MATIUS 5:9 - JANJAI BLAU Lem Bahaso Jang Bebilai

⁹ Allah melei rahmat ngen tun de mbin damai neak antaro manusio; Allah bakea makau tobo'o adeba anok-anok-Ne!

MATIUS 5:9 ပူးပေါင်းရင်းမြစ်များ

MATIUS 5:45

supayo udi jijai anok-anok Baknu neak surgo. Sebab Allah sinea matai bilai utuk tun de jahat ngen tun baik, Allah kulo temu'un ujen utuk de benea ngen tun de jahat kulo.

MATIUS 5:48

Kerno'o harusba udi sempurno serai ngen Allahnu de ade neak surgo.”

LUKAS 20:36

Sebab tobo'o coa dapet matei igai; tobo'o serai awei malaikat-malaikat ngen tobo'o adeba anok-anok Allah, kerno tobo'o bi idup igai.

LUKAS 6:35

Seharusne iso awei'o! Udi sebelekne harus mengasiak musuaknu ngen menea baik ngen tobo'o. Udi harus melei minjem, ngen jibeak ma'ep dapet melek. Amen awei yo, upeaknu bakea lai ngen udi bakea jijai anok-anok Allah De Kembiak lekat. Sebab Allah baik atei te'adep tun de coa namen mokasiak, ngen te'adep de kidek kulo.

KISAH RASUL-RASUL 7:26

Menne si kemliak kulo duai tun Isarel belago, lajau si berusaho damoi tobo'o. Si madeak, ‘Udi yo pasuak. Getai udi belago?’

ROMA 12:18

Sedapet-dapetne, amen hal o tegatung ngen udi, idupba lem damoi ngen kute tun!

ROMA 8:14

Kute tun, de nipin Roh Allah, adeba anok-anok Allah.

ROMA 8:16

Roh o saksai besamo-samo ngen roh ite, bahwo ite adeba anok-anok Allah.

ROMA 8:19

Sebab ngen kembiak indau kute makhluk mbot waktaune anok-anok Allah kenten.

1 KORINTUS 6:6

Tapi sebelekne suang Kristen lalau magea tun de iso Kristen utuk madau pekarone te'adep Saudarone de Kristen.

2 KORINTUS 13:11

Akhirne, Saudaro-saudaroku, lokba udi riang, berusahoba jijai sempurno. Temimoba kute nasihat uku. Lokba udi do atei ngen idup rukun; mako Allah, sumber kasih ngen damoi sejahtera bakea semerto udi!

2 KORINTUS 5:20

Jijai, keme yo utusan-utusan Kristus, awei Allah melei nasihat ngen udi liwet keme; lem gen Kristus keme minoi ngen udi: Keleiba dirainu damoi nge Allah.

GALATIA 5:22

Sebelekne, amen tun-tun nipin Roh Allah, aseane adeba: Tobo'o samo-samo mengasihi, riang, atei tenang, sabar ngen baik budi, baik te'adep tun luyen, setia,

EFESUS 4:1

Sebab o, uku, tun de nasuk sel kerno Tuhan, melei nasihat ngen udi, supayo idupnu sesuoi ngen kedudukannu sebagoi tun de sudo nok Allah.

FILIFI 4:2

Euodia ngen Sintike, duai saudaro selawei! Uku minoi nien supayo udi do atei sebagai tun-tun do imen.

KOLOSE 3:13

Udi harus sabar do ngen de luyenne, sesamo melei apun amen ade de dendem te'adep tun luyen. Tuhan ngen senang atei mapun udi, jijai udi kulo harus lok mapun do ngen de luyenne.

IBRANI 12:14

Berusahoba utuk idup damoi ngen kute tun. Berusahoba kulo utuk idup sucai, khusus utuk Tuhan. Sebab coa suang kulo dapet kemliak Tuhan amen si coa idup awei o.