun-tun munafik. Kerno udi malang tun-tun utuk jijai anggota umat Allah. Udi dewek coa lok jijai anggota umat Allah, ngen tun de lok, udi malang. [

MATIUS 23:5

Kute de tobo'o menea cuma utuk kenliak tun bae. Tobo'o sengajo makei tilai semyang de libea ngen nanjang jumbai-jumbai jubah tobo'o.

MATIUS 25:40

Rajo'o bakea jemawab, ‘Namenba: Waktau udi menea hal'o sekilaipun ngen pasuak-Ku de tehino, berartai udi menea utuk-Ku!’

MATIUS 5:16

Awei'o kulo seharusne te'angnu becayo neak muko tun, supayo tun'o kemliak plepnu de baik ngen mujai Allah de adeba Baknu neak surgo.”

MATIUS 5:46

Sebab amen udi bae, utuk jano Allah harus males jano de udi kulo menea? Padahal tukang tagiak pajak menea awei yo kulo.

MATIUS 5:48

Kerno'o harusba udi sempurno serai ngen Allahnu de ade neak surgo.”

MATIUS 6:16

“Amen udi puaso, jibeakba papeanu murung awei tun munafik. Tobo'o sengajo kemten papea murung kunyau tun kemliak amen tobo'o dong puaso. Do'oba upeak de tobo'o bi temimo.

MATIUS 6:9

Kerno'o bedu'oba awei yo: ‘Bak keme neak surgo: coa ade Allah seluyen ko. Kirone Ko senbeak ngen nehormat.

MARKUS 8:15

Lajau Yesus melei peringatan ngen tobo'o, nadeak-Ne, “Bejago-jagoba ngen teatei te adep agai tun Farisi ngen agai Herodes.”

LUKAS 11:35

Kerno o, atei-ateiba, jibeak sapei te'ang de ade padonu o jijai kelem.

LUKAS 12:1

Beribau tun dedesok sapei ade de tekelat kekeane. Sementaro tun-tun o belungguk, Yesus madeak ngen penotoa-penotoa-Ne, “Atei-ateiba te'adep agai tun Farisi, maksud-Ku, tobo'o munafik.

LUKAS 12:15

Sesudo'o, ngen kute tun de ade neak di Yesus madeak, “Atei-ateiba ngen waspadaba, jibeak sapei udi tamak. Sebab idup manusio coa tegatung kunei hokne, kunyau hokne kembiak dau.”

LUKAS 16:15

Tapi Yesus madeak ngen tobo'o, “Ko ba tun de neak adep tun luyen keten benea, tapi Allah namen isai ateinu. Sebab jano de nanggap lekat ngen manusio, nanggap tembeak ngen Allah.

YOHANES 12:43

Tobo'o lebiak galok dapet pujai manusio kunei hormat Allah.

YOHANES 5:44

Awei ipe koi dapet pecayo, amen udi de temimo hormat suang tun kunei de luyen, ngen coa mesoa hormat de teko kunei Allah de Esa?

KISAH RASUL-RASUL 3:12

Waktau Petrus kemliak hal o, si madeak ngen tun dau o, “Hoi tun Israel, getai udi selle tetang hal o ngen getai udi kemliak keme awei keme menea tun yo paneu kerno kuaso, atau kerno keme taat ngen Allah.

GALATIA 6:12

Tun-tun de lok kemten dirai ngen hal-hal lahiriah, tobo'oba de berusaho makso udi utuk sunat, maksudne cuma, supayo tobo'o coa senikso kerno salib Kristus.

IBRANI 11:26

Musa meding bahwo uak lebiak behargo utuk dapet penghinaan demi Rajo Penyelamat de jenanjai Allah o daripado dapet kute hok negrai Mesir, sebab Musa ma'ep upeak neak kedong bilai.

IBRANI 2:1

Do'oba sebabne ite harus sungguak-sungguak bepegong ngen ajaran-ajaran de ite temi'uk, supayo ite jibeak teminggea imen ite.

IBRANI 6:10

Allah iso Allah de coa adea. Si tep minget jano de udi nea utuk-Ne, kasih de udi kemten ngen Si sewaktau temulung saudaro-saudaro do imen, bel'o sapei uyo.

2 YOHANES 1:8

Atei-ateiba supayo jibeak sapei nyep jano de sudo keme nea utuk udi, tapi supayo udi dapet upeak kutene.