MATIUS 24:7 - JANJAI BLAU Lem Bahaso Jang Bebilai

⁷ Bangso de do bakea prang mlawen bangso de luyen, negara de do bakea semrang negara de luyen. Neak ipe-ipe bakea tejijai bahayo nyemen ngen gepo.

MATIUS 24:7 ပူးပေါင်းရင်းမြစ်များ

LUKAS 21:11

Ngen bakea tejijai gepo de lai ngen memecem penan bakea ade olon ngen kenyemen, ngen bakea tejijai kulo hal-hal de kemjut ngen tando-tando de luea biaso kunei lenget.

KISAH RASUL-RASUL 11:28

Saleak suang kunei tobo'o de genne Agabus idup igai ngen kuaso Roh si madeak bahwo kute dunio bakea jijai kenyemen lai. Hal'o tejijai pado zaman Klaudius.

KISAH RASUL-RASUL 2:19

Uku bakea menea mujizat-mujizat neak das neak lenget, ngen tando-tando neak beak, neak bumai; bakea ade daleak ngen opoi, uep ngen asep.

IBRANI 12:27

Kecek “debat igai” kemten bahwo kute dunio de sudo nea bakea gemuyang ngen senikia, supayo de tinggea cuma de coa dapet genuyang.

WAHYU 6:12

Lajau uku kemliak Anok Bebirai o mukok segel de kenum. Tejijaiba gepo lai, matai bilai jijai meleu awei kain meleu de kasar, ngen bulen jijai mileak awei daleak.

WAHYU 6:5

Lajau Anok Bebirai o mukok segel de ketelau. Ngen uku temi'uk makhluk de ketelau madeak, “Maro!” Uku kemliak, mako keten dikup kudo meleu. De ngembinne megong timbangan neak tangenne.

WAHYU 6:6

Ngen uku temi'uk awei ade sa'ei neak tengeak-tengeak kepat makhluk o madeak, “Deliter gendum de baik gone serai ngen upeak debilai, ngen telau liter gendum jenis luyen gone kulo serai ngen upeak debilai. Tapi jibeak musak pun-pun zaitun ngen anggur!”

WAHYU 6:8

Uku kemliak, lajau keten dikup kudo pucet. Gen de ngembinne adeba Maut ngen kerajaan maut notoane. Kuaso das seperapat kunei bumai yo senreak ngen tobo'o, supayo tobo'o dapet munuak liwet perang, liwet kelaparan, liwet wabah olon ngen liwet benatang-benatang buas.