MATIUS 22:10 - JANJAI BLAU Lem Bahaso Jang Bebilai

¹⁰ Mako pelayan-pelayan'o lalau. Tobo'o lalau moi dalen-dalen lai, lajau melungguk kute tun de tobo'o temau neak di, de baik ngen de jahat. Sehinggo penuakba ruangan pesta nikeak'o ngen tamu.

MATIUS 22:10 ပူးပေါင်းရင်းမြစ်များ

MATIUS 13:38

Kebun'o adeba dunio yo. Biniak de baik'o adeba tun-tun de bi jijai anggota umat Allah. Lalang'o adeba tun-tun de jijai golongan Iblis.

MATIUS 22:9

Lalauba uyo moi dalen-dalen lai, ngen nundangba sekedau-kedaune tun moi pesta nikeak yo.’

MATIUS 25:10

Lajau semulen bodong lalau temukuane, waktau tobo'o lalau tekoba pengaten semanei. Lemo semulen semiap lajau serpok ngen pengaten semanei moi penan pesta, lajau bang tekatup!

MATIUS 9:15

Yesus jemawab, “Kero pendapet udi? Nam coa! Tamu-tamu neak pesta nikeak besedi atei amen pengaten semanei besamo tobo'o? Sahe coa! Tapi bakea teko waktaune penganten semanei nemok kunei tobo'o. Waktau'oba tobo'o puaso.

2 KORINTUS 12:21

Uku khawatir bahwo amen uku teko igai, Allahku bakea merendeak uku neak adep udi ngen uku duko das dau tun de bel'o menea duso ngen ati tobat kunei de kotor, cabul, ngen hal-hal de kidek de tobo'o nea.

1 YOHANES 2:19

Musuak-musuak Kristus o adeba tun-tun de sudo teminggea ite, kerno tobo'o sebeneane iso tun-tun ite. Amen tobo'o tun-tun ite, paset bae tobo'o tep besamo-samo ite. Tapi tobo'o teminggea ite, supayo jelasba bahwo coa su'ang tun kulo kunei tobo'o de benea-benea termasuk kelopok ite.

WAHYU 5:9

Tobo'o mbin legau de blau: “Ko layak mok bukau o ngen mecuak segel-segelne Sebab Ko bi nunuak, ngen kematian-Nu, manusio kunei kute suku, bahaso, negara ngen bangsa bi nukuanu utuk Allah.

WAHYU 7:9

Sesudo'o uku kemliak igai, lajau keten tun dau de luea biaso daune – coa ade suang kulo de dapet mitung jumlahne. Tobo'o adeba tun-tun kunei tiep bangsa, suku, negara, ngen bahasa. Ngen makei jubah de putiak-putiak ngen megong dan-dan pun palem neak tangen, tun-tun dau o je madep takhta ngen madep Anok Bebirai o!