MATIUS 24:14 - JANJAI BLAU Lem Bahaso Jang Bebilai

¹⁴ Ngen Bito Baik tetang kero Allah meriteak bakea ke nabar moi kute dunio supayo kute tun temi'ukne. Sesudo'o kiamat teko.”

MATIUS 24:14 ပူးပေါင်းရင်းမြစ်များ

MATIUS 10:7

Melei namen ngen tobo'o bahwo Allah mriteak awei Rajo.

MATIUS 18:19

Udi perlu namen kulo Uku madeak ngen ko igai: Amen neak antaro udi neak dunio yo, duai tun sepakat tetang jano bae ngen de mu'one, kinoi do'o bakea knabul ngen Bak-Ku neak lem surgo.

MATIUS 24:3

Sudo'o Yesus temot lalau moi Tebo Zaitun, gidong Si temot, penotoa-penotoa-Ne teko utuk miling ngen Si seca'o pribadi. “Nadeakba ngen keme, tengen kutene'o bakea tejijai,” madeak tobo'o ngen-Si. “Jano tando-tando de temunjuk teko Bak ngen akhir zaman?”

MATIUS 24:6

Udi bakea temi'uk sa'ei-sa'ei ngen kabar prang, tapi jibeak saben. Sebab hal'o mestai tejijai, tapi'o coa beartei sudo waktaune kiamat.

MATIUS 4:23

Yesus lalau moi kute penan neak daerah Galilea. Si ngajea tun dau tetang Allah de bakea mriteak ngen-Si kulo kemaen tun-tun kunei olonne ngen cacet.

MATIUS 9:35

Yesus kliling kunei do kota moi kota de luyen kunei do sadei moi sadei de luyen. Si ngajea lem umeak-umeak semyang, ngen semiar Bito Baik tetang awei ipe Allah mriteak awei Rajo. Si kema'en tun-tun de saro ngen kute olon ngen cacet.

MARKUS 13:10

Tapi Bito Baik harus melei namen kileak ngen kute bangso.

LUKAS 2:1

Pado waktau o Kaisar Agustus kemluea do periteak, meluak sensus kute tun neak dunio.

LUKAS 24:47

Ngen igai: Lem gen-Mesias bito tetang betobat ngen ngapun duso arus senapei ngen kute bangso, muloi kunei Yerusalem.

LUKAS 4:5

Sesudo'o Iblis mbin Yesus moi penan de lekat ngen dekejeb matai Iblis kemten ngen Yesus kute kerajaan dunio.

KISAH RASUL-RASUL 1:2

sapei waktau bilai Si naket moi Surgo. Ayok o Si bi melei periteak-Ne liwet Roh Sucai ngen rasul-rasul de miliak-Ne.

KISAH RASUL-RASUL 11:28

Saleak suang kunei tobo'o de genne Agabus idup igai ngen kuaso Roh si madeak bahwo kute dunio bakea jijai kenyemen lai. Hal'o tejijai pado zaman Klaudius.

KISAH RASUL-RASUL 17:31

Kerno Si bi tem'tep suaktau bilai ketiko Si ngen Adea makim dunio ngen suang tun de sudo tentau-Ne, sesudo Si melei ngen kute tun suaktau jaminan tetang hal o ngen midup Si kunei antaro tun matei.”

KISAH RASUL-RASUL 17:6

Tapi ketiko tobo'o coa temau Paulus ngen Silas, tobo'o seme'et Yason ngen kekedau tun pecayo luyen moi adep pejabat-pejabat kota, samo menggang, “Tun-tun de macau kute denio bi teko kulo miyo,

KISAH RASUL-RASUL 19:27

Awei yo iso bae usaho ite bakea nino tun, tapi kulo umeak Dewi Artemis, Dewi lai'o, bakea nyep taine. Iso cuma do'o, Artemis suang, de senbeak kute Asia ngen kute dunio de beradap, bakea nyep kebesaranne.”

KISAH RASUL-RASUL 20:25

Uku bi magea udi kutene ngen bi melei namen kulo tetang awei ipe Allah meriteak sebagoi Rajo. Uyo uku meding coa bakea temau igai ngen udi.

ROMA 10:18

Tapi uku betanye: Jano tobo'o coa temi'ukne? Memang tobo'o bi temi'ukne: “Sa'ei tobo'o sapei moi kute dunio, ngen kecek tobo'o sapei moi ujung bumai.”

KOLOSE 1:23

Sebab o udi harus tep setia pecayo ngen kepercayaannu. Jibeak sapei udi muang harapan de sudo nelei ngen udi ketiko udi temimo Bito Baik kunei Allah. Bito o bi nelei namen ngen kute tun neak kute dunio. Ngen utuk do'oba kulo uku, Paulus, bi jijai pelayan.

KOLOSE 1:6

Bito kunei Allah o tesebea moi kute dunio, ngen tun-tun te'us diberkati bito o, serai awei udi diberkati sejok udi temi'uk tetang rahmat Allah ngen sebeneane.

IBRANI 1:6

Tapi pado waktau Allah mutus Anok tuai-Ne moi dunio yo, Allah madeak awei yo, “Kute malaikat Allah wajib nyembeak Anok o.”

IBRANI 2:5

Malaikat-malaikat coa dapet kuaso kunei Allah utuk meriteak dunio de gidong ite madeak yo.

WAHYU 14:6

Lajau uku kemliak suang malaikat luyen de tebang lekat neak lenget. Malaikat o mbin bito tetang Bito Baik de abadi utuk senapei ngen manusio neak bumai adeba ngen kute bangsa, suku, bahaso ngen negara.

WAHYU 16:14

Tobo'o adeba roh-roh jahat de menea keajaiban-keajaiban. Ketelau roh o lalau magea kute rajo neak kute dunio ngen kemopoa tobo'o utuk tepua pado Bilai lai, adeba Bilai kunei Allah Mahakuaso.

WAHYU 3:10

Kerno udi bi kemerjo periteak-Ku supayo tekun, Uku kulo bakea jemago udi kunei bilai pencobaan de bakea teko moi kute dunio. Hal o bakea tejijai utuk cemubo kute tun neak bumai.