MATIUS 25:42 - JANJAI BLAU Lem Bahaso Jang Bebilai

⁴² Sebab waktau Uku nyemen, udi coa melei kembuk; waktau Uku aus, coa kulo udi melei bioa.

MATIUS 25:42 ပူးပေါင်းရင်းမြစ်များ

2 TESALONIKA 1:8

ngen menea pembalasan te'adep tobo'o de coa lok kemnal Allah ngen coa taat ngen Bito Baik tetang Yesus Tuhan ite.

1 KORINTUS 16:22

Tun de coa kemasiak Tuhan, kunyauba si tekutuk! Maranatha – Tuhan keme, tekoba!

YOHANES 5:23

supayo kute tun mego Anok awei tobo'o mego Bapa. Api bae coa mego Anok, si kulo coa mego Bapa, de mutus Si.

MATIUS 12:30

Tun de coa memihak Uku sebeneane si netang Uku. Ngen tun de coa temulung Uku sebeneane musak kerjo-Ku!

1 YOHANES 4:20

Amen suang tun madeak, “Uku mengasiak Allah,” tapi si coa mengasiak saudarone, tun o pendusta. Sebab tun de coa mengasiak saudarone de kemliakne, coa mukin dapet mengasiak Allah de coa kemliakne.

YOHANES 14:21

Api bae de megong periteak-Ku ngen kemerjone, siba de kemasiak Uku! Api bae de kemasiak Uku, si bakea kenasiak Bak-Ku ngen Uku kulo bakea kemasiak si ngen bakea melei namen dirai-Ku ngen si.”

MATIUS 25:35

Sebab waktau Uku nyemen, udi melei kembuk, ngen Uku aus udi melei bioa. Uku suang tun asing, udi temimo Uku neak umeaknu.

MATIUS 4:2

Sesudo puaso pat puluak bilai pat puluak malem. Yesus meraso nyemen.

MATIUS 25:41

Lajau Rajo'o bakea madeak ngen tun-tun neak de peak kideu-Ne, ‘Lalauba kunei yo, jahanam! Masukba moi lem opoi de coa nam padem, de sudo sedio bagiak Iblis ngen malaikat-malaikatne.

MATIUS 25:43

Uku suang tun asing, udi coa temimo Uku neak lem umeaknu. Uku coa keracok, udi coa melei Uku keracok. Uku bolon ngen neak sel, udi coa temulung Uku!’