MATIUS 22:5 - JANJAI BLAU Lem Bahaso Jang Bebilai

⁵ Tapi tamu-tamu de nundang'o, coa miraune. Tobo'o lalau moi penan kerjone dewek-dewek; di kup moi kebunne de luyen murus usahone;

MATIUS 22:5 ပူးပေါင်းရင်းမြစ်များ

MATIUS 13:22

Biniak de cucia neak tengeak-tengeak belukea tebok awei tun-tun de temi'uk kabar'o, tapi renyeng tetang idup tobo'o ngen lok idup mewah. Kerno'o kabar kunei Allah tipit neak lem atei tobo'o sehinggo coa bebueak.

MATIUS 22:4

Sesudo'o rajo mutus igai pelayan-pelayan de luyen. Nadeakne ngen tobo'o: ‘Mlei namen ngen tun de nundang'o: Hidangan pesta bi seniap, kunei sapai, ngen anok-anok sapaiku de kembiak ba'es sudo sembeliak. Kutene teko bi siap maro moi pesta nikeak yo!’

MATIUS 22:6

ngen de luyen igai temakep pelayan-pelayan rajo'o, lajau mokoa ngen munuak tobo'o.

YOHANES 2:16

Yesus madeak ngen pedagang-pedagang burung daro'o, “Mok kutene yo kunei piyo. Jibeak udi menea Umeak Bapa-Ku ijai penan jagea!”

KISAH RASUL-RASUL 2:13

Tapi de luyen semindir, “Tobo'o gidong mabuk anggur mis.”

KISAH RASUL-RASUL 24:25

Tapi ketiko Paulus miling tetang kebenea, taen nafsu ngen tetang ukuman pado Bilai Kiamat, Feliks jijai saben, si madeak, “Cukupba kileak ngen lalauba uyo; amen ade kesepatan baik, uku bakea menok ko.”

ROMA 2:4

Jano ko lok manggap mudeak kekayaan kemurahan-Ne, kesabaran-Ne ngen kelapangan atei-Ne? Jano udi coa namen, bahwo maksud kemurahan Allah adeba menea udi jijai tobat?

ROMA 8:6

Kerno kelok tabi'at manusio adeba maut, tapi kelok Roh Allah adeba idup ngen damoi sejahtera.

2 TIMOTIUS 3:4

Tobo'o galok berhianat, ombong ngen coa peker panjang. Tobo'o lebiak galok temotoa hawo nafsu kunei pado temotoa Allah.

IBRANI 2:3

Jano igai ngen keselamatan de lebiak lai kunei pesen-pesen o! Amen ite coa melei perhatian teadep keselamatan o, paset ite coa bakea bebas kunei hukuman. Sebab Tuhan suangba de pertamo sekilai melei namen keselamatan o, tun-tun de dute temi'ukne bi melei bukti kebenaranne ngen ite.

2 PETRUS 2:3

Kerno serakahne gu'au-gu'au palsu o bakea beusaho mesoa utung kunei ko ngen nandei-nandei tobo'o. Tapi utuk plep tobo'o o ukuman bi an tesedio ngen kebinasaan coa bakea buye.