MATIUS 22:31 - JANJAI BLAU Lem Bahaso Jang Bebilai

³¹ Jano udi ati perneak mbaco jano de Allah nadeak tetang tun matei de nidup igai? Allah madeak,

MATIUS 22:31 ပူးပေါင်းရင်းမြစ်များ

MATIUS 12:3

Yesus jemawab'o, “Ati perneak udi mbaco tetang jano de menea Daud waktau si ngen tun-tunne nyemen?

MATIUS 12:7

Lem Kiteb Ade tenulis: Uku kenlok raso ibo iso kurban binatang. Amen sekirone udi benea-benea ngertai Firman'o, sahe udi coa bakea semaleak tun-tun de coa besaleak.

MATIUS 21:16

Tobo'o madeak ngen Yesus, “Ko temi'uk jano de nadeak tobo'o?” “Au, Uku temi'uk,” Yesus jemawab. “Jano udi ati perneak mbaco lem kiteb yo: ‘Anok-anok ngen cupik ko bi majea pujian de sepurno’?”

MATIUS 21:42

Mako Yesus madeak ngen tobo'o, “Jano udi ati perneak mbaco neak lem kiteb? ‘Butau de coa nakei oleh tukang bangunan sudo jijai butau de kembiak peting. Tuhanba dioba de nea padeak kebaesne!’ ”

MATIUS 22:30

Sebab amen tun matei idup igai, tobo'o coa bakea nikeak igai luyen, tobo'o bakea idup awei malaikat neak surgo.

MATIUS 22:32

‘Ukuba Allah Abraham, Allah Ishak ngen Allah Yakub.’ Allah'o coa Allah tun matei. Si Allah tun idup!”

MATIUS 9:13

Senlidikba jano tai ayat lem Kiteb Ade senbut: ‘Uku kemlok atei de baik, ngen coa kurban binatang’. Sebab Uku teko coa utuk menok tun de bi baik meluyen tun de nanggep hino.”