MATIUS 22:21 - JANJAI BLAU Lem Bahaso Jang Bebilai

²¹ “Rajo,” tobo'o jemawab. Mako Yesus madeak ngen tobo'o, “Amen awei'o nleiba ngen rajo jano de jijai hok Rajo, ngen jano de hok Allah.”

MATIUS 22:21 ပူးပေါင်းရင်းမြစ်များ

MATIUS 22:20

Yesus betanye ngen tobo'o, “Gambar ngen gen api dio?”

MATIUS 22:37

Yesus jemawab, “Cintoba Tuhan Allahnu ngen sepenuak ateinu, ngen segenep jiwonu, ngen kute akeanu.

MATIUS 4:10

Lajau Yesus jemawab, “Lalauba ko, Iblis! Kerno neak lem Kiteb Ade tetulis awei yo: Sembeakba Tuhan Allah ngen layanba Si bae!”

MARKUS 12:17

Lajau nadeak Yesus ngen tobo'o, “Neleiba ngen Kaisar jano de wajib udi melei ngen Kaisar, ngen Allah jano de wajib udi melei ngen Allah!” Tobo'o kembiak sele temi'uk Si.

LUKAS 20:25

Lajau nadeak Yesus ngen tobo'o, “Amen awei'o, neleiba ngen Kaisar jano de wajib ko melei ngen Kaisar, ngen Allah jano de wajib ko melei ngen Allah!”

LUKAS 23:2

Neak di tobo'o muloi temuduak Si, nadeakne, “Bi dapet ngen keme, bahwo tun yo de limau bangso keme, ngen temgeak masen pajak ngen Kaisar, ngen tetang dirai-Ne Si madeak, bahwo Si adeba Kristus, adeba Rajo.”

KISAH RASUL-RASUL 4:19

Tapi Petrus ngen Yohanes jemawab, “Pekerba suang jano de benea neak adep Allah: taat ngen periteak Tuan-tuan jano periteak Allah.

KISAH RASUL-RASUL 5:29

Petrus ngen rasul-rasul de luyenne jemawab, “Keme arus temotoa Allah, iso temotoa manusio.

ROMA 13:7

Nasenba ngen kute tun jano de harus udi masen: pajak ngen tun de temuan hok temimo pajak, nasenba cukai ngen tun de temuan hok temimo cukai; asai saben ngen tun de berhok temimo asai saben ngen hormat ngen tun de berhok temimo hormat.