MATIUS 5:19 - JANJAI BLAU Lem Bahaso Jang Bebilai

¹⁹ Kerno'o api de melanggea saleak do periteak-periteak'o sekilai kulo de kembiak titik ngen majea tun luyen utuk menea awei'o, si bakea jijai de kembiak titik neak antaro umat Allah. Tapi api de kemerjo priteak-priteak'o ngen majea tun luyen awei'o kulo, si bakea jijai lai neak antaro umat Allah.

MATIUS 5:19 ပူးပေါင်းရင်းမြစ်များ

MATIUS 11:11

Ingetba! Neak dunio yo coa perneak ade tun de lebiak lai kunei Yohanes Pembaptis. Tapi tun de kembiak titik neak antaro umat Allah lebiak lai kunei Yohanes.

MATIUS 19:28

Yesus madeak ngen tobo'o, “Pecayoba: Neak dunio de Belau, Anok Manusio bakea temot neak das kersaine de mulio utuk meriteak. Pado waktau'o udi de penotoa-penotoa-Ku bakea temot neak das keduai belas kersai penan Uku meriteak ngen makim keduai belas sukau bangso Israel!

MATIUS 20:26

Tapi udi coa buliak awei'o. Sebelekne tun de lok jijai lai neak antaro udi, harus jijai pelayannu.

MATIUS 28:20

Najeaba tobo'o menea kute de sudo Uku periteak ngen ko. Ingetba Uku bakea selalu semerto udi sapei Bilai Kiamat.”

LUKAS 1:15

Sebab si bakea lai neak adep Tuhan ngen si coa bakea menem anggur-anggur ngen menem de luyen ngen si bakea penuak ngen Roh Sucai ayok kunei kandungan makne ngen.

LUKAS 11:42

Celakoba udi, hoi tun-tun Farisi, sebab udi masen perpuluhan kunei selasiak, inggau ngen kute mecem pucuk, tapi udi coa dulai de adea ngen kasih Allah. De do harus nea ngen de luyen jibeak laloi.

LUKAS 9:48

Lajau Si madeak ngen murid-murid-Ne, “Tun de temimo anok yo kerno Uku, taine temimo Uku. Ngen tun de temimo Uku, temimo Si de mutus Uku. Sebab tun de titik neak antaro udi, siba de paling lai!”

KISAH RASUL-RASUL 1:1

Hoi Teofilus, Lem bukauku dedute uku temulis tetang kutene de nea ngen majea Yesus,

ROMA 3:8

Jano coa benea fitnaan tun de madeak, bahwo ite madeak, “Maroba ite menea de coa baik, supayo de baik teko kunei si.” Tun de awei o bi sepatutne dapet ukuman.

ROMA 6:1

Amen awei o, jano de lok ite madeak? Jano buliak ite bogoa menea duso, supayo tambeak kasih karunia o?

ROMA 6:15

Jijai awei ipe? Jano ite bakea menea duso, kerno ite coa ade neak beak hukum agamo Yahudi, tapi neak beak kasih karunio? Coa samo sekilai!

1 TIMOTIUS 6:11

Tapi ko adeba tun de Allah temuan, jijai ko harus meu'ak kutene o. Berusahoba jijai tun de benea neak matai Allah, de mengabdi ngen Allah, pecayo ngen Kristus, mengasihi sesamo, tabah lem penderitaan, ngen bersikep lemah lembut.

TITUS 3:8

Kecek yo sungguak benea. Uku lok ko manggap hal-hal yo peting, supayo tun-tun de pecayo ngen Allah sungguak-sungguak berusaho utuk menea kerjo de baik ngen beguno utuk kute tun.

1 PETRUS 5:4

Pado waktau Gembala Agung o teko konyo, udi bakea temimo mahkota de gemilang, de coa bakea pudea kegemilanganne.

1 YOHANES 3:4

Tun de menea duso, melanggea ukum Allah; sebab duso adeba pelanggaran teadep ukum Allah.

WAHYU 2:20

Tapi dio keberatan-Ku teadep udi: Udi melei atei ngen Izebel, selawei de makau diraine suruhan Allah. Bi dau hamba-hamba-Ku de tepike ngen de najeane utuk menea zinah ngen Utuk embuk kembuk persembahan patung.