MATIUS 27:2 - JANJAI BLAU Lem Bahaso Jang Bebilai

² Tobo'o meket Si, lajau mbin-Ne ngen semreak-Ne ngen Gubernur Pilatus, walai negrai'o.

MATIUS 27:2 ပူးပေါင်းရင်းမြစ်များ

MATIUS 20:19

Tobo'o bakea semreak Si ngen bangso-bangso de coa Yahudi, tobo'o kulo mliyam Si, semikso Si ngen semalib Si. Pado bilai ketelau Si idup igai.”

MATIUS 28:14

Ngen amen Gubernur temi'uk hal'o keme bakea mbujuk si supayo udi coa dapet masalah jano bae.”

LUKAS 13:1

Pado waktau o tekoba ngen Yesus kekedau tun mbin bito tetang tun-tun Galilea, de daleakne cenapua Pilatus ngen daleak kurban de tobo'o sembeak.

LUKAS 20:20

Gu'au-gu'au agamo ngen imem-imem kepalo demnong Yesus. Tobo'o meluak ngen-Ne matai-matai de ce'icak awei tun jujur, supayo tobo'o dapet temakep-Ne ngen temanye ngen semreak-Ne ngen wewenang ngen kekuaso gubernur.

LUKAS 23:1

Lajau je kute tun neak sidang o, ngen Yesus nembin madep Pilatus.

LUKAS 23:12

Pado bilai o kulo Herodes ngen Pilatus, de bel'one bemusuak, bekuat igai.

LUKAS 3:1

Lem taun kelemo belas kunei pemeriteak Kaisar Tiberius, ketiko Pontius Pilatus jijai Gubernur neak Yudea, ngen Herodes rajo neak Galilea, Filipus, pasuakne, rajo neak Iturea ngen Trakhonitis, ngen Lisanias rajo neak Abilene.

YOHANES 18:12

Lajau pasukan prajurit serto perwirane ngen penjago-penjago de neluak tun Yahudi o temakep Yesus ngen meket Si.

YOHANES 18:24

Lajau Hanas kemirim Si lem keadaan tepeket ngen Imem Lai Kayafas.

YOHANES 18:28

Sesudo'o, tobo'o mbin Yesus kunei Kayafas moi istana gubernur. Waktau'o bilai masiak pueng. Tobo'o suang coa masuk moi istana gubernur'o, supayo jibeak jijai najis, sebab tobo'o lok mbuk Paskah.

KISAH RASUL-RASUL 12:6

Pado kelmen ayok Herodes lok mbinne ngen tun dau, Petrus tidua neak antaro duai tun prajurit, neket ngen duai ratoi, dong neak adep bang, tobo pengawal dong jago sel'o.

KISAH RASUL-RASUL 21:33

Pemipin pasukan o ma'ok Paulus, temakepne ngen meluak meket si ngen duai ratoi, lajau betanye api si, jano de sudo neane.

KISAH RASUL-RASUL 22:25

Tapi waktau Paulus genulek utuk cenambuk, Paulus madeak ngen perwira de betugas, “Jano buliak ko cemambuk tun Roma, ayok si senidang?”

KISAH RASUL-RASUL 22:29

Lajau tobo'o de harus cemambuk si, segro mondor; pemipin pasukan o jijai saben, sesudo si namen bahwo Paulus adeba warga negara Roma.

KISAH RASUL-RASUL 24:27

Tapi sesudo genep duai taun, Feliks genitei ngen Perkius Festus, utuk mok atei tun Yahudi, Felik munyau Paulus tep lem sel.

KISAH RASUL-RASUL 28:20

Do'oba sebabne uku minoi temau utuk miling ngen udi. Aku neket justru kerno Penyelamat de na'ep bangso Israel.”

KISAH RASUL-RASUL 3:13

Allah Abraham, Ishak ngen Yakub, Allah ninik puyang ite bi mulio Hamba-Ne, adeba Yesus de udi senreak ngen tulok neak adep Pilatus, kunyau Pilatus mutus utuk melpas Si.

KISAH RASUL-RASUL 4:27

Sebab Herodes ngen Pontius Pilatus bi menea pertemuan ngen tun-tun de coa kemnal Tuhan ngen tun-tun Israel neak kota yo. Tobo'o temau utuk melawen Yesus Hambo-Nu de sucai o, de sudo Ko maket jijai Rajo Penyelamat.

KISAH RASUL-RASUL 9:2

minoi su'et kuaso utuk nembin moi pemipin-pemipin umeak-umeak semyang tun Yahudi neak Damsyik, supayo amen si temmau neak di tun-tun de pecayo ngen Yesus, si dapet temakep tobo'o lajau mbin tobo'o moi Yerusalem.

1 TIMOTIUS 6:13

Ngen uyo, neak adep Allah de melei nyabai ngen kute sesuaktau, ngen neak adep Kristus Yesus de melei kesaksian de benea ngen Pontius Pilatus, uku minoi dio kunei ko:

2 TIMOTIUS 2:9

Kerno melei namen Bito Baik o ba, uku jijai saro; malah sapei neket ngen ratoi awei penjahat. Tapi Firman Allah coa dapet neket ngen ratoi.

IBRANI 13:3

Ingetba tun-tun de neak lem sel, seolah-olah udi ade neak lem sel besamo tobo'o. Ngen tun-tun de nea sekelokne bae, lokba udi inget ngen tobo'o seolah-olah udi kulo nea awei o.