MATIUS 25:40 - JANJAI BLAU Lem Bahaso Jang Bebilai

⁴⁰ Rajo'o bakea jemawab, ‘Namenba: Waktau udi menea hal'o sekilaipun ngen pasuak-Ku de tehino, berartai udi menea utuk-Ku!’

MATIUS 25:40 ပူးပေါင်းရင်းမြစ်များ

MATIUS 10:40

“Tun de temimo udi temimo Uku, ngen tun de temimo de mutusku, Uku temimo Si.

MATIUS 10:42

Api bae melei bio'a kunyau cuma bio'a sengok bae ngen saleak suang tun-tun de coa penting yo, kerno si penotoa-Ku, pecayoba sahe si bakea temimo upeakne ngen si!”

MATIUS 18:10

“Awas! Jibeak mino suang tun-tun titik yo. Sebab ingetba, malaikat-malaikat tobo'o selalu ade neak adep Bak-Ku neak surgo. [

MATIUS 25:34

Sudo'o Rajo'o bakea madeak ngen tobo'o neak depeak kanen-Ne, ‘Maro, udi de melei rahmat ngen Bak-Ku. Masukba neak lem Kerajaan de bi sendio bagiaknu, sejok dunio jenijai.

MATIUS 25:39

Tengen keme perneak kemliak Tuhan bolon atau masuk sel, lajau keme temulung Tuhan?’

MATIUS 25:45

Rajo'o bakea jemawab, namenba: ‘Pado waktau udi coa lok temulung saleak suang tun de tehino yo, beartai udi coa lok temulung Uku.’

MATIUS 28:10

“Jibeakba saben,” nadeak Yesus ngen tobo'o, “lalau melei namen ngen pasuak-pasuak-Ku supayo tobo'o lalau moi Galilea, neak di tobo'o bakea kemliak Uku.”

MARKUS 9:41

Uku madeak nge-Ko, Sesungguakne api melei udi menem do caker bioa kerno udi adeba murid Kristus, si coa bakea nyep upeakne.”

LUKAS 19:38

Nadeak tobo'o, “Berkatba Si de teko awei Rajo lem gen Tuhan! Damoi sejahtera neak surgo, ngen kemulio Allah neak penan De Kembiak Lekat!”

YOHANES 20:17

Nadeak Yesus ngen si, “Jibeakba ko megong Uku, sebab Uku ati kenek ngen Bapa. Tapi lalauba ngen pasuak-pasuak-Ku ngen nadeakba ngen tobo'o bahwo uyo Uku bakea lalau ngen Bapa-Ku ngen Bapa-Nu, Allah-Ku ngen Allahnu.”

ROMA 8:29

Sebab kute tun de niliak-Ne kunei semulo, tobo'o kulo tentau-Ne kunei semulo utuk jijai serai ngen gambaran Anok-Ne, kunyau Si, Anok-Ne o, jijai de pertamo neak antaro dau saudaro.

2 KORINTUS 4:5

Bito de keme semapei o isoba bito tetang dirai keme suang. Bito o adeba bito tetang Yesus Kristus; bahwo Si adeba Tuhan; ngen keme adeba hamba-hambanu kerno Si.

GALATIA 5:13

Saudaro bi nok utuk jijai tun de bebas. Tapi jibeakba makei kebebasannu o utuk bogoa menea jano bae de udi lok nea. Sebelekne, udi harus samo-samo mengasihi ngen samo-samo melayani.

GALATIA 5:22

Sebelekne, amen tun-tun nipin Roh Allah, aseane adeba: Tobo'o samo-samo mengasihi, riang, atei tenang, sabar ngen baik budi, baik te'adep tun luyen, setia,

GALATIA 5:6

Sebab bagiak tun-tun de ade neak lem Kristus Yesus hal sunat coa temuan tai, cuma imen de bekerjo ngen kasih.

EFESUS 5:30

Kerno ite adeba anggota awok-Ne.)

IBRANI 6:10

Allah iso Allah de coa adea. Si tep minget jano de udi nea utuk-Ne, kasih de udi kemten ngen Si sewaktau temulung saudaro-saudaro do imen, bel'o sapei uyo.

1 PETRUS 1:22

Kerno udi taat ngen ajaran kunei Allah, mako udi semucai dirai ngen udi mengasihi tun-tun do imen seca'o ikhlas. Sebab o, lokba udi mengasihi do ngen de luyenne, sepenuak atei.

1 YOHANES 4:20

Amen suang tun madeak, “Uku mengasiak Allah,” tapi si coa mengasiak saudarone, tun o pendusta. Sebab tun de coa mengasiak saudarone de kemliakne, coa mukin dapet mengasiak Allah de coa kemliakne.

WAHYU 17:14

Tobo'o bakea perang melawen Anok Bebirai o. Tapi Anok Bebirai o ngen penotoa-penotoa-Ne de setia de sudo nok-Ne ngen niliak-Ne o bakea maleak rajo-rajo o, sebab Siba Tuhan kute tuan, ngen Rajo kute rajo-rajo.”

WAHYU 19:16

Neak jubah-Ne ngen neak balung-Ne tetulis do gen, “Rajo kute rajo, ngen Tuhan kute tuan.”