MATIUS 26:42 - JANJAI BLAU Lem Bahaso Jang Bebilai

⁴² Debat igai Yesus beduo, nadeak-Ne, “Au Bak-Ku derita yo mestai Uku temanggung, ngen coa dapet Uku me'uak, kunyauba kelok Bak jijai.”

MATIUS 26:42 ပူးပေါင်းရင်းမြစ်များ

MATIUS 20:22

“Udi coa namen jano de udi minoi,” nadeak Yesus ngen tobo'o. “Jano udi sanggup menem kunei caker derito de mestai Uku menem yo?” “Sanggup,” tobo'o jemawab.

MATIUS 26:39

Mako Yesus lalau lebiak uak didik, lajau sujud ngen bedu'o, nadeak-Ne, “Au Bak-Ku, amen buliak ne'uakba kunei-Ku derita de mestai Uku temanggung. Jibeakba awei de Ku kemlok, tapi awei de Bak kemlok.”

MATIUS 26:43

Sesudo'o Yesus belek igai, Si kemliak penotoa-penotoa-Ne masiak tidua, kerno penotoa-penotoa-Ne kembiak setekuk.

MATIUS 6:10

Ko ba Rajo keme. Kirone Ko mriteak neak bumai ngen neak Surgo.

MARKUS 14:36

Nadeak-Ne, “Au abba, Au Bapa, kute sesuatau mukin bagiak-Nu, mokba caker yo kunei adep-Ku, tapi jibeakba jano de Uku kenlok, seluyen jano de Ko kenlok.”

LUKAS 22:42

Nadeak-Ne, “Au Bapa-Ku, amen Ko lok, mokba saro yo kunei pado-Ku; tapi isoba kelok-Ku, tapi kelok-Nuba de tejijai.” [

YOHANES 6:38

Sebab Uku bi tu'un kunei surgo iso utuk menea kelok-Ku, seluyen kelok Si de sudo mutus Uku.

IBRANI 4:15

Imem Lai ite o isoba imem de coa dapet meding kelemahan-kelemahan ite. Se belek ne, Si sudo cenubo lem kute hal, serai awei ite suang; cuma Si coa menea duso!