MATIUS 26:56 - JANJAI BLAU Lem Bahaso Jang Bebilai

⁵⁶ Tapi kute yo tejijai supayo genepba jano de tetulis ngen nebai-nebai lem kiteb.” Lajau kute murid'o melilai teminggea Yesus.

MATIUS 26:56 ပူးပေါင်းရင်းမြစ်များ

MATIUS 21:42

Mako Yesus madeak ngen tobo'o, “Jano udi ati perneak mbaco neak lem kiteb? ‘Butau de coa nakei oleh tukang bangunan sudo jijai butau de kembiak peting. Tuhanba dioba de nea padeak kebaesne!’ ”

MATIUS 26:24

Anok Manusio bakea matei, awei de tetulis neak lem kiteb. Tapi celakoba tun de semreak Anok Manusio! Adeba lebiak baik utuk tun'o sekirone si coa nlaher.”

MATIUS 26:31

Lajau Yesus madeak ngen penotoa-penotoa-Ne, “Kelmenyo kulo, udi bakea mlilai teminggea Uku; sebab neak lem kiteb tetulis: Allah madeak, ‘Uku bakea munuak pengingon'o, ngen domba-domba de bekopoa bakea besirok.’

MATIUS 26:54

Tapi amen awei'o, ipe mukin tejijai jano de sudo tetulis lem kiteb? Tapi kute de tetulis'o mestai terjijai.”

YOHANES 16:32

Keliak, waktaune bakea teko, bahkan bi teko, ketiko udi bakea cen'ei sesuang neak penanne suang ngen udi teminggea Uku suang dirai. Tapi Uku coa suang dirai sebab Bapa semerto Uku.

KISAH RASUL-RASUL 1:16

“Hoi tun-tun, arusba tejijai ayat Kiteb Sucai, de senapei dute Roh Sucai liwet Daud tetang Yudas, pimipin tun-tun de temakep Yesus.

KISAH RASUL-RASUL 2:23

Si de senreak Allah temurut maksud ngen rencano-Ne, sudo ko semalib ngen ko munuak liwet tangen bangso-bangso durhako.

2 TIMOTIUS 4:16

Pado waktau uku pertamo sekilai bela diraiku, coa ade suang kulo de temulung; kutene teminggea uku. Mudah-mudahan Allah coa semaleak tobo'o lem hal yo.