MATIUS 26:55 - JANJAI BLAU Lem Bahaso Jang Bebilai

⁵⁵ Lajau Yesus madeak ngen tun dau'o, “Jano Uku yo penjahat, sapei udi teko ngen mbin pedang ngen gado utuk temakep Uku? Tiep bilai Uku ngajea neak Umeak Allah ngen udi coa temakep Uku!

MATIUS 26:55 ပူးပေါင်းရင်းမြစ်များ

MATIUS 21:23

Sudo'o Yesus belek moi Bait Allah tun Yahudi, lajau masuk ngen mengajea neak di. Waktau Si gidong ngajea, imem-imem kepalo ngen pemipin-pemipin Yahudi teko ngen-Si ngen betanye, “Das dasar jano Ko menea kutene'o? Api de melei hok'o ngen Ko?”

MATIUS 26:47

Sementaro Yesus masiak miling, Yudas, suang kunei keduai belas murid-Ne'o teko. Serpok ngen si teko kulo dau tun de mbin pedang ngen gado. De meluak tobo'o adeba imem-imem kepalo ngen pemipin-pemipin Yahudiba de meluak tobo'o.

MARKUS 10:1

Kunei di Yesus berakat moi daerah Yudea ngen moi daerah dipoa Bioa Yordan ngen neak di tun dau teko gemlumbung Si; awei biaso Si majea tobo'o kulo.

MARKUS 12:35

Sementaro Yesus majea neak Umeak Tuhan, Yesus madeak, “Awei ipe gu'au-gu'au agamo dapet madeak, bahwo Rajo Penyelamat adeba Anok Daud?

LUKAS 19:47

Tetiep bilai Si ngajea neak lem Umeak Tuhan. Imem-imem kepalo ngen gu'au-gu'au agamo serto pemipin-pemipin Yahudi lok munuak Si,

LUKAS 20:1

Pado suaktau bilai ketiko Yesus ngajea tun dau neak Umeak Tuhan ngen semapei Bito Baik, tekoba imem-imem kepalo ngen gu'au-gu'au agamo serto tetuai moi mindi.

LUKAS 4:20

Sesudo'o Yesus temutup kiteb o, meleine ngen petugas, lajau temot; ngen kute matai lem umeak semyang o kemliak Yesus.

YOHANES 7:14

Tengeak-tengeak pesta, Yesus masuk moi lem Umeak Tuhan, lajau muloi majea.

YOHANES 7:28

Waktau Yesus ngajea neak Bait Allah, Si menggang, “Memang Uku udi namen ngen udi namen kunei ipe asal-Ku; tapi Uku teko iso das kelok-Ku suang, tapi Uku nutus ngen Si de benea de coa udi namen.

YOHANES 8:2

Pepueng nien Si ade igai neak Umeak Tuhan, ngen kute rakyat teko ngen-Ne. Si temot ngen ngajea tobo'o.

YOHANES 8:20

Kecek-kecek o de nadeak Yesus pa'ok kutak-kutak caci, waktau Si majea neak lem Umeak Tuhan. Tapi Coa suang tun de temakep Si, kerno waktaune ati sapei.