MATIUS 26:41 - JANJAI BLAU Lem Bahaso Jang Bebilai

⁴¹ Bejago-jagoba, ngen beduoba ngen Allah, supayo udi coa bakea tegoda. Rohnu lok taat, tapi udi coa sanggup kerno sifet manusio'o lemah.”

MATIUS 26:41 ပူးပေါင်းရင်းမြစ်များ

MATIUS 24:42

Jijai, teateiba, sebab udi coa namen tengen Tuhannu bakea teko.

MATIUS 25:13

Lajau Yesus temutup perumpamo yo ngen madeak awei yo, “Kerno'o bejago-jagoba, kerno udi coa namen bilai ngen waktaune.”

MATIUS 26:38

Lajau nadeak-Ne ngen penotoa-penotoa-Ne, “Atei-Ku kembiak ibo, awei lok matei asaine. Tinggeaba neak piyo, ngen bejago-jagoba ngen Uku.”

MATIUS 6:13

Jibeak muyau keme coa pecayo waktau keme cenuba. tapi ne'uakba keme kunei kuaso Iblis. [Koba Rajo de kuaso ngen mulio utuk selamone. Amin.]’

MARKUS 14:38

Bejago-jagoba ngen bedu'oba, supayo udi coa us moi lem cobaan. Rohnu memang lok menea de benea, tapi plep manusio lemah.”

LUKAS 11:4

Ngen napunba duso keme, sebab keme kulo mapun setiep tun de besaleak ngen keme. Ngen jibeakba munyau kepercayaan keme nyep, waktau keme cenubo.’ ”

LUKAS 21:36

Bejago-jagoba, ngen bedu'oba bogoa supayo udi kuet matasi kute hal de bakea tejijai ngen udi dapet madep Anok Manusio.”

LUKAS 22:40

Sesudo sapei neak penan o Si madeak ngen tobo'o, “Bedu'oba supayo udi jibeak beduso amen udi cenubo.”

LUKAS 22:46

Nadeak-Ne ngen tobo'o, “Getai udi tidua? Klongonba ngen bedu'o, supayo udi jibeak us moi lem cubo.”

LUKAS 8:13

De us neak taneak de bebutau o siba tun-tun de sesudo temi'uk firman o, temimone ngen riang, tapi tobo'o o coa balet, tobo'o masai tegoa bae ngen lem maso pencobaan tobo'o murtad.

ROMA 8:3

Sebab jano de coa mukin nea hukum agamo Yahudi kerno ite manusio lemah, bi nea Allah. Ngen mbo Anok-Ne su'ang lem tabi'at manusio, de serai ngen manusio de beduso, utuk mapus duso.

1 KORINTUS 10:13

Tiep cobaan de Saudaro meding adeba cobaan de patut ending manusio. Tapi Allah setia pado janjai-Ne. Si coa bakea munyau Saudaro cemubo lebiak kunei kemampuannu. Pado waktau Saudaro dapet cobaan, Tuhan bakea melei dalen ngen ko utuk jijai kuet supayo Saudaro dapet betaen.

1 KORINTUS 16:13

Lokba udi waspada ngen teguak lem idupnu sebagai tun Kristen. Betindakba seca'o binai ngen jijaiba kuet.

1 KORINTUS 9:27

Uku munyau awokku nelatih ngen bennek sapei uku dapet kemuasone. Uku menea awei'o, sebab uku coa lok sapei tejijai bahwo sesudo uku majok tun luyen milau lem perlombaan o, uku suang tenulok.

GALATIA 5:24

Api bae de sudo jijai de Kristus Yesus temuan, si bi munuak plep manusione ngen kute hawo nafsu ngen kelokne.

EFESUS 6:18

Neaba kutene o samo bedu'o utuk minoi tulung ngen Allah, bedu'oba tiep waktau neak lem Roh Allah. Lokba udi bogoa siap ngen jibeak nyereak. Bedu'oba utuk kute umat Allah.

1 PETRUS 4:7

Kute sesuaktau sudo pa'ok kesudahanne, sebab o lokba udi kemuaso dirai ngen waspada, supayo udi dapet bedu'o.

1 PETRUS 5:8

Lokba udi waspada ngen bejago-jago! Sebab Iblis adeba musuaknu. Si awei singo paneu moi mindi mindoi samo mgemem mesoa upanne.

2 PETRUS 2:9

Jijai, Tuhan namen awei ipe semlamat tun-tun de temurut kelok-Ne amen tobo'o madep cobaan-cobaan. Ngen Tuhan namen awei ipe menea tun-tun de jahat utuk senikso pado Bilai Pengadilan,

WAHYU 16:15

“Teni'ukba! Uku teko awei maling! Riangba tun de siap ngen jemago keracokne, sehinggo si coa paneu ngen beleseng ngen jijai selek neak adep tun dau!”

WAHYU 3:10

Kerno udi bi kemerjo periteak-Ku supayo tekun, Uku kulo bakea jemago udi kunei bilai pencobaan de bakea teko moi kute dunio. Hal o bakea tejijai utuk cemubo kute tun neak bumai.