MATIUS 26:58 - JANJAI BLAU Lem Bahaso Jang Bebilai

⁵⁸ Petrus temotoa Yesus kuneiu'ak sapei moi latet umeak imem lai. Lajau Petrus moi lem latet'o, ngen temot besamo tentra-tentra. Si lok namen awei ipe sudone pekaro'o.

MATIUS 26:58 ပူးပေါင်းရင်းမြစ်များ

MATIUS 26:3

Pado waktau'o pemipin imem-imem ngen pemipin-pemipin Yahudi bekopoa neak umeak lai Imem Lai Kayafas.

MATIUS 5:25

Amen ade tun madau udi moi pengadilan, beda moi ngen si selamo gi ade waktau, ayok sapei moi pengadilan. Amen coa tun'o bakea semreak udi ngen hakim, de bakea semreak udi ngen plisi. Lajau plisi bakea mbin masuk udi moi lem sel.

LUKAS 22:54

Lajau Yesus tenakep ngen nembin kunei penan o. Si ni'ing moi umeak Imem Lai. Ngen Petrus temotoa kunei uak.

YOHANES 18:25

Simon Petrus masiak je ngen bediang. Nadeak tun-tun neak di ngen si, “Iso ko kulo saleak suang penotoa-Ne?” Petrus menyangkalne, nadeakne, “Iso!”

YOHANES 19:6

Waktau imem-imem kepalo ngen penjago-penjago o kemliak Si, menggang ba tobo'o, “Senalibba Si, senalibba Si!” Nadeak Pilatus ngen tobo'o, “Mok Si ngenko bae de senalibne; sebab uku coa dapet saleak jano bae kunei Si.”

YOHANES 7:32

Tun-tun Farisi temi'uk tun dau misik hal-hal o tetang Si, ngen kerno o imem-imem kepalo ngen tun-tun Farisi meluak tukang jago Bait Allah utuk temakep-Ne.

YOHANES 7:45

Sesudo penjago-penjago o belek ngen imem-imem kepalo ngen tun-tun Farisi, de madeak ngen tobo'o, “Getai udi coa mbin-Ne?”

KISAH RASUL-RASUL 5:22

Tapi waktau tun-tun de neluak o sapei neak sel, tobo'o coa temau rasul-rasul o neak di. Jijai tobo'o belek, lajau melei namen hal o ngen mahkamah.

KISAH RASUL-RASUL 5:26

Sesudo'o lalauba pengawal serto tun-tunne moi Bait Allah, lajau mok rasul-rasul o, tapi coa ngen kekerasan, kerno tobo'o saben, jibeak-jibeak tun dau meluk tobo'o ngen butau.