MATIUS 28:7 - JANJAI BLAU Lem Bahaso Jang Bebilai

⁷ Uyo, lalauba gacang, melei namen ngen penotoa-penotoa-Ne, ‘Si bi idup igai ngen uyo Si lalau lebiak dute kunei udi moi Galilea. Neak di udi bakea kemliak Si!’ Mingetba jano de sudo Uku madeak ngen ko.”

MATIUS 28:7 ပူးပေါင်းရင်းမြစ်များ

MATIUS 24:25

Jijai, ingetba! Uku sudo melei namen ngen udi telebiak kileak ayok hal'o tejijai.

MATIUS 26:32

Tapi sesudo'o Uku bakit kunei matei, Uku bakea de mute udi moi Galilea.”

MATIUS 28:10

“Jibeakba saben,” nadeak Yesus ngen tobo'o, “lalau melei namen ngen pasuak-pasuak-Ku supayo tobo'o lalau moi Galilea, neak di tobo'o bakea kemliak Uku.”

MATIUS 28:8

Gegulut selawei-selawei'o teminggea kubua'o ngen saben capua riang delai ngen mlilai utuk melei namen ngen penotoa-penotoa Yesus.

MARKUS 14:28

Tapi sesudo Uku idup igai, Uku bakea demute udi moi Galilea.”

MARKUS 16:10

Lajau selawei'o lalau melei namen ngen tobo'o de temotoa Yesus ayokne ngen pado waktau o, gidong beduko ngen ngindoi. Sesudo'o, Yesus suang liwet murid-murid-Ne melei namen kunei Timur moi Barat Bito de Sucai ngen kekal tetang keselamatan de kekal.]

MARKUS 16:13

Lajau belekba tobo'o melei namen ngen de luyen, tapi tobo'o coa pecayo ngen keduai tun'o.

LUKAS 24:34

Nadeak tobo'o o, “Sesungguakne Tuhan bi idup igai ngen bi kemten dirai ngen Simon!”

YOHANES 14:29

Uyo kulo Uku madeakne ngen udi ayok hal o tejijai, supayo udi pecayo, amen hal o tejijai.

1 KORINTUS 15:4

bahwo Kristus kenubua, tapi sesudo'o idup igai pado bilai ketelau. Do'o kulo tetulis lem Kiteb Sucai.

1 KORINTUS 15:6

Sesudo'o Kristus kemten dirai kulo ngen lebiak kunei lemo otos penotoa-Ne. Dau kunei tobo'o sapei uyo masiak idup, cuma kekedau tun de sudo ninggea.