MATIUS 22:3 - JANJAI BLAU Lem Bahaso Jang Bebilai

³ Rajo'o mluak pelayan-pelayanne lalau mapet tun-tun de nundang moi pesta'o. Tapi tobo'o coa lok teko.

MATIUS 22:3 ပူးပေါင်းရင်းမြစ်များ

MATIUS 21:34

Waktau sudo sapei musim panen anggur, tun temuan kebun'o kemirim pelayan-pelayanne ngen pekerjo-pekerjo kebun'o utuk temimo bagiakne.

MATIUS 23:37

“Yerusalem, Yerusalem! Nebai-nebai ko munuak. Tun-tun de nutus Allah ko meluk ngen butau sapei matei. Sudo kedau kilai Uku lok melungguk kute rakyatnu awei indok monok mlindung anok-anokne neak beak sayepne, tapi ko coa lok.

MATIUS 3:2

Si madeak, “Bertobatbah kunei duso-dusonu kerno Allah bakea segro meriteak sebagai Rajo!”

MATIUS 9:15

Yesus jemawab, “Kero pendapet udi? Nam coa! Tamu-tamu neak pesta nikeak besedi atei amen pengaten semanei besamo tobo'o? Sahe coa! Tapi bakea teko waktaune penganten semanei nemok kunei tobo'o. Waktau'oba tobo'o puaso.

LUKAS 13:34

Yerusalem, Yerusalem, udi de munuak nebai-nebai ngen meluk ngen butau tun-tun de nutus ngen udi! Belulang Uku indau kemopoa anok-anoknu, serai awei indok monok kemopoa anok-anokne neak beak sayepne, tapi udi coa lok.

LUKAS 15:28

Mako mengiakba anok tuai o ngen si coa lok masuk. Lajau bakne keluea ngen miling ngen si.

LUKAS 19:27

Bakea tapi kute musuakku yo, de coa senang uku jijai rajone, mbinba tobo'o moi miyo ngen nunuakba tobo'o neak adep mataiku!’ ”

YOHANES 5:40

Ko coa lok teko ngen Uku utuk dapet idup o.

KISAH RASUL-RASUL 13:45

Tapi waktau tun Yahudi kemliak tun dau'o, penuakba tobo'o ngen kidek atei samo mino, tobo'o bateak jano de nadeak Paulus.

ROMA 10:21

Tapi tetang Israel Yesaya madeak, “Sepanjang bilai Uku bi mulua tangen-Ku ngen bangso de coa taat ngen de membantah.”

IBRANI 12:25

Kerno o, teateiba jibeak sapei udi coa lok temi'uk Si de miling o. Tobo'o de coa lok temi'uk Si de teko moi bumai ngen semapei bito kunei Allah, coa nam lalau. Jano igai ite yo de temi'uk Si de miling kunei surgo! Amin ite coa lok temi'uk-Ne, coa mukin ite dapet bebas!

IBRANI 9:15

Do'oba sebabne Kristus jijai Pengantara utuk suaktau janjai de blau, supayo tun de sudo nok Allah dapet temimo berkat-berkat kekal de sudo jenanjai Allah. Kutene o dapet tejijai kerno bi ade de matei, adeba Kristus; ngen mateine Kristus o mbebas tun kunei saleak-saleak de tobo'o nea waktau janjai de pertamo masiak berlaku.

WAHYU 22:17

Roh Allah ngen Pengaten Selawei madeak, “Maroba!” Tiep tun de temi'uk dio harus kulo madeak, “Maroba!” Api de haus, lokba si teko! Ngen api de kemlok, lokba si mok bioa de melei kehidupan o ngen cuma-cuma.