MATIUS 24:42 - JANJAI BLAU Lem Bahaso Jang Bebilai

⁴² Jijai, teateiba, sebab udi coa namen tengen Tuhannu bakea teko.

MATIUS 24:42 ပူးပေါင်းရင်းမြစ်များ

MATIUS 24:36

“Coa gen de namen tengen bilaine yo ngen jamne, malaikat-malaikat neak surgo coa, ngen Anok Allah kulo coa, cuma Bak dewek de namen,

MATIUS 24:43

Ingetba dio! Seandaine temuan umeak namen jam kedau neak bilai klemen maling bakea teko, si coa bakea tidua, supayo maling coa masuk moi lem umeakne.

MATIUS 24:44

Sebab'o udi kulo mestai siap. Kerno Anok Manusio bakea teko pado saat de coa udi demugo.”

MATIUS 25:10

Lajau semulen bodong lalau temukuane, waktau tobo'o lalau tekoba pengaten semanei. Lemo semulen semiap lajau serpok ngen pengaten semanei moi penan pesta, lajau bang tekatup!

MATIUS 25:13

Lajau Yesus temutup perumpamo yo ngen madeak awei yo, “Kerno'o bejago-jagoba, kerno udi coa namen bilai ngen waktaune.”

LUKAS 21:34

“Jagoba dirainu, jibeak sapei udi kembiak sibuk bepesta ngen mabuk menem, atau kembiak meker soal-soal idupnu, sehinggo udi coa siap ketiko bilai o teko ngen tetibo.

LUKAS 21:36

Bejago-jagoba, ngen bedu'oba bogoa supayo udi kuet matasi kute hal de bakea tejijai ngen udi dapet madep Anok Manusio.”

ROMA 13:11

Hal yo harus udi nea, kerno udi namen keadaan waktau uyo, adeba bahwo saatne bi sapei utuk udi jagai kunei tidua. Sebab uyo keselamatan bi lebiak pa'ok utuk ite kunei pado waktau ite jijai pecayo.

1 KORINTUS 16:13

Lokba udi waspada ngen teguak lem idupnu sebagai tun Kristen. Betindakba seca'o binai ngen jijaiba kuet.

1 TESALONIKA 5:6

Sebab o ite coa buliak tidua bae awei tun luyen. Ite harus waspada ngen pekeran te harus te'ang.

1 PETRUS 4:7

Kute sesuaktau sudo pa'ok kesudahanne, sebab o lokba udi kemuaso dirai ngen waspada, supayo udi dapet bedu'o.

1 PETRUS 5:8

Lokba udi waspada ngen bejago-jago! Sebab Iblis adeba musuaknu. Si awei singo paneu moi mindi mindoi samo mgemem mesoa upanne.

WAHYU 16:15

“Teni'ukba! Uku teko awei maling! Riangba tun de siap ngen jemago keracokne, sehinggo si coa paneu ngen beleseng ngen jijai selek neak adep tun dau!”