MATIUS 26:29 - JANJAI BLAU Lem Bahaso Jang Bebilai

²⁹ Pecayoba: Uku coa bakea menem anggur yo igai sapei pado waktau Uku menem anggur de belau berpok ngen udi neak Dunio Belau Bak-Ku.”

MATIUS 26:29 ပူးပေါင်းရင်းမြစ်များ

MATIUS 13:43

Ngen tun-tun de menea kelok Allah bakea besinea awei matai bilai neak lem Dunio Belau Allah, Bak tobo'o. Jijai amen temuan tiuk, tiukba!”

MATIUS 16:28

Uku madeak ngen ko sebeneane kunei antaro udi neak yo ade de coa bakea matei, ayok kemliak Anok Manusio teko awei Rajo.”

MATIUS 18:20

Sebab neak ipe duai atau telau tun bekopoa kerno Uku, Uku ade neak tengeak-tengeak tobo'o.”

MATIUS 25:34

Sudo'o Rajo'o bakea madeak ngen tobo'o neak depeak kanen-Ne, ‘Maro, udi de melei rahmat ngen Bak-Ku. Masukba neak lem Kerajaan de bi sendio bagiaknu, sejok dunio jenijai.

MATIUS 26:28

Sebab dioba daleak-Ku, de ijai tando janjai de sah kunei Allah de tenu peak bagiak dau tun utuk mapun duso tobo'o.

MATIUS 26:30

Sesudo'o tobo'o nyanyi de buaek legau syukur. Ngen tobo'o lalau moi Tebo Zaitun.

MATIUS 28:20

Najeaba tobo'o menea kute de sudo Uku periteak ngen ko. Ingetba Uku bakea selalu semerto udi sapei Bilai Kiamat.”

MARKUS 14:25

Sesungguakne Uku madeak ngen udi: Uku coa bakea menem anggur igai sapei pado bilai Uku menemne ngen udi. Adeba de blau, lem Dunio Blau Allah.”

LUKAS 12:32

“Jibeakba saben, hoi udi jumlahnu titik! Kerno Bapanu bi senang melei udi Kerajaan o.

LUKAS 15:32

Ite patut besukocito ngen beriang, kerno asuaknu bi matei ngen jijai idup igai, si bi nyep ngen uyo temau igai.’ ”

YOHANES 15:11

Kutene o Uku nadeak ngen udi, supayo suko cito-Ku ade neak lem udi ngen suko cito-Nu jijai penuak.

YOHANES 16:22

Awei'o kulo udi uyo payeak atei, tapi Uku bakea kemliak udi igai ngen ateinu bakea riang, coa ade suang kulo de dapet mbut keriang nu'o kunei udi.

YOHANES 17:13

Tapi uyo Uku teko ngen Ko ngen Uku madeak kutene yo sementaro Uku masiak ade neak lem dunio, supayo penuak ba suko cito-Ku neak lem dirai tobo'o.

KISAH RASUL-RASUL 10:41

iso ngen kute bangso o, tapi ngen saksai-saksai, de ayokne bi tenunjuk ngen Allah. Keme de bi mukmei ngen menem besamo-samo ngen Si, sesudo Si idup igai kunei antaro tun matei.

IBRANI 12:2

Kenlokba pandangan te tetujuak ngen Yesus, sebab Siba de mbangkit imen te ngen meliharo kunei muloi sapei sudo. Yesus taen saro neak kiyeu salib! Si cao pedulai bahwo matei neak kiyeu salib o adeba debuak hal de semelek. Si cuma inget akan kegembiraan de bakea de neding-Ne sesudo'o. Uyo si temot neak depeak kanen takhta Allah ngen meriteak besamo ngen Si.

WAHYU 14:3

Neak adep takhta ngen kepat makhluk serto paro pemipin neak sekeliling takhtane o, sotos pat puluak pat ribau tun o embin legau de blau. Coa su'ang tun kulo dapet belajea legau o seluyen kunei sotos pat puluak pat riba tun de sudo bebas kunei bumai o.

WAHYU 7:17

sebab Anok Bebirai de temot neak tengeak-tengeak takhta o bakea jijai gembala tobo'o. Si bakea mi'ing tobo'o moi sumber bioa de melei kehidupan. Ngen Allah bakea mapus kute bioa matai kunei matai tobo'o.”