MATIUS 25:21 - JANJAI BLAU Lem Bahaso Jang Bebilai

²¹ ‘Baes,’ nadeak tuan'o, ‘Ko adeba pelayan de baik ngen setia. Kerno ko dapet Uku pecayo ngen de didik, uku bakea pecayo dedau ngen ko. Masukba milem beriang-riang ngen uku!’

MATIUS 25:21 ပူးပေါင်းရင်းမြစ်များ

MATIUS 24:45

Nadeak Yesus igai, “Amen awei'o de ipe de setia ngen pacok? Siba de naket tuanne ijai pemipin pelayan-pelayan de luyen supayo si melei tobo'o kembuk pado waktaune.

MATIUS 24:47

Tuanne bakea cemayo kute hartone ngen pelayan'o.

MATIUS 25:23

‘Baes,’ nadeak tuan'o, ‘Ko pelayan de baik ngen setia. Kerno ko dapet uku pecayo ngen de didik, uku bakea pecayo dedau ngenko. Masukba ngen milem beriang-riang ngen uku!’

MATIUS 25:46

Lajau tun-tun'o bakea nukum ngen ukuman de baka, tapi tun-tun de menea kelok Allah bakea idup de baka.”

LUKAS 12:44

Uku madeak ngen udi: Sesungguakne tuanne o bakea maket si jijai pengawas kute hokne.

LUKAS 16:10

Api setia lem pekaro-pekaro titik, si setio kulo lem pekaro-pekaro lai. Ngen api coa benea lem pekaro-pekaro titik, si coa benea kulo lem pekaro-pekaro lai.

YOHANES 12:26

Api bae de mlayan Uku, si arus temotoa Uku, neak ipe Uku ade, neak di kulo pelayan-Ku ade. Api bae de mlayan Uku, si bakeane harmot Bak-Ku.

YOHANES 14:3

Amen Uku lalau moi di ngen bi semiyap penan utuknu. Uku bakea teko igai mbin udi moi penan-Ku, supayo neak penan Uku ade, udi kulo ade.

YOHANES 17:24

Au Bapa, Uku lok supayo, neak ipe bae Uku ade, tobo'o kulo ade sesamo ngen Uku, tobo'o de sudo Ko melei ngen-Ku, supayo tobo'o kemliak kemulio-Ku de sudo Ko melei ngen-Ku, sebab Ko bi mengasiak Uku ayok dunio jenijai.

ROMA 2:29

Tapi tun Yahudi sejati adeba tun de ateine berjiwa Yahudi, ngen sunat adeba sunat neak lem atei, seca'o rohani, iso de tetulis neak lem bukau. Tun de awei o temimo pujian kunei Allah, iso kunei manusio.

1 KORINTUS 4:5

Kerno o, jibeakba mukum ayok waktaune, mbotba sapei Tuhan teko be. Allahba de bakea mukok kute resio-resio de coa keten lem kegelapan. Allahba de bakea mukok kute niat de tependam lem atei manusio. Pado waktau o baruba tiep tun temimo kunei Allah de patas tenimone.

2 KORINTUS 10:18

Sebab iso tun de mujai dirai de taen cenubo, meluyen tun de nujai Tuhan.

2 KORINTUS 5:9

Kerno o keme berusaho sungguak-sungguak utuk semnang atei-Ne, baik waktau keme masiak ade neak umeak keme neak yo, atau neak di.

FILIFI 1:23

Uku desok kunei duai pihok. Uku lok nien teminggea dunio yo utuk lalau tinggea ngen Kristus, sebab do'oba de kebiak baik;

1 TIMOTIUS 3:13

Tun-tun de temulung ngen baik neak lem jemaat, tun bakea hormat ngen jijai tambeak binai miling tetang kepercayaan tobo'o ngen Kristus.

2 TIMOTIUS 2:12

Amen ite tep tabah, ite bakea meriteak kulo besamo Si. Amen ite muker Si, Si kulo bakea muker ite.

IBRANI 12:2

Kenlokba pandangan te tetujuak ngen Yesus, sebab Siba de mbangkit imen te ngen meliharo kunei muloi sapei sudo. Yesus taen saro neak kiyeu salib! Si cao pedulai bahwo matei neak kiyeu salib o adeba debuak hal de semelek. Si cuma inget akan kegembiraan de bakea de neding-Ne sesudo'o. Uyo si temot neak depeak kanen takhta Allah ngen meriteak besamo ngen Si.

WAHYU 2:10

Jibeakba saben te'adep penderitaan de coa an igai harus udi meding. Tinget, Iblis bakea embin kekedau kunei udi masuk lem sel utuk cemubo udi. Udi bakea saro puluak bilai an ne. Lokba udi setia ngen Uku sapei matei, mako Uku bakea melei ngen udi idup sejati ngen kekal sebagai hadiah kemenangan.

WAHYU 21:7

Tun-tun de menang bakea temimo kutene yo. Uku bakea jijai Allahne, ngen si jijai anok-Ku.

WAHYU 3:21

Tobo'o de menang, bakea Uku melei izin temot neak takhta-Ku besamo Uku, serai awei Uku suang bi menang ngen uyo temot besamo Bapa-Ku neak takhta-Ne.

WAHYU 7:17

sebab Anok Bebirai de temot neak tengeak-tengeak takhta o bakea jijai gembala tobo'o. Si bakea mi'ing tobo'o moi sumber bioa de melei kehidupan. Ngen Allah bakea mapus kute bioa matai kunei matai tobo'o.”