MATIUS 21:41 - JANJAI BLAU Lem Bahaso Jang Bebilai

⁴¹ Tobo'o jemawab, “Sahe si bakea munuak tun-tun jahat'o, lajau semiwo kebun anggur'o ngen tun luyen, ngen lok semreak bagian asea taneak'o ngen si pado waktaune.”

MATIUS 21:41 ပူးပေါင်းရင်းမြစ်များ

MATIUS 21:34

Waktau sudo sapei musim panen anggur, tun temuan kebun'o kemirim pelayan-pelayanne ngen pekerjo-pekerjo kebun'o utuk temimo bagiakne.

MATIUS 21:40

Yesus betanye: “Nah, amen temuan kebun'o belek, si bakea menea jano teadep pekerjo-pekerjo'o?”

MATIUS 21:43

“Jijai ingetba,” nadeak Yesus, “Kute hok sebagai umat bakea de cenabut kunei padonu ngen de nelei ngen suatu bangso de bakea maneu periteak-periteak Allah. [

MATIUS 3:12

Alat utuk tempai bi neak tangen-Ne utuk mbersih gendum-Ne, gendum bakea nelunggukne neak lem tuoa, tapi kute kaleak-Ne bakea nembem neak lem opoi de coa nam padem.”

LUKAS 20:16

Si bakea teko ngen munuak pekerjo-pekerjo o, ngen semreak kebun anggur o ngen tun luyen.” Temi'uk do'o tobo'o madea, “Sekilai-kilai jibeak!”

KISAH RASUL-RASUL 15:7

Sesudo bedebat kekedau anne, jeba Petrus, madeak ngen tobo'o, “Hoi pasuak-pasuak, udi namen bahwo sejok pertamo Allah miliak uku kunei antaro udi, supayo liwet uku bangso-bangso luyen temi'uk Bito Baik ngen jijai pecayo.

KISAH RASUL-RASUL 18:6

Tapi ketiko tun-tun o melawen si ngen minone, si mersi debu kunei keracokne. Paulus madeak ngen tobo'o, “Kunyauba daleaknu tupeak neak das ulaune suang; uku bersih, coa saleak. Muloi uyo uku bakea lalau ngen bangso-bangso luyen.”

KISAH RASUL-RASUL 28:28

“Sebab o udi harus namen bahwo keselamatan de asalne kunei Allah yo senapei ngen bangso-bangso luyen ngen tobo'o bakea temi'ukne.” [

KISAH RASUL-RASUL 28:8

Ketiko o tiak Publius dong tegulek kerno bolon demem ngen desentri. Paulus lalau kemliak tiak Publius de bolon o, Paulus bedu'o ngen mpek tangen moi dasne sehinggo si ka'en.

1 TESALONIKA 2:16

Bahkan tobo'o temutup dalen keme utuk melei namen ngen bangso-bangso iso Yahudi bito de dapet semlamat bangso-bangso o. Ngen awei o tun-tun Yahudi o temambeak trus duso-duso tobo'o sapei jumlahne genep. Ngen uyo tobo'o temimo hukuman Allah.

IBRANI 12:25

Kerno o, teateiba jibeak sapei udi coa lok temi'uk Si de miling o. Tobo'o de coa lok temi'uk Si de teko moi bumai ngen semapei bito kunei Allah, coa nam lalau. Jano igai ite yo de temi'uk Si de miling kunei surgo! Amin ite coa lok temi'uk-Ne, coa mukin ite dapet bebas!

IBRANI 2:3

Jano igai ngen keselamatan de lebiak lai kunei pesen-pesen o! Amen ite coa melei perhatian teadep keselamatan o, paset ite coa bakea bebas kunei hukuman. Sebab Tuhan suangba de pertamo sekilai melei namen keselamatan o, tun-tun de dute temi'ukne bi melei bukti kebenaranne ngen ite.