MATIUS 23:8 - JANJAI BLAU Lem Bahaso Jang Bebilai

⁸ Tapi udi, jibeak lok endeu pak gu'au, kerno cuma ade do gu'aunu ngen udi kutene adeba pasuak.

MATIUS 23:8 ပူးပေါင်းရင်းမြစ်များ

MATIUS 10:25

Bi cukup amen suang murid jijai awei gu'aune, ngen suang pelayan awei tuanne. Amen kepalo keluarga senbut Beelzebul jano igai seisai umeakne. Tobo'o bakea dapet gen de kembiak kidek igai!”

MATIUS 17:5

Waktau Petrus gidong miling embun de kembiak te'ang kemliling tobo'o ngen kunei embun'o teti'uk sa'ei de madeak, “Dioba Anok-Ku de Ku kemasiak, Si semnang atei-Ku. Teniukba Si!”

MATIUS 23:10

Jibeakba udi lok endeu pemipin, kerno ade do pemipinnu, adeba Rajo Penyelamat de jenijai ngen Allah.

MATIUS 23:7

Tobo'o senang nehormat tun-tun neak pasar ngen lok de nok pak gu'au.

MATIUS 26:25

Yudas, de lok semreak Yesus'o jemawab, nadeak-Ne, “Iso uku, au gu'au?” Yesus jemawab, “Awei'oba nadeakne!”

MATIUS 26:49

Waktau sapei neak di Yudas lajau lalau ngen Yesus ngen madeak, “Salam gu'au!” Lajau si semiyum Yesus.

MARKUS 10:51

Tanye Yesus ngen si, “Jano de ko kemlok supayo Uku menea utuk nu?” Jawab tun sutai'o, “Rabuni, supayo uku dapet ngeliak!”

MARKUS 11:21

Mako tingetba Petrus ngen jano de sudo tejijai, lajau si madeak ngen Yesus, “Gu'au, keliakba, pun ara de Ko senupeak'o sudo ke'ing.”

MARKUS 14:45

Ketiko si sapei neak di si lajau ma'ok Yesus ngen madeak, “Rabi,” lajau senium Si.

MARKUS 9:5

Nadeak Petrus ngen Yesus, “Gu'au, alangkah baikne ite berade neak penan yo. Kunyauba keme temgok telau kema, do utuk ko, do utuk musa ngen do utuk Elia.”

LUKAS 22:32

Tapi Uku bi bedu'o utuknu, supayo imennu jibeak lemuak. Ngen udi, amen ko sudo insaf, kenuetba pasuak-pasuaknu.”

YOHANES 1:38

Yesus kemliak moi belakang. Si kemliak, bahwo tobo'o temotoa Si lajau madeak ngen tobo'o. Yesus betanye “Jano de udi mesoa?” Jawab tobo'o, “Rabi (Tai ne: Gu'au), neak ipe Ko tinggea?”

YOHANES 1:49

Nadeak Natanael ngen Si, “Rabi, Ko Anok Allah, Ko Rajo Tun Israel!”

YOHANES 11:8

Penotoa-penotoa o madeak ngen Si, “Rabi, tembei yo ba tun-tun Yahudi cemubo meluk Ko, masiak lok Ko belek moi mindi?”

YOHANES 20:16

Nadeak Yesus ngen si, “Maria!” Maria jemling ngen madeak ngen-Si lem bahaso Ibrani, “Rabuni!” (Taine “Gu'au”.)

YOHANES 3:2

Si teko pado waktau kelemen ngen Yesus ngen madea, “Rabi, keme namen, bahwo Ko teko sebagoi gu'au de nutus Allah; sebab coa ade suang tun de dapet menea mujizat-mujizat de Ko nea'o, amen Allah coa semertonu.”

YOHANES 3:26

Lajau tobo'o teko ngen Yohanes ngen madeak, “Rabi, tun de besamo-samo ngen Ko neak dipoa Bioa Yordan, uyo gidong membaptis. Ko kulo melei saksai tetang tun'o. Uyo kute tun teko ngen-Si.”

YOHANES 4:31

Sementaro penotoa-penotoa-Ne majok Si, nadeakne, “Rabi, mbukba!”

YOHANES 6:25

Ketiko tun dau temau Yesus neak dipoa laut o, tobo'o madeak ngen Yesus, “Rabi, tengen Ko sapei neak yo?”

YOHANES 9:2

Penotoa-penotoa-Ne betanye ngen Si, “Rabi, api de menea duso, tun yo suang jano tun tuaine, sehinggo si laher sutai?”

2 KORINTUS 1:24

Uku coa makso udi tetang jano de udi harus pecayo, sebab udi bi kembiak pecayo ngen Kristus. Uku cuma kerjosamo ngen udi supayo udi tambeak bahagia.

2 KORINTUS 4:5

Bito de keme semapei o isoba bito tetang dirai keme suang. Bito o adeba bito tetang Yesus Kristus; bahwo Si adeba Tuhan; ngen keme adeba hamba-hambanu kerno Si.

EFESUS 3:15

Kunei Siba tiep keluargo neak surgo ngen neak bumai temimo gen-Ne.

FILEMON 1:16

Uyo si iso cuma suang hamba utuk saudaro; si lebiak kunei o. Si adeba sesamo tun Kristen de tecito. Si beguno sekilai utuk ku, jano igai utuknu! Paset si beguno sekilai baik sebagai hamba atau sebagai saudaro neak lem Tuhan!

YAKOBUS 3:1

Saudaro-saudaro! Jibeakba dau tun kunei udi de lok jijai guau. Udi namen ite de jijai guau bakea hukum temurut ukuran de lebiak benek kunei tun luyen.

1 PETRUS 5:3

Jibeakba betindak sebagai penguaso teadep tobo'o de dipercayakan ngenko, tapi jijaiba teladan utuk tobo'o.

WAHYU 1:9

Uku Yohanes, saudaro udi de senasib ngen udi lem saro de nding tiep penotoa Kristus. Ite tabah saro sebagai umat-Ne. Uku nuang moi Pulau Patmes kerno uku melei namen pesan kunei Allah, de kenuet Yesus liwet saksai-Ne.

WAHYU 19:10

Uku tukup neak adep malaikat o lok nyembeakne, tapi si madeak ngen uku, “Jibeak! Jibeak nyembeak uku, sembeakba Allah! Sebab uku kulo hamba serai awei ko ngen awei kute saudaronu de bepegong teguh ngen saksai Yesus!” Sebab saksai Yesus do'oba de jijai menea tun-tun de bernubuat.

WAHYU 22:9

tapi si madeak ngen uku, “Jibeak! Jibeak nyembeak uku! Senbeakba Allah! Sebab uku kulo hamba awei udi, ngen awei saudaro-saudaronu paro nebai ngen kute tun de taat ngen pesen-pesen lem kiteb yo!”