MATIUS 5:22 - JANJAI BLAU Lem Bahaso Jang Bebilai

²² Tapi Uku madeak ngen udi, tiep tun de mengiak ngen tun luyen, bakea senidang; api de mino tun luyen bakea de senidang neak pengadilan agamo Yahudi. Api de madeak, ‘Coa blu'at ngen kidek plepne,’ patut nuang moi opoi nerako.

MATIUS 5:22 ပူးပေါင်းရင်းမြစ်များ

MATIUS 10:17

Bejago-jago sebab udi bakea tenakep lajau senreak ngen pengadilan agamo tun Yahudi. Tobo'o bakea semikso udi neak umeak-umeak semyang tobo'o.

MATIUS 10:28

Jibeakba saben ngen, tobo'o de munuak awok, tapi coa ade kuaso munuak jiwo. Sabenba ngen Allah de bekuaso mbenaso awok ngen jiwonu lem nerako.

MATIUS 12:24

Tiko tun Farisi temi'uk'o, tobo'o jemawab, “Tun yo cuma nam musir roh jahat, kerno Beelzebul pemimpin roh jahat bi melei kuaso'o ngen-Si.”

MATIUS 17:5

Waktau Petrus gidong miling embun de kembiak te'ang kemliling tobo'o ngen kunei embun'o teti'uk sa'ei de madeak, “Dioba Anok-Ku de Ku kemasiak, Si semnang atei-Ku. Teniukba Si!”

MATIUS 18:21

Sesudo'o Petrus teko ngen madeak, ngen Yesus, “Tuhan, amen pasuakku menea duso ngen uku, sapei kedau kilai uku harus mapun si? Jano sapei tujuak kilai?”

MATIUS 18:35

Yesus semlesei ceritone awai yo, “Bak-Ku de neak surgo bakea menea awei yo kulo ngen udi, amen udi coa mapun pasuaknu ngen ikhlas.”

MATIUS 23:15

Celakoba udi gu'au-gu'au agamo ngen tun-tun Farisi! Udi tun-tun munafik! Udi lalau uak-uak nyebe'ang laut ngen mejelajah da'et cuma utuk menea do tun masuk agamonu. Sesudo tun masuk agamonu, udi menea si calon nerako de duai kilai lebiak jahat kunei udi dewek!

MATIUS 23:33

Udi jahat ngen udi kulo anok tun jahat! Awei ipe udi dapet semlamat dirai kunei hukuman neak nerako?

MATIUS 25:41

Lajau Rajo'o bakea madeak ngen tun-tun neak de peak kideu-Ne, ‘Lalauba kunei yo, jahanam! Masukba moi lem opoi de coa nam padem, de sudo sedio bagiak Iblis ngen malaikat-malaikatne.

MATIUS 26:59

Imem-imem ngen pemipin pengadilan agamo mesoa bukti-bukti de coa benea utuk mukum matei Yesus.

MATIUS 3:17

Lajau tiukba saei Allah de madeak, “Dioba Anok de Uku kamasiak, Si semnang atei-Ku.”

MATIUS 5:34

Tapi uyo Uku madeak ngen udi: Jibeak perneak besupeak, baik kerno lenget jano bumai de adeba penan Allah.

MATIUS 5:44

Tapi uyo Uku madeak ngen udi; kemasiakba musuaknu ngen bedu'oba utuk tobo'o de senikso udi,

MARKUS 14:55

Imem-imem lai, ngen paro anggota agamo luyenne mesoa saksai melawen Yesus supayo Si dapet nukum matei, tapi tobo'o coa temaune.

MARKUS 15:1

Kekabuk nien imem-imem kepalo besamo tetuai ngen gu'au-gu'au agamo serto paro anggota Mahkamah Agamo luyenne, made pertemuan. Sesudo'o tobo'o meket Yesus lajau mbin Si ngen semrak Si ngen Pilatus.

LUKAS 12:5

Uku bakea temunjuk ngen udi api de harus udi saben. Sabenba Si, de sesudo munuak, temuan kuaso utuk mbin tun moi lem nerako. Sesungguakne Uku madeak ngen udi, sabenba Si!

LUKAS 22:66

Sesudo bilai pueng pemipin-pemipin Yahudi, imem-imem kepalo ngen gu'au-gu'au agamo bekopoa lajau Yesus nembin moi adep Mahkamah Agamo tobo'o.

YOHANES 11:47

Lajau imem-imem kepalo ngen tun-tun Farisi menok Mahkamah Agamo utuk bepkopoa ngen tobo'o madeak, “Jano de arus ite menea? Sebab tun o menea dau mujizat.

YOHANES 15:25

Tapi firman de tetulis lem ukum agamo Yahudi tobo'o arus tejijai: ‘Tobo'o jengik ngen Uku ngen coa ade alasan.’

YOHANES 7:20

Tun dau o jemawab, “Ko pasuk semat! Api de berusaho munuak Ko?”

YOHANES 8:48

Tobo penguaso Yahudi jemawab Yesus, “Jano ba benea amen keme madeak bahwo Ko tun Samaria ngen pasuk semat?”

KISAH RASUL-RASUL 17:18

Gu'au-gu'au aliran Epikuros ngen aliran Stoa bedebat kulo ngen si. Ade de madeak, “Jano de lok tukang ngike madeak?” Tapi de luyen madeak, “Rupone si melei namen tetang ajaran diwo-diwo bangso luyen.” Kerno si melei namen Bito Baik tetang Yesus ngen idup igai sesudo matei.

KISAH RASUL-RASUL 22:30

Tapi pemipin pasukan o lok namen jano de tenuduak tun-tun Yahudi ngen Paulus. Kerno o, menne si meluak mok Paulus kunei sel, pemipin pasukan o melei periteak, supayo imem-imem kepalo ngen anggota Mahkamah Agamo luyenne bekopoa. Lajau si mbin Paulus kunei markas, nembin madep tobo'o.

KISAH RASUL-RASUL 23:1

Samo kemliak anggota-anggota Mahkamah Agamo, Paulus madeak, “Pasuak-pasuak, sapei bilai yo uku tep idup ngen atei nurani de murni neak adep Allah.”

KISAH RASUL-RASUL 24:20

Tapi kunyauba tun-tun de ade neak yo uyo madeak kejahatan jano de tobo'o dapet, ketiko uku nadep moi Mahkamah Agamo.

KISAH RASUL-RASUL 4:15

Mako tobo'o meluak keduai rasul o keluea kunei ruang sidang, sesudo'o tobo'o berunding.

KISAH RASUL-RASUL 5:21

Mako rasul-rasul o temotoa pesen malaikat o. Kekabuk nien tobo'o lalau moi Bait Allah ngen muloi ngajea neak di. Sementaro Imem Lai ngen tobo penotoane teko, lajau menea sidang mahkamah ngen tobo pemipin Yahudi. Sesudo'o tobo'o meluak tun lalau mok rasul-rasul o kunei sel utuk nembin madep tobo'o.

KISAH RASUL-RASUL 5:27

Tobo'o mbin rasul-rasul o ngen madep tobo'o ngen mahkamah agamo. Lajau Imem Lai muloi temanye tobo'o.

KISAH RASUL-RASUL 6:12

Awei'oba tobo'o mujuk tun-tun, ngen pemipin-pemipin Yahudi, serto gu'au-gu'au agamo. Lajau tobo'o lalau temakep Stefanus, sesudo'o mbin si madep Mahkamah Agamo.

KISAH RASUL-RASUL 6:15

Kute tun de ade lem sidang Mahkamah Agamo o demnong Stefanus. Pado waktau o papea Stefanus keten awei papea malaikat.

KISAH RASUL-RASUL 7:37

Siba kulo Musa de madeak ngen bangso Israel, ‘Allah bakea melei ngen ko suang nebai de niliak kunei antaro udi suang, serai awei si miliak uku.’

ROMA 12:10

Lokba udi sesamo mengasihi sebagai saudaro ngen sesamo demute lem melei hormat.

1 KORINTUS 6:10

de maling, de serakeak, tukang mabuk, de galok kemidek tun luyen, tukang mike, coa bakea jijai anggota umat Allah.

1 KORINTUS 6:6

Tapi sebelekne suang Kristen lalau magea tun de iso Kristen utuk madau pekarone te'adep Saudarone de Kristen.

1 TESALONIKA 4:6

Lem hal awei o, jibeakba suang tun kulo menea saleak ngen Saudarone, atau mikene. Bel'o keme bi melei peringatan ngen udi, bahwa Tuhan bakea mukum tun-tun de menea saleak awei o.

TITUS 3:2

Nadeak ngen tobo'o supayo jibeak fitneak atau betekea ngen api bae, tapi supayo besikep ramah. Lokba tobo'o bogoa besikep lemuak te'adep kute tun.

IBRANI 12:25

Kerno o, teateiba jibeak sapei udi coa lok temi'uk Si de miling o. Tobo'o de coa lok temi'uk Si de teko moi bumai ngen semapei bito kunei Allah, coa nam lalau. Jano igai ite yo de temi'uk Si de miling kunei surgo! Amin ite coa lok temi'uk-Ne, coa mukin ite dapet bebas!

IBRANI 5:9

Mako sesudo Si jenijai penyelamat de sempurno, Si jijai sumber keselamatan de kekal bagiak kute tun de taat ngen-Si,

YAKOBUS 2:20

Udi bodong nien! Jano udi perlu bukti bahwo coa ade gunone temuan imen tapi coa kemerjone?

YAKOBUS 3:6

Dileak serai ngen opoi. Neak awok ite, si adeba sumber kejahatan de sembea kejahatan neak kute dirai ite. Ngen opoi de kunei nerako, si mbem kute idup ite.

1 PETRUS 2:23

Pado waktau Si nino, Si coa males ngen mino. Waktau Si menderito, Si coa macem; Si cuma semreak pekaro-Ne ngen Allah, Hakim de adea o.

1 PETRUS 3:9

Jibeakba males kejahatan ngen kejahatan, atau caci maki ngen caci maki; sebelekne malesba ngen minoi berkat kunei Allah. Sebab Allah menok udi justru supayo udi temimo berkat kunei Allah.

1 YOHANES 2:9

Tun de madeak bahwo si ade neak lem te'ang tapi tun o masiak jengik ngen saudarone, tun o masiak ade neak lem kelem sapei uyo.

1 YOHANES 3:10

Dioba bedane anok-anok Allah ngen anok-anok Iblis: api de coa menea kelok Allah, atau coa mengasiak saudarone, si iso Anok Allah.

1 YOHANES 5:16

Amen udi kemliak saleak su'ang saudarone menea duso de coa sembab tun o nyep idup sejati ngen kekal, lokba udi bedu'o ngen Allah; ngen Allah melei idup o ngen si, adeba tobo'o de menea duso de coa jijai maut. Tapi ade duso de menea tun nyep idup o. Tetang hal o uku coa madeak bahwo udi harus bedu'o ngen Allah

YUDAS 1:9

Mikhael suang de jijai pemipin malaikat-malaikat, coa perneak menea awei o. Waktau si tekea ngen Iblis lem selisiak tetang api de bakea dapet mayit Musa, Mikhael coa binai mukum Iblis ngen kecek-kecek de coa baik. Mikhael cuma madeak, “Tuhan bakea mengiak ngen ko!”

WAHYU 20:14

Sesudo'o Maut ngen Alam Maut nuang moi lem lautan opoi. (Lautan opoi yo adeba kematian tahap keduai.)