MATIUS 26:63 - JANJAI BLAU Lem Bahaso Jang Bebilai

⁶³ Tapi Yesus diem bae. Lajau nadeak imem lai'o ngen Yesus, “Kerno Allah'o idup, nadeakba ngen keme, jano Ko Rajo Penyelamat, Anok Allah atau coa?”

MATIUS 26:63 ပူးပေါင်းရင်းမြစ်များ

MATIUS 16:16

Simon Petrus jemawab, “Bak adeba Rajo Penyelamat, Anok Allah De Idup.”

MATIUS 26:62

Lajau imem lai'o tegok ngen madeak ngen Yesus, “Jano Ko coa melei jawab kunei tuduak-tuduak teadep Ko?”

MATIUS 27:12

Tapi waktau pemipin imem-imem ngen pemipin-pemipin Yahudi temuduak Yesus menea saleak, Si coa jemawab samo sekilai.

MATIUS 27:14

Tapi Yesus coa jemawab jano-jano sehinggo Gubernur'o kembiak heran nien.

MATIUS 27:40

Tobo'o madeak, “Ko de lok mubuak Umeak Semyang ngen mbangunne lem telau bilai! Amen Ko Anok Allah, tuunba kunei salib'o, ngen semlamat dirai-Nu!”

MATIUS 27:43

Si pecayo ngen Allah, ngen madeak bahwa Si Anok Allah. Nah, maro ite kemliak janokah Allah lok semlamat Si uyo.”

MATIUS 27:54

Pemipin tentra serpok ngen tentra-tentrane de gidong jemagai Yesus jijai saben nien waktau kemliak gepo, ngen kute de tejijai'o. Tobo'o madeak, “Sungguak Si yo Anok Allah!”

MATIUS 4:3

Iblis teko ngen madeak ngen Yesus, “Amen Ko Anok Allah, keluakba butau-butau yo jijai ruti.”

MARKUS 14:61

Tapi Si tep diem ngen coa jenawab jano-jano. Imem Lai'o betanye igai ngen-Si, “Ko jano Rajo Penyelamat, Anok kunei De Terpujai?”

YOHANES 1:34

Uku bi kemliak-Ne ngen melei saksai: Si yo ba Anok Allah.”

YOHANES 1:49

Nadeak Natanael ngen Si, “Rabi, Ko Anok Allah, Ko Rajo Tun Israel!”

YOHANES 10:24

Lajau tun-tun Yahudi gemlung Yesus ngen madeak ngen Si, “Kedau ke'an igai Ko munyau keme ragau-ragau? Amen Ko Rajo Penyelamat, nadeakba de benea ngen keme.”

YOHANES 10:30

Uku ngen Bak adeba do.”

YOHANES 10:36

Masiak udi madeak ngen Si de senucai ngen Bak ngen de sudo nutus-Ne moi lem dunio. Ko mino Allah! Kerno Uku bi madeak: Uku anok Allah?

YOHANES 18:37

Lajau nadeak Pilatus ngen Si, “Jijai Ko adeba rajo?” Jawab Yesus, “Ko madeak bahwo Uku adeba rajo. Utuk do'o ba Uku laher ngen utuk do'oba Uku teko moi lem dunio yo, supayo Uku melei saksai tetang de benea. Tiep tun de berasal kunei de benea temi'uk sa'ei-Ku.”

YOHANES 19:7

Jawab tun-tun Yahudi o ngen si, “Keme temuan ukum ngen temurut ukum Si harus matei, sebab Si manggep dirai-Ne awei Anok Allah.”

YOHANES 19:9

lajau si masuk igai moi lem istana gubernur, madeak ngen Yesus, “Kunei ipe asal-Nu?” Tapi Yesus coa melei jawab ngen si.

YOHANES 20:31

Tapi hal-hal yo bi cenatet, supayo udi pecayo bahwo Yesusba Rajo Penyelamat, Anok Allah, ngen supayo kerno pecayo, udi dapet idup lem gen-Ne.

YOHANES 6:69

Ngen keme bi pecayo ngen namen bahwo Ko ba de sucai kunei Allah.”

YOHANES 8:25

Lajau padeak tobo'o ngen-Si, “Api Ko?” Jawab Yesus ngen tobo'o, “Jano de sudo Uku madeak ngen udi kunei ke'an yo?

2 KORINTUS 1:19

Kerno Yesus Kristus, Anok Allah, de sudo keme melei namen neak tengeak-tengeak udi, ngen Silas, Timotius, ngen uku suang isoba tun “Au” ngen “Coa” tapi sebelekne neak lem Si cuma ade “Au”.

1 PETRUS 2:23

Pado waktau Si nino, Si coa males ngen mino. Waktau Si menderito, Si coa macem; Si cuma semreak pekaro-Ne ngen Allah, Hakim de adea o.