MATIUS 3:11 - JANJAI BLAU Lem Bahaso Jang Bebilai

¹¹ Uku membaptis udi ngen bio'a betando udi bi tobat kunei duso-duso, tapi Si de bakea teko sesudo uku, bakea membaptis Udi ngen opoi ngen Roh Sucai kunei Allah. Si lebiak bekuaso kunei uku. Utuk mbin sepatu-Ne bae uku coa patas.

MATIUS 3:11 ပူးပေါင်းရင်းမြစ်များ

MATIUS 3:6

Tobo'o makau duso-dusone lajau Yohanes membaptis tobo'o neak Bioa Yordan.

MARKUS 1:4

Awei yo ba Yohanes Pembaptis teko neak benei libea ngen madeak, “Betobatba ngen neleiba dirainu dibaptis ngen Allah bakea mapun dusonu.”

LUKAS 1:17

Si bakea paneu demute Tuhan lem roh ngen kuaso awei Elia. Si bakea menea atei bapa-bapa bebelek ngen anok-anokne ngen atei tun-tun durhako ngen pekeran tun-tun benea. Ngen awei si semiap bagiak Tuhan do umat de patut bagiak-Ne.”

LUKAS 3:16

Do'o sebabne Yohanes madeak ngen tobo'o kute, “Uku baptis ko ngen bioa, tapi konyo bakea teko Tun de lebiak lai kunei uku. Mukok tilai sepatu-Ne kulo uku coa patut. Si bakea baptis ko ngen Roh Allah ngen opoi.

LUKAS 3:3

Yohanes teko moi kute daerah Bioa Yordan ngen semapei bito kunei Allah. Yohanes madeak, “Betobatba kunei duso-dusonu ngen ko harus dibaptis, supayo Allah mapun dusonu.”

YOHANES 1:15

Yohanes saksai tetang Si ngen menggang, nadeak-Ne: “Dioba Si, de uku maksud ketiko uku madeak: sesudo'o kunei uku bakea teko Si de sudo demute uku, sebab Si biade ayok Uku.”

YOHANES 1:30

Siba de uku maksud ketiko uku madeak: Sesudo'o bakea teko suang tun de sudo demute uku, sebab Si bi ade ayok Uku.

KISAH RASUL-RASUL 1:5

Sebab Yohanes membaptis ngen bioa, tapi coa an igai udi bakea neak baptis ngen Roh Sucai.”

KISAH RASUL-RASUL 19:4

Paulus madeak, “Baptisan Yohanes adeba baptisan tobat, si madeak ngen tun dau bahwo tobo'o harus pecayo ngen Si de teko sesudo kunei padone, adeba Yesus.”

KISAH RASUL-RASUL 8:36

Tobo'o melanjut pemane tobo'o, sapei neak do penan de ade bioa. Lajau nadeak pejabat istana o, “Keliak, neak di ade bioa; jano ade halangan bagiakku utuk dibaptis?” [

KISAH RASUL-RASUL 8:38

Tun Etiopia o meluak medan kerita o, keduaine tu'un moi lem bioa, baik Filipus kulo pejabat istana o, lajau Filipus membaptis si.

1 KORINTUS 12:13

Awei'o kulo ite kute, baik tun Yahudi atau iso tun Yahudi, hamba-hamba atau tun-tun bebas; ite kute bi baptis ngen Roh de serai, supayo ite jenijai do ngen awok Kristus. Ite kute kulo meding Roh de do o sepenuakne.

EFESUS 3:8

Neak antaro kute umat Allah, ukuba de kebiak hino. Tapi Allah melei karunio o ngen uku, utuk melei namen ngen tun-tun iso Yahudi Bito Baik tetang kekayaan Kristus de coa pakei abis,

TITUS 3:5

Si semlamat ite, iso kerno ite sudo menea sesuaktau de baik, tapi kerno Si suang mengasihi ite. Si semlamat ite liwet Roh Allah, de melei ite laher blau, idup blau, ngen dalen semucai ite.

1 PETRUS 5:5

Awei'o kulo Saudaro, tun-tun uai. Tundukba ngen tun-tun de tuai. Saudaro kutene harus merendeak dirai ngen saling melayan ngen rendeak atei. Sebab lem Kiteb sucai tetulis awei yo, “Allah temtang tun de ombong, tapi mengasiak tun de rendeak atei.”