MATIUS 3:1 - JANJAI BLAU Lem Bahaso Jang Bebilai

¹ Pado waktau'o tekoba Yohanes Pembaptis neak padang pasir daerah Yudea, ngen muloi bekhotbah.

MATIUS 3:1 ပူးပေါင်းရင်းမြစ်များ

MATIUS 11:11

Ingetba! Neak dunio yo coa perneak ade tun de lebiak lai kunei Yohanes Pembaptis. Tapi tun de kembiak titik neak antaro umat Allah lebiak lai kunei Yohanes.

MATIUS 11:7

Sesudo utusan-utusan Yohanes lalau, Yesus muloi miling ngen tun dau'o tetang Yohanes, nadeak-Ne, “Udi lalau moi padang pasir utuk kemliak jano? Jano utuk kemliak dukut de genuyang ibut?

MATIUS 16:14

Penotoa-penotoa-Ne jemawab, “Adeba de madeak Yohanes Pembaptis. Ade kulo de madeak Elia. De luyen madeak Yeremia atau saleak su'ang nebai.”

MATIUS 21:32

Sebab Yohanes Pembaptis teko ngen temunjuk ngen udi ca'o idup de kenlok Tuhan nu, tapi ko coa pecayo ngen ajaran-Ne, tapi penagiak pajak ngen selawei nakea pecayo ngen Si. Tapi kunyau ko bi kemliak kutene'o, udi tep coa mubeak pekerannu, ngen coa pecayo ngen Tuhan.”

MATIUS 3:8

Kemtenba uleaknu amen ko bi betobat kunei duso-dusonu.

MARKUS 1:15

Nadeak-Ne, “Waktaune bi genep; Allah segro meriteak sebagai Rajo. Betobatba ngen pecayoba ngen Bito Baik!”

MARKUS 1:2

Awei ade tetulis lem Kiteb Nebai Yesaya: “Keliakba, ‘Uku meluak utusan-Ku demute Ko, si bakea semiap dalen bagiak-Nu.’

LUKAS 1:76

Ngen ko, hoi anokku, bakea senbut nebai Allah De Kembiak Lekat. Kerno ko bakea paneu demno Tuhan utuk semiap dalen utuk Si,

LUKAS 7:24

Sesudo utusan-utusan Yohanes o lalau, Yesus muloi miling ngen tun dau o tetang Yohanes, nadeak-Ne, “Utuk jano ko lalau moi benei libea? Kemliak bulau de genuyang ibut bogoa moi miyo?

KISAH RASUL-RASUL 1:22

adeba muloi kunei baptisan Yohanes sapei bilai Yesus taket moi surgo teminggea keme, utuk jijai saksai ngen keme tetang Si idup igai.”