MATIUS 4:23 - JANJAI BLAU Lem Bahaso Jang Bebilai

²³ Yesus lalau moi kute penan neak daerah Galilea. Si ngajea tun dau tetang Allah de bakea mriteak ngen-Si kulo kemaen tun-tun kunei olonne ngen cacet.

MATIUS 4:23 ပူးပေါင်းရင်းမြစ်များ

MATIUS 11:5

Tun buto kemliak, tun pakuak paneu, tun de temuan olon babok de kembiak saben ite kemliakne ka'en; tun setiuk temi'uk, tun matei idup igai, ngen Bito Baik kunei Allah senapei ngen tun peset.

MATIUS 12:9

Yesus teminggea penan'o lajau lalau moi de bueak umeak semyang tun Yahudi.

MATIUS 13:19

Biniak de cucia moi dalen awei tun-tun temi'uk kabar tetang awei ipe. Allah meriteak, tapi coa ngertai. Tun jahat'o teko ngen mbut jano de sudo tenbea lem atei tobo'o.

MATIUS 13:54

lajau belek moi sadei-Ne. Neak di Si lajau ngajea neak umeak semyang tun Yahudi, ngen tun-tun dau temi'uk Si neak di, heran nien. Tobo'o madeak, “Kunei ipe tun yo dapet kepacok awei yo? Ngen kunei ipe Si dapet kuaso utuk menea mujizat?

MATIUS 14:14

Waktau Yesus tu'un kunei biduk ngen kemliak tun dau'o, Si slen ngen tobo'o. Lajau Si kema'en tun-tun de bolon neak antaro tobo'o.

MATIUS 24:14

Ngen Bito Baik tetang kero Allah meriteak bakea ke nabar moi kute dunio supayo kute tun temi'ukne. Sesudo'o kiamat teko.”

MATIUS 3:2

Si madeak, “Bertobatbah kunei duso-dusonu kerno Allah bakea segro meriteak sebagai Rajo!”

MATIUS 9:35

Yesus kliling kunei do kota moi kota de luyen kunei do sadei moi sadei de luyen. Si ngajea lem umeak-umeak semyang, ngen semiar Bito Baik tetang awei ipe Allah mriteak awei Rajo. Si kema'en tun-tun de saro ngen kute olon ngen cacet.

MARKUS 1:14

Sesudo Yohanes tenakep tekoba Yesus moi Galilea semiar Bito Baik kunei Allah.

MARKUS 1:21

Yesus ngen murid-murid-Ne sapei nak Kapernaum. Sesudo bilai Sabat muloi, Yesus segro masuk moi umeak semyang ngen mengajea.

MARKUS 1:39

Lajau lalauba Si moi kute kota Galilea melei namen Bito Baik neak lem umeak semyang tobo'o ngen musir semat-semat.

MARKUS 3:10

Sebab Si kema'en dau tun, sehinggo kute tun bolon dedesok ngen-Si lok megong Yesus.

MARKUS 6:2

Waktau bilai sabat si muloi majea neak umeak semyang ngen dau tun takjub temi'uk-Ne ngen madeak, “Kunei ipe Si dapet hal-hal'o? Hikmat jano de nelei ngen-Si? Awei ipe Si dapet menea mujizat-mujizat?

LUKAS 10:9

Kena'enba tun-tun de bolon neak kota o, ngen nelei bito ngen tun-tun neak di, ‘Allah segro bakea muloi meriteak awei Rajo neak tengeak-tengeak udi.’

LUKAS 13:10

Pado bilai Sabat Yesus ngajea lem saleak do umeak semyang.

LUKAS 16:16

Ukum de nelei ngen Musa ngen ajaran nebai-nebai, tep belakau sapei pado maso Yohanes Pembaptis. Sejok waktau o Bito Baik tetang awei ipe Allah meriteak awei Rajo nelei bito bogoa. Ngen tun mekuak dirai utuk jijai anggota umat Allah.

LUKAS 20:1

Pado suaktau bilai ketiko Yesus ngajea tun dau neak Umeak Tuhan ngen semapei Bito Baik, tekoba imem-imem kepalo ngen gu'au-gu'au agamo serto tetuai moi mindi.

LUKAS 4:14

Lem kuaso Roh belekba Yesus moi Galilea. Ngen tesebeaba bito tetang Yesus neak kute daerah o.

LUKAS 5:17

Pado waktau Yesus gidong majea, ade kekedau tun Farisi ngen gu'au-gu'au agamo temot neak di. Tobo'o teko kunei Yerusalem, ngen kunei kota-kota neak Galilea ngen Yudea. Kuaso Tuhan ade pado Yesus utuk kema'en tun-tun bolon.

LUKAS 6:17

Lajau Yesus tu'un kunei tebo sesamo ngen rasul-rasul o. Tobo'o bedan pado do penan de datea. Neak di bekopoa dau tun penotoa-penotoa-Ne ngen dau tun luyen de teko kunei kute Yudea ngen kunei Yerusalem ngen kunei daerah patoi Tirus ngen Sidon.

LUKAS 6:6

Pado do bilai Sabat luyen, Yesus masuk moi umeak semyang, lajau majea. Neak di ade suang de matei tangen kanenne.

LUKAS 7:21

Pado saat o Yesus kema'en dau tun kunei kute olon ngen derito ngen kunei roh-roh kidek, ngen Si melei karunio pengeliak ngen dau tun sutai.

LUKAS 7:22

Jijai Yesus jemawab, “Lalauba, ngen nadeakba ngen Yohanes jano de pasuak kemliak ngen ko temi'uk: Tun sutai kemliak, tun pakuak paneu, tun olon kidek jijai ka'en, tun seti'uk temi'uk, tun matei idup igai ngen tun peset nelei Bito Baik.

LUKAS 8:1

Coa an sesudo o, Yesus lalau moi kota-kota ngen sadei-sadei, utuk melei namen Bito Baik bahwo Allah muloi meriteak sebagai Rajo. Duai belas murid-murid-Ne sesamo Si.

LUKAS 9:11

Tapi ketiko tun-tun namen tetang hal o, tobo'o temotoa Yesus. Si temimo tobo'o, lajau miling ngen tobo'o tetang awei ipe Allah meriteak sebagai Rajo. Ngen Si kulo kema'en tun bolon neak antaro tobo'o.

LUKAS 9:60

Tapi Yesus madeak magea si, “Kunyauba tun matei kenubua tun matei. Tapi kumu, lalauba ngen melei namen bahwo Allah meriteak sebagai Rajo neak ipe-ipe.”

YOHANES 18:20

Jawab Yesus ngen si, “Uku miling te'us te'ang ngen dunio. Uku bogoa ngajea neak umeak-umeak semyang ngen neak Bait Allah, penan kute tun Yahudi bekopoa. Uku coa perneak miling bebunyin.

YOHANES 6:59

Kutene yo nadeak Yesus neak Kapernaum ketiko Si majea neak umeak semyang.

YOHANES 7:1

Sesudo'o Yesus paneu keliling Galilea, sebab Si coa lok tep tinggea neak Yudea, kerno neak yo tun-tun Yahudi berusaho utuk munuak-Ne.

KISAH RASUL-RASUL 10:38

Udi namen bahwo Allah bi miliak Yesus tun Nazaret o, melei namen ngen-Si Roh Sucai ngen kuaso. Udi namen kulo bahwo Yesus o lalau moi ipe bae utuk menea baik, Si kemaen kute tun de kenuaso Iblis, kerno Allah semerto Si.

KISAH RASUL-RASUL 18:4

Tiep bilai Sabat Paulus miling lem umeak semyang ngen berusaho supayo tun-tun Yahudi ngen tun-tun Yunani pecayo ngen Yesus.

KISAH RASUL-RASUL 20:25

Uku bi magea udi kutene ngen bi melei namen kulo tetang awei ipe Allah meriteak sebagoi Rajo. Uyo uku meding coa bakea temau igai ngen udi.

KISAH RASUL-RASUL 28:31

Ngen binai si melei namen ngen tobo'o tetang awei ipe Allah meriteak sebagoi Rajo ngen tetang Tuhan Yesus Kristus.

ROMA 10:15

Ngen awei ipe tobo'o dapet melei namen tetang Si, amen tobo'o coa nutus? Awei ade tetulis, “Padeak baikne tobo'o teko ngen mbin Bito Baik!”