MATIUS 22:13 - JANJAI BLAU Lem Bahaso Jang Bebilai

¹³ Lajau rajo'o madeak ngen pelayan-pelayanne, ‘Neket kekea ngen tangen tun yo, ngen nuang si moi luea moi penan de kelem. Neak di bakea ade indoi ngen saro.’ ”

MATIUS 22:13 ပူးပေါင်းရင်းမြစ်များ

MATIUS 12:29

Awei ipe tun nam masuk lem umeak tun de kuet ngen mbut hartone, amen coa neket kileak tun kuet'o? Sesudo neketne Si nam mbut hartone.

MATIUS 13:30

Kunyauba lalang'o temuak besamo-samo sapei waktau panen. Be uku bakea madeak ngen tun-tun de menea: Melungguk kileak lalangne neket, lajau nemben. Sesudo'o kenopoa gendumne, lajau naik neak lem tuoa?’ ”

MATIUS 13:42

Tobo'o kute bakea nuang moi lem tukau be opoi de kembiak panes; neak di tobo'o bakea ngindoi ngen derito.

MATIUS 13:50

Sudo tun-tun jahat'o nuang moi lem tukau bopoi. Neak di ba tobo'o bakea ngindoi ngen derito.”

MATIUS 24:51

Mako pelayan-pelayan'o bakea mipai ngen tuanne, kunei tuanne, moi penan tun-tun munafik. Tobo'o bakea ngindoi ngen derito neak di.”

MATIUS 25:30

Pelayan yo coa beguno! Sene'et si ngen nuang lem kelem neak luea. Neak di si bakea ngindoi ngen sengsaro!’ ”

MATIUS 8:12

Padahal tun-tun de seharusne ijai umat Allah'o bakea muang moi penan gelep neak luea. Neak di tobo'o bakea ngin doi ngen saro.”

LUKAS 13:28

Pado waktau udi kemliak Abraham, Ishak ngen Yakub serto kute nebai beriang neak lem Dunio blau Allah, udi bakea ngindoi ngen saro kerno udi suang nusir moi luea!

YOHANES 21:18

Sesungguakne Uku madeak ngen udi: Waktau ko masiak uai ko meket pinggangnu suang ngen paneu moi ipe bae ko kenlok, tapi amen ko bi tuai, ko bakea mulua tangennu ngen tun luyen bakea meket ko ngen mbin ko moi penan de coa ko kenlok.”

KISAH RASUL-RASUL 21:11

Si teko ngen keme, lajau mok teng Paulus. Samo meket kekea ngen tangenne suang si madeak, “Awei yoba nadeak Roh Sucai: Aweiyoba de temuan teng yo bakea neket ngen tun-tun Yahudi neak Yerusalem, senreak moi tangen bangso-bangso luyen.”

KISAH RASUL-RASUL 7:54

Waktau anggota-anggota Mahkamah Agamo o temi'uk kutene de nadeak Stefanus, tobo'o gis atei ngen mengiak nien ngen si.

2 TESALONIKA 1:9

Tun-tun o bakea temimo hukuman kebinasoan selamo-lamone, nuang moi luea kunei lingkungan Tuhan ngen kunei kuaso-Ne de agung.

2 PETRUS 2:17

Gu'au-gu'au palsu o adeba awei matai bioa de ke'ing ngen awei kabut de teniup angin badai. Allah bi semdio bagiak tobo'o sesuaktau penan de kembiak kelem.

2 PETRUS 2:4

Sebab amen Allah coa semayang malaikat-malaikat de menea duso tapi meting tobo'o moi lem nerako ngen awei yo semreakne moi lem guo-guo de kelem utuk maik tobo'o sapei Bilai Penghakiman.

YUDAS 1:13

Serai awei ombak lai neak laut menimbulkan ukuak, awei o kulo tobo'o mukuak plep-plep kidek. Tobo'o adeba awei bitang-bitang de sudo Allah seniap penanne neak lem kegelapan utuk selamo-lamone.

YUDAS 1:6

Tingetba kulo tobo malaikat de coa taat ngen liwet batas-batas kuaso tobo'o, sehinggo lalau teminggea penan tinggea tobo'o. Allah meket malaikat-malaikat o ngen ratoi abadi, neak lem penan de kelem neak beak bumai. Neak di tobo'o nukum trus sapei tobo'o nelei ukuman pado bilai lai.

WAHYU 21:27

Tapi tun de menea hal-hal de najis, atau tun de ngike – pokokne jano de najis, coa bakea masuk moi lemne. De bakea masuk cuma tun de genne tetulis lem Bukau Tun Idup, bukau Anok Bebirai o.