MATIUS 4:7 - JANJAI BLAU Lem Bahaso Jang Bebilai

⁷ Yesus jemawab, “Tapi lem Kiteb Ade tetulis: ‘Jibeak ko cemubo Tuhan Allahnu.’ ”

MATIUS 4:7 ပူးပေါင်းရင်းမြစ်များ

MATIUS 21:16

Tobo'o madeak ngen Yesus, “Ko temi'uk jano de nadeak tobo'o?” “Au, Uku temi'uk,” Yesus jemawab. “Jano udi ati perneak mbaco lem kiteb yo: ‘Anok-anok ngen cupik ko bi majea pujian de sepurno’?”

MATIUS 21:42

Mako Yesus madeak ngen tobo'o, “Jano udi ati perneak mbaco neak lem kiteb? ‘Butau de coa nakei oleh tukang bangunan sudo jijai butau de kembiak peting. Tuhanba dioba de nea padeak kebaesne!’ ”

MATIUS 4:10

Lajau Yesus jemawab, “Lalauba ko, Iblis! Kerno neak lem Kiteb Ade tetulis awei yo: Sembeakba Tuhan Allah ngen layanba Si bae!”

MATIUS 4:4

Tapi Yesus jemawab, “Neak lem Kiteb Ade tetulis awei yo: Manusio coa idup kunei ruti bae, tapi kulo Firman de nucep Allah.”

LUKAS 4:12

Yesus jemawabne, nadeak Si, “Ade firman: ‘Jibeak ko cemubo Tuhan, Allahnu!’ ”

KISAH RASUL-RASUL 15:10

Amen awei o, getai udi lok cemubo Allah ngen mpek moi das bau penotoa-penotoa o kewajiban de benek, baik ngen ninik puyang te atau ite su'ang?

KISAH RASUL-RASUL 5:9

Lajau Petrus madeak ngen si, “Getai ko ngen sematennu sepakat utuk cemubo Roh Tuhan? Temi'ukba! Tun-tun de kemubua sematennu bi belek. Tobo'o bakea mbin ko moi luea kulo.”

1 KORINTUS 10:9

Ite coa buliak cemubo Tuhan awei de nea pa'o kunei tobo'o bel'o, sehinggo tobo'o matei nenget dung bisai.

IBRANI 3:9

‘Neak di ninik puyang cemubo Uku, ngen temrai Uku,’ nadeak Allah, ‘Padahal tobo'o bi kemliak perbuatan-Ku pat puluak taun keanne.’