MATIUS 25:34 - JANJAI BLAU Lem Bahaso Jang Bebilai

³⁴ Sudo'o Rajo'o bakea madeak ngen tobo'o neak depeak kanen-Ne, ‘Maro, udi de melei rahmat ngen Bak-Ku. Masukba neak lem Kerajaan de bi sendio bagiaknu, sejok dunio jenijai.

MATIUS 25:34 ပူးပေါင်းရင်းမြစ်များ

MATIUS 13:35

Mako tejijaiba de nadeak ngen nebai, “Uku makei perumpamo amen miling ngen tobo'o; Uku bakea melei kabar hal-hal de coa keten sejok tejijaine dunio yo.”

MATIUS 19:29

Ngen tiep tun de sudo teminggea umeak, pasuak semanei atau selawei, bak, mak, anok-anok atau kebun kerno Uku, tun'o bakea temimo igai sotos kilai lipet. Ngen si bakea temimo kulo idup de baka.

MATIUS 20:23

Yesus madeak, “Memang udi bakea menem kulo kunei caker-Ku. Tapi hal api de bakea temot neak kideu ngen neak kanen-Ku, iso Uku de temtaune. Penan'o adeba utuk tun-tun de sudo Bak-Ku temtau.”

MATIUS 21:5

“Kadeakba ngen Sion, Rajonu gidong teko ngen ko. Si temeak atei ngen Si kenek dikup keledai, dikup anok keledai puai.”

MATIUS 25:21

‘Baes,’ nadeak tuan'o, ‘Ko adeba pelayan de baik ngen setia. Kerno ko dapet Uku pecayo ngen de didik, uku bakea pecayo dedau ngen ko. Masukba milem beriang-riang ngen uku!’

MATIUS 25:23

‘Baes,’ nadeak tuan'o, ‘Ko pelayan de baik ngen setia. Kerno ko dapet uku pecayo ngen de didik, uku bakea pecayo dedau ngenko. Masukba ngen milem beriang-riang ngen uku!’

MATIUS 25:40

Rajo'o bakea jemawab, ‘Namenba: Waktau udi menea hal'o sekilaipun ngen pasuak-Ku de tehino, berartai udi menea utuk-Ku!’

MATIUS 25:41

Lajau Rajo'o bakea madeak ngen tun-tun neak de peak kideu-Ne, ‘Lalauba kunei yo, jahanam! Masukba moi lem opoi de coa nam padem, de sudo sedio bagiak Iblis ngen malaikat-malaikatne.

MATIUS 27:37

Neak das ulau-Ne tobo'o masang tando getai Si nukum de isaine, “Dioba Yesus Rajo tun Yahudi”.

MATIUS 3:2

Si madeak, “Bertobatbah kunei duso-dusonu kerno Allah bakea segro meriteak sebagai Rajo!”

MATIUS 5:19

Kerno'o api de melanggea saleak do periteak-periteak'o sekilai kulo de kembiak titik ngen majea tun luyen utuk menea awei'o, si bakea jijai de kembiak titik neak antaro umat Allah. Tapi api de kemerjo priteak-priteak'o ngen majea tun luyen awei'o kulo, si bakea jijai lai neak antaro umat Allah.

MARKUS 10:17

Pado waktau Yesus temrus pemaneu-Ne, tekoba suang tun ngacap magea Yesus ngen samo sujud neak adep-Ne si betanye, “Gu'au de baik, jano de harus Uku menea utuk dapet idup de kekal?”

MARKUS 10:40

Tapi hal temot neak depeak kanen-Ku atau neak depeak kideu-Ku, Uku coa ade hok meleine. Do'o bakea nelei ngen tun-tun utuk api do'o bi seniap.”

LUKAS 11:28

Tapi Yesus jemawab, “Lebiak bahagia igai tun de temi'uk kecek Allah ngen maneune!”

LUKAS 11:50

Supayo kunei zaman yo tenutut daleak kute nebai de bi tupeak sejok dunio jenijai,

LUKAS 12:32

“Jibeakba saben, hoi udi jumlahnu titik! Kerno Bapanu bi senang melei udi Kerajaan o.

LUKAS 19:38

Nadeak tobo'o, “Berkatba Si de teko awei Rajo lem gen Tuhan! Damoi sejahtera neak surgo, ngen kemulio Allah neak penan De Kembiak Lekat!”

YOHANES 1:49

Nadeak Natanael ngen Si, “Rabi, Ko Anok Allah, Ko Rajo Tun Israel!”

YOHANES 12:13

Tobo'o mok dawen-dawen palem, lajau lalau semambut Si samo menggang, “Hosana! Tepujaiba Si de teko lem gen Tuhan, Rajo Israel!”

YOHANES 17:24

Au Bapa, Uku lok supayo, neak ipe bae Uku ade, tobo'o kulo ade sesamo ngen Uku, tobo'o de sudo Ko melei ngen-Ku, supayo tobo'o kemliak kemulio-Ku de sudo Ko melei ngen-Ku, sebab Ko bi mengasiak Uku ayok dunio jenijai.

YOHANES 19:15

Lajau menggangba tobo'o, “Nunuak Si! Nunuak Si! Senalib Si!” Nadeak Pilatus ngen tobo'o, “Arus uku semalib rajonu?” Jawab imem-imem kepalo, “Keme coa temuan rajo seluyen Kaisar!”

KISAH RASUL-RASUL 15:18

de sudo namen sejok semulo.’

KISAH RASUL-RASUL 3:26

Do'o sebabne Allah miliak Hambo-Ne, lajau meluak Si teko ngen udi lebiak dute, supayo Si berkat udi. Ca'one Si berkat adeba ngen menea pasuak-pasuak kute betobat kunei ca'o idupnu de kidek.”

ROMA 8:17

Ngen amen ite adeba anok, mako ite kulo adeba ahli waris, maksudne tun-tun de temuan hok temimo janjai-janjai Allah, de bakea temimone besamo-samo ngen Kristus, adeba amen ite saro besamo-samo ngen Si, supayo ite kulo jijai mulio besamo-samo ngen Si.

1 KORINTUS 15:50

Maksud uku, Saudaro-saudaro, adeba: awok de jenjai kunei daleak ngen daging, coa dapet masuk Dunio Blau Allah; ngen awok de dapet matei coa dapet jijai kekal.

1 KORINTUS 2:9

Sebelekne hal o adeba awei de tetulis lem Kiteb Sucai, “Jano de coa perneak kenliak atau teni'uk manusio, ngen coa perneak kulo timboa lem pekeran manusio, do'oba de seniap Allah utuk tun-tun de sayang ngen-Si.”

1 KORINTUS 6:9

Jano udi namen bahwo tun-tun de coa motoa kelok Allah, coa bakea jijai anggota umat Allah? Jibeak keno pike! Tun-tun de menea uleak kidek, tun-tun de nyembeak patung, de nga'em, semanei de menea perbuatan kidek de semelek te'adep sesamo jenisne ngen pasanganne,

GALATIA 5:21

dengki, bogoa mabuk, poya-poya ngen sebagaine. Te'adep kutene o uku minget udi – awei de sudo uku nea bel'o – bahwo api bae de menea hal-hal awei o coa bakea jijai anggota umat Allah.

EFESUS 5:5

Tingetba dio baik baik: tun de menea plep kidek, atau coa wajar, atau serakeak, taine nyembeak patung, tun o coa dapet jijai anggota umat Allah.

1 TESALONIKA 2:12

Keme melei nasihat ngen udi, keme melei semangat ngen udi, ngen keme pakso udi supayo idup awei o sehinggo semnang atei Allah. Kerno Allah bi menok udi utuk jijai warga Dunio Blau Allah ngen meding kemulioan-Ne.

2 TIMOTIUS 2:12

Amen ite tep tabah, ite bakea meriteak kulo besamo Si. Amen ite muker Si, Si kulo bakea muker ite.

2 TIMOTIUS 4:8

Uyo bi seniap utuk uku kemenangan. Pado Bilai Kiamat, Tuhan, Hakim de adea o bakea semreak hadiah o ngen uku, kerno uku idup baik ngen Allah. Ngen iso uku bae de bakea temimo hadiah o, tapi kulo tun de kembiak indau mbot tekone Tuhan.

IBRANI 1:14

Amen awei o, malaikat-malaikat o jano sebeneane? Tobo'o adeba roh-roh de melayan Allah, de neluak Allah utuk temulung tun-tun de bakea tenimo keselamatan.

IBRANI 11:16

Tapi nyatone, tobo'o indau debuak negrai de lebiak baik, negrai de neak surgo. Do'oba sebabne Allah coa selek amen tobo'o sembut Si Allah tobo'o, sebab Allah sudo sendio debuak kota utuk tobo'o.

IBRANI 4:3

Tapi ite de pecayo temimo istirahat de jenanjai Allah o. Do'o cocok ngen jano de nadeak Allah, awei yo, “Uku mengiak ngen supeak, ‘Tobo'o coa bakea masuk utuk dapet istirahat besamo Uku.’ ” Allah madeak awei o kunyau pekerjaan-Ne bi selsei sejak Si menea dunio yo.

IBRANI 9:26

Sebab amen awei o, do'o taine Si bi cet saro sejok dunio yo ade. Tapi nyatone, uyo pado zaman akhir yo, Si teko debat bae utuk mapus duso ngen melei dirai-Ne suang.

YAKOBUS 2:5

Ingetba, Saudaro-saudaro de tecito! Tun de peset neak dunio yo, niliak Allah utuk jijai tun de kayo lem imen. Tun-tun o bakea jijai anggota umat Allah awei de jenanjai Allah ngen tun de mengasihi-Ne.

1 PETRUS 1:9

Sebab tujuan imennu tercapei, adeba keselamatan jiwonu.

1 PETRUS 3:9

Jibeakba males kejahatan ngen kejahatan, atau caci maki ngen caci maki; sebelekne malesba ngen minoi berkat kunei Allah. Sebab Allah menok udi justru supayo udi temimo berkat kunei Allah.

WAHYU 13:8

Benatang o bakea senbeak kute tun de idup neak dunio, kecuali tun-tun de genne bi terdaftar ayok dunio ade, neak lem bukau tun idup milik Anok Bebirai de sudo sembeliak.

WAHYU 17:8

Benatang o bel'o perneak idup, tapi uyo bi matei. Si tegoa igai bakea keluea kunei jurang maut ngen bakea lalau moi kebinasaan. Tun-tun de idup neak bumai, de genne coa terdaftar lem Bukau Tun Idup ayok dunio ade bakea sele amen kemliak benatang o. Sebab benatang o perneak idup. Uyo si bi matei, tapi si bakea teko igai.

WAHYU 19:16

Neak jubah-Ne ngen neak balung-Ne tetulis do gen, “Rajo kute rajo, ngen Tuhan kute tuan.”

WAHYU 21:7

Tun-tun de menang bakea temimo kutene yo. Uku bakea jijai Allahne, ngen si jijai anok-Ku.

WAHYU 5:10

Ko bi jemijai tobo'o do bangsa khusus imem-imem, supayo tobo'o melayan Allah ite, ngen meriteak neak das bumai.”