MATIUS 24:24 - JANJAI BLAU Lem Bahaso Jang Bebilai

²⁴ Sebab bakea timboa tun-tun de senlamat de palsu ngen nebai-nebai palsu. Tobo'o bakea made plep-plep de luea biaso ngen mujizat-mujizat utuk mike amen mukin umat Allah kulo.

MATIUS 24:24 ပူးပေါင်းရင်းမြစ်များ

MATIUS 22:14

Lajau Yesus semudo perumpamo'o awei yo, “Dau tun de nanggea, tapi didik bae de niliak.”

MATIUS 24:11

Dau nebai-nebai palsu bakea timboa ngen mike dau tun.

MATIUS 24:22

Sekirone Allah coa semiket waktaune; mako coa ade suang kulo de selamat. Tapi kerno umat-Ne, Allah semiket maso'o.

MATIUS 24:25

Jijai, ingetba! Uku sudo melei namen ngen udi telebiak kileak ayok hal'o tejijai.

MATIUS 24:31

Trupet lai bakea sena'ei, ngen Anok Manusio bakea mluak malaikat-malaikat-Ne kemopoa umatne kunei kepat sudut bumai, kunei ujung lenget dedo sapei ujung lenget de luyen.”

MATIUS 24:5

Sebab dau tun bakea teko ngen makei gen-Ku ngen madeak, ‘Ukuba Rajo Penyelamat!’ Tobo'o bakea mike dau tun.

MATIUS 7:15

“Atei-ateiba ngen nebai-nebai palsu. Tobo'o teko ngen udi awei domba, tapi tobo'o sebeneane awei srigala de teko utuk semrang udi.

MARKUS 13:22

Sebab Rajo-rajo Penyelamat palsu ngen nebai-nebai palsu bakea timboa ngen tobo'o bakea menea tando-tando, mujizat-mujizat ngen maksud, sekirone mukin, mike tun-tun pilihan.

LUKAS 18:7

Allah paset bakea mbenea tun-tun piliak-Ne de kebilai kelmen minoi ngen Si! Si paset coa mulua utuk temulung tobo'o!

YOHANES 4:48

Nadeak Yesus ngen si, “Amen udi coa kemleak tando ngen mujizat, udi coa pecayo.”

YOHANES 6:37

Kute de bi melei Bapa ngen Uku bakea teko ngen Uku, ngen api bae de teko ngen Uku, si coa bakea Uku muang.

YOHANES 6:39

Dioba kelok Si de sudo mutus Uku: adeba supayo kunai kute de sudo neleine ngen Uku jibeak ade de nyep, tapi supayo Uku midup igai pado Bilai Kiamat.

KISAH RASUL-RASUL 20:16

Paulus bi temtep utuk coa singgeak neak Efesus, supayo jibeak muang waktau neak daerah Asia. Sedapet mukin si lok gacang sapei neak Yerusalem pado bilai rayo Pentakosta.

ROMA 12:18

Sedapet-dapetne, amen hal o tegatung ngen udi, idupba lem damoi ngen kute tun!

GALATIA 4:15

Udi kebiak riang pado waktau o! Tapi uyo, neak ipe keriangnu o? Uku namen bahwo pado waktau o udi rela cemukea matainu suang utuk meleine ngen uku, amen do'o dapet nea.

2 TIMOTIUS 2:19

Tapi dasar de mpek Allah o coa dapet nunyak. Neak dasne tetulis dio, “Tuhan namen tun-tun de temuan-Ne”, ngen “Tun de madeak bahwo si de Tuhan temuan, tun o harus bedan menea de saleak”.

1 PETRUS 1:5

Kutene o adeba utuknu, kerno udi pecayo ngen Allah. Mako udi jenago ngen kuaso Allah supayo udi temimo keselamatan de siap dinyatakan pado akhir zaman.

2 PETRUS 3:17

Tapi udi, saudaro-saudaro de tecito, bi namen tetang hal o. Sebab o, teateiba, jibeak sapei udi tekembin moi lem kesesatan tun-tun jahat sehinggo udi us kunei penan pelatnu de kuet.

1 YOHANES 2:18

Anok-anokku, kiamat bi pa'ok! Sudo nelei namen ngen udi ayokne bahwo musuak Kristus bakea teko; ngen uyo bi teko dau tun de musuak ngen Kristus. Do'o tandone bahwo kiamat bi pa'ok.

1 YOHANES 2:22

De berdusta adeba tun de madeak bahwo Yesus iso Rajo Penyelamat de jenanjai Allah. Tun o musuak Kristus; si coa makau Bapa atau Anok.

1 YOHANES 5:18

Ite namen bahwo kute tun de sudo jijai anok-anok Allah, coa bogoa menea duso, sebab Anok Allah semlamatne, ngen de jahat coa dapet menea jejano teadepne.

WAHYU 19:20

Mako benatang o takep besamo-samo ngen nebai palsu de sudo menea keajaiban-keajaiban neak adep benatang o. (Ngen keajaiban-keajaiban o ba benatang o mikea tun-tun de temuan tando benatang o, ngen tun-tun de nyembeak patung benatang o.) Lajau benatang o ngen nebai palsu o nuang idup-idup moi lem lautan opoi ngen bli'ang.