MATIUS 24:43 - JANJAI BLAU Lem Bahaso Jang Bebilai

⁴³ Ingetba dio! Seandaine temuan umeak namen jam kedau neak bilai klemen maling bakea teko, si coa bakea tidua, supayo maling coa masuk moi lem umeakne.

MATIUS 24:43 ပူးပေါင်းရင်းမြစ်များ

MATIUS 14:25

Antaro jam telau ngen jam num petang, Yesus teko ngen tobo'o paneu neak das bioa.

MATIUS 20:11

Waktau temimo cacio, tobo'o gerunyam ngende temuan kebun:

MATIUS 24:42

Jijai, teateiba, sebab udi coa namen tengen Tuhannu bakea teko.

MATIUS 24:44

Sebab'o udi kulo mestai siap. Kerno Anok Manusio bakea teko pado saat de coa udi demugo.”

MATIUS 25:10

Lajau semulen bodong lalau temukuane, waktau tobo'o lalau tekoba pengaten semanei. Lemo semulen semiap lajau serpok ngen pengaten semanei moi penan pesta, lajau bang tekatup!

MATIUS 25:13

Lajau Yesus temutup perumpamo yo ngen madeak awei yo, “Kerno'o bejago-jagoba, kerno udi coa namen bilai ngen waktaune.”

MARKUS 13:35

Kerno'o bejago-jagoba, sebab udi coa namen tengen Tuan umeak'o belek, ayok kelemen, atau uak malem, atau kekabuk.

MARKUS 6:48

Waktau Si kemliak kebiak sarone tobo'o ngayuak kerno ibut lai mako kekiro jam telau kelmen Si teko ngen tobo'o paneu neak das bioa ngen Si lok melitas tobo'o.

LUKAS 12:38

Sungguak butungne pelayan-pelayan o amen tuan tobo'o kemliak tobo'o gidong siap mbot, kunyau si teko tengeak malem atau lebiak cendok kunei o!

LUKAS 12:39

Tapi namenba dio: Amen tuan umeak namen jam kedau risau bakea teko, si coa bakea munyau umeakne nukok.

LUKAS 21:36

Bejago-jagoba, ngen bedu'oba bogoa supayo udi kuet matasi kute hal de bakea tejijai ngen udi dapet madep Anok Manusio.”

WAHYU 16:15

“Teni'ukba! Uku teko awei maling! Riangba tun de siap ngen jemago keracokne, sehinggo si coa paneu ngen beleseng ngen jijai selek neak adep tun dau!”

WAHYU 3:3

Jijai, tingetba igai ngen jano de sudo najea ngen udi bel'o ngen jano de sudo udi teni'uk. Temotoaba do'o ngen tobatba kunei duso-duso udi. Amen udi coa kelongon, uku bakea teko ngen udi awei maling; ngen udi coa bakea namen tengen waktaune Uku teko.