MATIUS 5:11 - JANJAI BLAU Lem Bahaso Jang Bebilai

¹¹ Allah melei rahmat ngen udi amen tun luyen madeak ko jahat, senikso ngen de pitneak kerno Uku.

MATIUS 5:11 ပူးပေါင်းရင်းမြစ်များ

MATIUS 10:18

Kerno udi penotoa-Ku, udi bakea mbin ngen penguaso-penguaso ngen rajo-rajo. Ngen pado waktau'oba, ko bakea jijai saksi-Ku utuk tobo'o ngen tun-tun de coa kemnal Allah.

MATIUS 10:22

Kerno udi penotoa-Ku, tun bakea jengik ngen udi. Tapi tun de tep pecayo ngen Uku sapei akhir, Allah bakea semlamat si.

MATIUS 10:25

Bi cukup amen suang murid jijai awei gu'aune, ngen suang pelayan awei tuanne. Amen kepalo keluarga senbut Beelzebul jano igai seisai umeakne. Tobo'o bakea dapet gen de kembiak kidek igai!”

MATIUS 10:39

Tun de kema'en idupne bakea nyep idupne. Tapi tun denyep idup kerno setia ngen Uku bakea dapet idupne.”

MATIUS 19:29

Ngen tiep tun de sudo teminggea umeak, pasuak semanei atau selawei, bak, mak, anok-anok atau kebun kerno Uku, tun'o bakea temimo igai sotos kilai lipet. Ngen si bakea temimo kulo idup de baka.

MATIUS 24:9

Sudo'o udi bakea tenakep ngen semreak utuk senikso ngen nunuak. Ngen kute dunio bakea jemngik udi kerno udi penotoa-Ku.

MATIUS 27:39

Tun-tun de liwet neak di gemeleng ulau ngen mino Yesus.

MARKUS 13:13

Udi bakea jenngik kute tun kerno gen-Ku. Tapi tun de betaen sapei ade sudone bakea selamat.”

MARKUS 13:9

Tapi udi yo, atei-ateiba! Udi bakea senereak ngen majelis agamo ngen udi bakea nokoa neak umeak semyang. Ngen bakea nadep ngen tobo gubernur ngen tobo rajo kerno Uku, sebagoi saksai bagiak tobo'o.

MARKUS 4:17

Tapi tobo'o coa ade balet ngen ta'en tegoa bae. Amen sudo'o tobo'o senikso kerno firman'o, tobo'o segro murtad.

MARKUS 8:35

Kerno api de lok semlamat nyabaine, sibakea nyep nyabaine; tapi api bae nyep nyabaine kerno Uku ngen kerno Bito Baik, si bakea semlamatne.

LUKAS 21:12

Tapi ayok kutene o udi bakea tenakep ngen senikso; udi bakea senreak moi umeak-umeak semyang ngen penjara-penjara, ngen udi bakea nadep ngen rajo-rajo ngen penguaso-penguaso kerno gen-Ku.

LUKAS 21:17

Udi bakea jenngik kute tun ngen kerno gen-Ku.

LUKAS 6:22

Bahagiaba udi amen jenngik, tenulok, nino ngen fitneah kerno Anok Manusio.

LUKAS 9:24

Kerno api bae de lok semlamat nyabaine, si bakea kelnyep nyabaine. Tapi api bae kelnyep nyabaine kerno Uku, si bakea senlamat.

YOHANES 15:21

Tapi kutene o bakea tobo'o menea te'adep udi kerno gen-Ku, sebab tobo'o coa namen Si desudo mutus Uku.

YOHANES 9:28

Samo mino tobo'o madeak ngen si, “Ko penotoa tun o, tapi keme penotoa-penotoa Musa.

KISAH RASUL-RASUL 9:16

Uku suang bakea temunjuk ngensi kute penderitaan de harus si tanggung kerno Uku.”

ROMA 8:36

Awei ade tetulis: “Kerno Ko, keme ade lem bahayo maut selamone. Keme bi nanggap sebagai kurban-kurban sembeliak.”

1 KORINTUS 4:10

Kerno Kristus, keme adeba tun bodong, udi tun Kristen de pacok! Keme lemah, udi kuet! Keme nino tun, udi nujai tun!

2 KORINTUS 4:11

Sebab keme de masiak idup yo, bogoa senreak ngen maut kerno Yesus, supayo kulo idup Yesus jijai nyato neak lem awok keme de coa kekal yo.

FILIFI 1:29

Sebab Allah bi melei anugerah ngen udi iso cuma utuk pecayo ngen Kristus, tapi kulo utuk saro bagiak Kristus.

1 PETRUS 2:23

Pado waktau Si nino, Si coa males ngen mino. Waktau Si menderito, Si coa macem; Si cuma semreak pekaro-Ne ngen Allah, Hakim de adea o.

1 PETRUS 4:14

Udi butung amen udi nino sebab udi penotoa Kristus. Do'o beartai Roh de mulio, adeba Roh Allah, ade padonu.

WAHYU 2:3

Udi tep sabar ngen udi saro kerno Uku, ngen udi coa putus asa.