MATIUS 26:39 - JANJAI BLAU Lem Bahaso Jang Bebilai

³⁹ Mako Yesus lalau lebiak uak didik, lajau sujud ngen bedu'o, nadeak-Ne, “Au Bak-Ku, amen buliak ne'uakba kunei-Ku derita de mestai Uku temanggung. Jibeakba awei de Ku kemlok, tapi awei de Bak kemlok.”

MATIUS 26:39 ပူးပေါင်းရင်းမြစ်များ

MATIUS 20:22

“Udi coa namen jano de udi minoi,” nadeak Yesus ngen tobo'o. “Jano udi sanggup menem kunei caker derito de mestai Uku menem yo?” “Sanggup,” tobo'o jemawab.

MATIUS 24:24

Sebab bakea timboa tun-tun de senlamat de palsu ngen nebai-nebai palsu. Tobo'o bakea made plep-plep de luea biaso ngen mujizat-mujizat utuk mike amen mukin umat Allah kulo.

MATIUS 26:42

Debat igai Yesus beduo, nadeak-Ne, “Au Bak-Ku derita yo mestai Uku temanggung, ngen coa dapet Uku me'uak, kunyauba kelok Bak jijai.”

MARKUS 13:22

Sebab Rajo-rajo Penyelamat palsu ngen nebai-nebai palsu bakea timboa ngen tobo'o bakea menea tando-tando, mujizat-mujizat ngen maksud, sekirone mukin, mike tun-tun pilihan.

LUKAS 17:16

Si sujud neak adep kekea Yesus ngen mucep syukur ngen-Si. Tun o adeba suang Samaria.

YOHANES 11:41

Tobo'o maket butua o. Lajau Yesus nanggeak moi das ngen madeak, “Bak, Uku mucep syukur ngen Ko, kerno Ko bi temi'uk Uku.

YOHANES 14:31

Tapi dunio arus namen bahwo Uku mengasiak Bapa ngen bahwo Uku kemerjo kutene awei de neriteak Bapa ngen Uku. Klongonba, maroba ite lalau kunei piyo.”

YOHANES 18:11

Nadeak Yesus ngen Petrus, “Seno'ong pedangnu o; iso Uku arus menem derito de nelei Bapa ngen-Ku?”

YOHANES 5:19

Mako Yesus jemawab tobo'o, nadeak-Ne, “Sesungguakne Uku madeak ngen udi, Anok coa dapet kemerjo sesuatau kunei dirai-Ne suang, amen Si coa dapet kemliak Bapa kemerjone. Sebab, jano de kenerjo Bapa, kenerjo Anok.

YOHANES 5:30

“Uku coa dapet menea jano bae kunei dirai-Ku suang. Uku mukum sesuoi ngen jano de Uku temi'uk. Ngen ukuman-Ku adea, sebab Uku coa temotoa kelok-Ku suang, seluyen kelok-Ne de mutus Uku.

YOHANES 6:38

Sebab Uku bi tu'un kunei surgo iso utuk menea kelok-Ku, seluyen kelok Si de sudo mutus Uku.

KISAH RASUL-RASUL 10:25

Waktau Petrus masuk, tekoba Kornelius semabutne. Si sujud neak adep kekea Petrus ngen nyembeakne.

FILIFI 2:8

Si merendeak dirai, ngen idup taat ngen Allah sapei matei – adeba matei senalib.

IBRANI 5:7

Pado waktau Yesus idup neak dunio yo, Si bedu'o, bekinoi ngen sungguak-sungguak pado Allah, de sanggup semlamat-Ne kunei matei. Ngen kerno Si tunduk ngen Allah seca'o hormat, mako Si teni'uk.

WAHYU 19:10

Uku tukup neak adep malaikat o lok nyembeakne, tapi si madeak ngen uku, “Jibeak! Jibeak nyembeak uku, sembeakba Allah! Sebab uku kulo hamba serai awei ko ngen awei kute saudaronu de bepegong teguh ngen saksai Yesus!” Sebab saksai Yesus do'oba de jijai menea tun-tun de bernubuat.