MATIUS 5:29 - JANJAI BLAU Lem Bahaso Jang Bebilai

²⁹ Amen matai kanennu sembeb ko beduso cenukeaba ngen nuangba! Lebiak baik saleak do anggota awoknu nyep kunei kute awoknu nuang moi lem nerako.

MATIUS 5:29 ပူးပေါင်းရင်းမြစ်များ

MATIUS 10:28

Jibeakba saben ngen, tobo'o de munuak awok, tapi coa ade kuaso munuak jiwo. Sabenba ngen Allah de bekuaso mbenaso awok ngen jiwonu lem nerako.

MATIUS 11:6

Kirone Tuhan melei rahmat ngen tun de coa temulok Uku!”

MATIUS 16:26

Jano utungne bagiak tun suang amen kute dunio yo ijai si de temuanne. Tapi si kelnyep idupne? Dapet coa idup'o tenukar ngen jano bae?

MATIUS 17:27

Tapi jibeakba ite menea tun-tun'o mengiak. Jijai lalauba moi daneu utuk ngeweya, mokba kan de dute ngen ko temakep, neak lem bibiane'o ko bakea temau matai caci de genep utuk pajak ite beduai. Mokba caci'o, nasen ngen tobo'o pajak ite utuk Bait Allah.”

MATIUS 19:12

Ade tun coa dapet nikeak sebab tobo'o memang laherne awei'o, ngen ade kulo de coa nam nikeak kerno si nea awei'o ngen tun luyen. Ade kulo de miliak dewek utuk coa nikeak, supayo dapet melayan Allah. Tun de sanggup temimo ajaran yo kunyau si temimone.”

MATIUS 23:15

Celakoba udi gu'au-gu'au agamo ngen tun-tun Farisi! Udi tun-tun munafik! Udi lalau uak-uak nyebe'ang laut ngen mejelajah da'et cuma utuk menea do tun masuk agamonu. Sesudo tun masuk agamonu, udi menea si calon nerako de duai kilai lebiak jahat kunei udi dewek!

MATIUS 23:33

Udi jahat ngen udi kulo anok tun jahat! Awei ipe udi dapet semlamat dirai kunei hukuman neak nerako?

MATIUS 5:22

Tapi Uku madeak ngen udi, tiep tun de mengiak ngen tun luyen, bakea senidang; api de mino tun luyen bakea de senidang neak pengadilan agamo Yahudi. Api de madeak, ‘Coa blu'at ngen kidek plepne,’ patut nuang moi opoi nerako.

MATIUS 5:30

Amen tangen kanennu penyebab ko menea duso, tentok ngen muangba tangen'o! Lebiak baik nyep depeak tangennu kunei kute awoknu masuk lem nerako.”

MARKUS 8:36

Jano gunone su'ang tun dapet kute dunio, tapi nyabaine nyep.

LUKAS 12:5

Uku bakea temunjuk ngen udi api de harus udi saben. Sabenba Si, de sesudo munuak, temuan kuaso utuk mbin tun moi lem nerako. Sesungguakne Uku madeak ngen udi, sabenba Si!

ROMA 6:6

Kerno ite namen, manusio an ite bi senalib kulo, supayo awok duso ite nyep kuasone, kunyau ite coa tunduk igai ngen duso.

ROMA 8:13

Sebab, amen udi idup temurut tabi'at manusio, udi bakea matei; tapi amen ngen Roh udi munuak plep-plep awoknu, udi bakea idup.

1 KORINTUS 9:27

Uku munyau awokku nelatih ngen bennek sapei uku dapet kemuasone. Uku menea awei'o, sebab uku coa lok sapei tejijai bahwo sesudo uku majok tun luyen milau lem perlombaan o, uku suang tenulok.

GALATIA 5:24

Api bae de sudo jijai de Kristus Yesus temuan, si bi munuak plep manusione ngen kute hawo nafsu ngen kelokne.

KOLOSE 3:5

Kerno'o, nuangba lem dirainu kute sesuaktau de duniawi, awei percabulan, hal-hal de coa baik, hawa nafsu, kelok de kidek (serakah, de serai ngen nyembeak patung).