MATIUS 26:28 - JANJAI BLAU Lem Bahaso Jang Bebilai

²⁸ Sebab dioba daleak-Ku, de ijai tando janjai de sah kunei Allah de tenu peak bagiak dau tun utuk mapun duso tobo'o.

MATIUS 26:28 ပူးပေါင်းရင်းမြစ်များ

MATIUS 20:28

Samo awei Anok Manusio'o kulo; Si teko coa utuk nelayan, tapi utuk mlayan ngen semreak nyabaine utuk mbebas tun dau.”

MATIUS 26:27

Sesudo'o Si mok caker de ijai anggur ngen mucep syukur ngen Allah lajau meleine ngen tobo'o ngen madeak, “Menemba, udi kute.

MATIUS 26:29

Pecayoba: Uku coa bakea menem anggur yo igai sapei pado waktau Uku menem anggur de belau berpok ngen udi neak Dunio Belau Bak-Ku.”

MATIUS 6:12

Napunba keme kunei saleak keme, awei keme kulo sudo melei apun ngen tun de besaleak ngen keme.

MARKUS 1:4

Awei yo ba Yohanes Pembaptis teko neak benei libea ngen madeak, “Betobatba ngen neleiba dirainu dibaptis ngen Allah bakea mapun dusonu.”

MARKUS 14:24

Ngen Si madeak ngen tobo'o, “Dioba daleak-Ku, daleak perjanjian de tenupeak bagiak dau tun.

LUKAS 22:19

Lajau Yesus mok ruti. Sesudo mucep syukur, Si memecuakne ngen meleine ngen tobo'o, nadeak-Ne, “Dioba awok-Ku de senreak bagiak udi; neaba dio utuk minget Uku.”

LUKAS 22:20

Awei'o kulo nea-Ne ngen makuk anggur sesudo mukmei; Si madeak, “Makuk anggur yo adeba perjanjian belau de nsah ngen daleak-Ku, de tenupeak bagiak udi.”

ROMA 5:15

Tapi karunio Allah coa serai ngen pelanggaran Adam. Sebab, amen kerno pelanggaran do tun kute tun bi us moi lem kuaso maut, uak lebiak lai kasih karunio Allah ngen karunio-Ne, de nelei-Ne das kute tun kerno do tun, adeba Yesus Kristus.

ROMA 5:19

Jijai serai awei kerno do tun coa taat kute tun bi jijai tun be duso, awei o kulo kerno ketaatan do tun kute tun jijai benea.

1 KORINTUS 11:25

Awei'o kulo sesudo mbuk ruti, Tuhan mok caker anggur lajau madeak, “Anggur yo adeba janjai Allah de blau, jijai sah ngen daleak-Ku. Tiep kilai udi menem yo, neaba dio utuk minget Uku.”

EFESUS 1:7

Sebab, ngen mateine Kristus, Allah mbebas ite, taine Allah bi mapun ite kunei duso-duso ite.

KOLOSE 1:14

Kerno Anok-Ne o ite bebas; taine duso-dusote bi napun-Ne.

KOLOSE 1:20

Ngen liwet Anok o kulo Allah mutus utuk menea kute sesuaktau baik igai ngen Si – baik kute sesuaktau neak dunio, atau de neak surgo. Allah menea o liwet mateine Anok-Ne neak salib.

IBRANI 10:29

Padeak kebenek hukuman de harus nelei das tun de melat Anok Allah. Tun o manggap hino daleak perjanjian Allah, adeba mateine Kristus de bersih Si kunei duso. Si mino Roh kasiak karunio.

IBRANI 13:20

Allah bi midup Tuhan ite Yesus kunei matei. Kerno matei-Ne o Si uyo jijai Gembala Agung bagiak ite, adeba bebirai-bebirai-Ne. Kematian-Ne o kulo mbin igai perjanjian kekal de nea Allah ngen ite.

IBRANI 9:28

Awei o kulo Kristus debat bae senreak sebagai kurban utuk mapus duso tun dau. Si bakea teko igai keduai kilaine, iso utuk semlesei persoalan duso, tapi utuk semlamat tun-tun de mbot Si.

1 YOHANES 2:2

Ngen liwet Yesus Kristus o ba duso-duso ite napun. Iso duso-duso ite bae, tapi duso kute umat manusio kulo.

WAHYU 7:14

“Uku coa namen, Tuan, Tuan suang de namen,” jawab uku. Mako si madeak ngen uku, “Dioba tun-tun de sudo ngen selamat kunei kesusahan de luea biaso. Tobo'o bi mpuk jubah tobo'o ngen meneane jijai putiak ngen daleak Anok Bebirai o.

WAHYU 7:9

Sesudo'o uku kemliak igai, lajau keten tun dau de luea biaso daune – coa ade suang kulo de dapet mitung jumlahne. Tobo'o adeba tun-tun kunei tiep bangsa, suku, negara, ngen bahasa. Ngen makei jubah de putiak-putiak ngen megong dan-dan pun palem neak tangen, tun-tun dau o je madep takhta ngen madep Anok Bebirai o!