MATIUS 24:22 - JANJAI BLAU Lem Bahaso Jang Bebilai

²² Sekirone Allah coa semiket waktaune; mako coa ade suang kulo de selamat. Tapi kerno umat-Ne, Allah semiket maso'o.

MATIUS 24:22 ပူးပေါင်းရင်းမြစ်များ

MATIUS 22:14

Lajau Yesus semudo perumpamo'o awei yo, “Dau tun de nanggea, tapi didik bae de niliak.”

MATIUS 24:24

Sebab bakea timboa tun-tun de senlamat de palsu ngen nebai-nebai palsu. Tobo'o bakea made plep-plep de luea biaso ngen mujizat-mujizat utuk mike amen mukin umat Allah kulo.

MATIUS 24:31

Trupet lai bakea sena'ei, ngen Anok Manusio bakea mluak malaikat-malaikat-Ne kemopoa umatne kunei kepat sudut bumai, kunei ujung lenget dedo sapei ujung lenget de luyen.”

MARKUS 13:20

Sekirone Tuhan coa gemacang waktaune, mako coa suang tun bakea senlamat; tapi kerno tun-tun piliak de sudo niliak-Ne, Tuhan gemacang waktaune.

LUKAS 18:7

Allah paset bakea mbenea tun-tun piliak-Ne de kebilai kelmen minoi ngen Si! Si paset coa mulua utuk temulung tobo'o!

ROMA 9:11

Sebab waktau anok-anok o ati laher ngen ati menea de baik atau kidek, – supayo rencano Allah tetang pemilihan-Ne diteguhkan, iso kerno plep tapi kerno panggilan-Ne –

2 TIMOTIUS 2:10

Do'oba sebabne uku sabar temanggung kutene o demi kepentingan tun-tun de sudo niliak Allah, supayo tobo'o kulo dapet keselamatan de nelei liwet Kristus Yesus, ngen kemulioan de kekal.

1 PETRUS 1:1

Saudaro-saudaro umat pilihan Allah, de teseba neak ratau neak daera Pontus, Galatia, Kapadokia, Asia, ngen Bitinia! Uku, Petrus, rasul Yesus Kristus, maʼep semoga Allah melei berkat, sejahtera ngen udi berlimpah-limpah. Udi niliak jijai umat Allah sesuoi ngen rencano Allah Bapa. Roh Allah bi jemijai udi umat de sucai, khusus utuk Allah, supayo udi taat ngen Yesus Kristus, senucai ngen daleak-Ne.