MATIUS 26:45 - JANJAI BLAU Lem Bahaso Jang Bebilai

⁴⁵ Sesudo'o Si teko ngen penotoa-penotoa-Ne ngen madeak, “Jano udi masiak tidua ngen istirahat ba? Keliak saatne sudo teko! Uyo Anok Manusio bakea semreak moi tangen tun-tun beduso.

MATIUS 26:45 ပူးပေါင်းရင်းမြစ်များ

MATIUS 26:18

Yesus jemawab, “Lalauba suang tun neak kota ngen madeak ngensi, ‘Nadeak gu'au, sudo sapei waktaune utuk-Ku; Uku ngen penotoa-penotoa lok menea Bilai Rayo Paskah neak umeak-Nu.’ ”

MATIUS 26:2

“Udi namen duai bilai igai Bilai Rayo Paskah ngen Anok Manusia bakea tun semreak ngen musuak-musuak-Ne, ngen tobo'o bakea senalib Si!”

MATIUS 26:44

Yesus debat igai teminggea tobo'o lalau bedu'o ngen utuk ketelau kilaine ngen mucep duo de serai.

MATIUS 26:46

Klongonba, maroba ite lalau. Keliak! Tun de hianat Uku bi teko!”

MARKUS 14:35

Si maju didik, gemulek diraine moi pitok ngen bedu'o supayo, sekirone mukin, saat'o lalau kunei adep-Ne.

LUKAS 22:53

Padohal tetiep bilai Uku ade neak tengeak-tengeak udi neak lem Umeak Tuhan, ngen udi coa temakep Uku. Tapi dioba saat udi, ngen dioba kuaso kegelapan o.”

YOHANES 12:23

Nadeak Yesus ngen tobo'o, “Bi sapei waktaune Anok Manusio de mulio.

YOHANES 12:27

Atei-Ku temes, “Jano de arus Uku madeak uyo? Jano arus Uku madeak, ‘Bak, senlamat ba Uku kunei saat yo’? Tapi waktau meding saro dioba Uku teko.

YOHANES 13:1

Ayok bilai rayo Paskah muloi, Yesus bi namen bahwo waktau-Ne bi sapei utuk lalau kunei dunio yo ngen Bak. Si kemasiak tun-tun milik-Ne de neak dunio yo, si mengasiak tobo'o sapei moi sudone.

YOHANES 17:1

Sesudo Awei yo, Yesus nanggeak moi lenget ngen madeak, “Bapa, bi sapei waktau ne; de mulio ba Anok-Nu, supayo Anok-Nu de mulio Ko.