MATIUS 28:9 - JANJAI BLAU Lem Bahaso Jang Bebilai

⁹ Tetibo Yesus teko magea selawei-selawei'o ngen madeak, “Salam!” Lajau tobo'o ma'ok Si, sudo'o megep kekea-Ne ngen sembeak Si.

MATIUS 28:9 ပူးပေါင်းရင်းမြစ်များ

MATIUS 14:33

Mako penotoa-penotoa Yesus sujut nyembeak Si. Tobo'o madeak, “Sungguak Tuhan adeba Anok Allah!”

MATIUS 23:7

Tobo'o senang nehormat tun-tun neak pasar ngen lok de nok pak gu'au.

MATIUS 28:10

“Jibeakba saben,” nadeak Yesus ngen tobo'o, “lalau melei namen ngen pasuak-pasuak-Ku supayo tobo'o lalau moi Galilea, neak di tobo'o bakea kemliak Uku.”

MATIUS 28:17

Pado waktau tobo'o kemliak Yesus neak di tobo'o sujud nyembeak Si. Tapi ade neak antaro tobo'o de ragau.

MATIUS 28:8

Gegulut selawei-selawei'o teminggea kubua'o ngen saben capua riang delai ngen mlilai utuk melei namen ngen penotoa-penotoa Yesus.

LUKAS 1:28

Ketiko malaikat o masuk moi umeak Maria, si madeak, “Salam, hoi ko de nelei karunia, Tuhan semerto ko.”

LUKAS 24:52

Tobo'o sujud nyembeak ngen Si, lajau tobo'o belek moi Yerusalem ngen kembiak besukocito.

LUKAS 7:38

Si je neak belakang Yesus pa'ok kekea-Ne ngen ngindoi samo meleceak kekea Yesus ngen bioa mataine. Sesudo'o kekea Yesus ken'ing ngen bukne lajau si semiumne ngen mpek minyok um moi kekea Yesus.

YOHANES 12:3

Lajau Maria mok tengeak liter minyok Narwastu asli de la'ang nien. Lajau si me'eng minyok moi kekea Yesus. Lajau Maria menut ngen bukne. Kute umeak o mbonne um kerno minyok um o.

YOHANES 20:19

Waktau bilai bi kelemen pado bilai pertamo minggau o kopoaba penotoa-penotoa Yesus neak do penan ngen bang-bang de tekucai kerno tobo'o saben ngen tobo penguaso Yahudi. Pado waktau o tekoba Yesus ngen je neak tengeak-tengeak tobo'o ngen madeak, “Damoi sejahtera utuk udi!”

YOHANES 20:28

Tomas jemawab Si, “Au Tuhanku ngen Allahku!”

2 KORINTUS 13:11

Akhirne, Saudaro-saudaroku, lokba udi riang, berusahoba jijai sempurno. Temimoba kute nasihat uku. Lokba udi do atei ngen idup rukun; mako Allah, sumber kasih ngen damoi sejahtera bakea semerto udi!

WAHYU 3:9

Tingetba dio: Tun-tun de jijai umat Iblis o, pendusta-pendusta de makau diraine tun Yahudi padahal iso, Uku nea tobo'o sehinggo teko sujud neak adep nu. Ngen tobo'o bakea namen bahwo Uku mengasiak udi.