MATIUS 5:8 - JANJAI BLAU Lem Bahaso Jang Bebilai

⁸ Allah melei rahmat ngen tun de sucai ateine; tobo'o bakea kemliak Allah.

MATIUS 5:8 ပူးပေါင်းရင်းမြစ်များ

KISAH RASUL-RASUL 15:9

Allah samo sekilai coa mbeda antaro ite ngen tobo'o, sesudo Si semucai atei tobo'o ngen imen.

1 KORINTUS 13:12

Jano de ite kemliak yo adeba awei bayangan de kabur pado senno. Tapi konyo ite bakea kemliak langsung ngen jelas. Uyo uku ati namen kutene, tapi konyo uku bakea namen kutene serai awei Allah namen kutene tetang diraiku.

2 KORINTUS 7:1

Saudaro-saudaroku terkasih, kerno ite uyo temuan janjai-janjai o, maroba ite semucai diraite kunei kute de jemijai ite kotor. Lokba ite saben ngen Allah, supayo ite dapet idup khusus utuk Si ngen sempurno.

TITUS 1:15

Kute sesuaktau adeba sucai bagiak tun-tun de sucai. Tapi utuk tun-tun de pekeranne kidek ngen de coa ade imen, coa ade sesuaktau de sucai, sebab pekeran ngen atei nurani tobo'o bi kidek!

IBRANI 10:22

Kerno o, maroba ite ma'ok Allah ngen atei tulus ngen imen de kuet; ngen atei de sudo senucai kunei asai saleak, ngen awok de sudo senucai ngen bioa de sucai.

IBRANI 12:14

Berusahoba utuk idup damoi ngen kute tun. Berusahoba kulo utuk idup sucai, khusus utuk Tuhan. Sebab coa suang kulo dapet kemliak Tuhan amen si coa idup awei o.

IBRANI 9:14

Nah, amen daleak nge abu o dapet semucai tun-tun o, jano igai daleak Kristus! Liwet Roh de kekal, Kristus melei dirai-Ne suang ngen Allah sebagai kurban de sempurno. Daleak-Ne semucai atei nurani ite kunei upacara agamo de coa beguno, supayo ite dapet melayan Allah de idup.

YAKOBUS 3:17

Tapi tun de temuan kebijaksanaan de kunei das adeba pertamo-tamo sucai, sesudo'o galok damoi, rama ngen penurut. Si penuak ngen asai ibo ngen masea perbuatan-perbuatan de baik. Si coa berpihok ngen coa munafik.

YAKOBUS 4:8

Na'okba Allah, Allah kulo bakea ma'ok udi. Mpukba tangennu, udi de beduso! Ngen senucaiba ateinu, udi menduai atei!

1 PETRUS 1:22

Kerno udi taat ngen ajaran kunei Allah, mako udi semucai dirai ngen udi mengasihi tun-tun do imen seca'o ikhlas. Sebab o, lokba udi mengasihi do ngen de luyenne, sepenuak atei.

WAHYU 22:4

ngen kemliak papea-Ne. Gen-Ne bakea tenulis neak ning tobo'o.